fahad6977
اخواني واخواتي .. كل عام وانتم بخير
انا وزميلي عندنا حجز على طيران الاتحاد يوم 20/9 الى يوم 30/9 يعني راح نجلس 10 ايام اذا الله اراد
نبي الله يسلمكم ترتبون برنامج لنا وتفيدوننا كيف نرجع مستفيدين من هذه الرحله وهي الاولى الى تايلاند
نبي متطلبات التأشيره من المطار وكذلك افضل فندق في بانكوك وبتايا وبوكت .. واهم الاشياء اللي نزورها هناك
تحياتي للجميع
4 ايام بوكت فندق بان لاماي بيتش فندق شبابي
4 ايام بتايا فندق مارينا ينسباي منشن
يومين بانكوك فندق قريس او زينث .

و عليكم السلام و رحمة الله و بركاتة "
بالنسبة للتأشيرة لابناء مجلس التعاون ممكن تأخذها من المطار (بنكوك ) او من سفارة تايلند من بلدك و هي كلها اجراءات بسيطة جدا .
جدول الرحلة :
فوكت ___ 5 ليال الفنادق المقترحة هي ( توني ريزورت - بان لاماي - رويال بالم ) الاماكن التي تستحق الزيارة هي ( بي بي ايرلاند - جيمز بوند ايرلاند - المسرح الفني الفانتزي - جولة حول بوكت بأستئجار سيارة و زيارة الاكواريوم و معرض سي شل اثناء الرحلة )
بتايا ____ 3 ليال الفنادق هي (مارين ينسباي - مون لايت - في سي ) الاماكن السياحية هي (حديقة استون بارك - بتايا بارك - شلالات رايونج )
بانكوك ____ 2 ليلة تخصصها للتسوق و ربط الاحزمة تمهيدا لمغادرة تايلند و الاسواق المقترحة هي ( بيج سي - سيام باراجون - باتونام ,سوق شعبي - ) الفنادق المقترحة هي ( لاند مارك - اماري بوليفارد - زينيث )
تمنياتي لكم برحلة سعيدة "

1. فأنا أحسبها لك /

أتوقع أن يوم الوصول راح يضيع عليك وحتى تقريباً يوم المغادرة ..

فأنا أحسبها لك /

1. ثلاث أيام بوكيت (فندق الماريوت (سعره 33 دينار مع الفطور) أو فندق الهوليدي إن (سعره 54 دينار مع الفطور) أو فندق بومان بوري (سعره 24 دينار مع الفطور) وكل الفنادق في منطقة الباتونغ بيج :
اليوم الأول : الصبح تطلع من الفندق سيده راح مكتب السياحة وتجز لك حق فنتازيا في نفس اليوم فليل وتحجز حق جزيرة جميس بوند حق اليوم الثاني، وبعدها تاخذ لك التكسي وياخذ لك جوله في بوكيت وحدايقها وطبعاً التكاسي عندهم بوسترات وتختار وين تبي تروح (فأنا أفضل أنك تروح الرماية وركوب الفيلة والدراجات النارية 4 عجلات حديقة الأفاعي وعروض الأفاعي مصنع الكازو مصنع العسل الكارتنغ) وترجع العصر، تتغدا واتريح شوي والساعة 6 مار عليك الباص وموديك فنتازيا.
اليوم الثاني : من الصبح راح جميس بوند وراجع جريب المغرب طبعاً بترجع من جيمس بوند تعبان تريح شويه وتطلع تتمشى في الباتونغ بيج وفي الأسواق اللي هناك وأنت حاجز لك حق جزيرة بي بي وبعدها تتعشى في أحد المطاعم اللي هناك يا سي فود أو مطاعم عربية أو فاست فود ..
اليوم الثالث : من الصبح تروح جزيرة بي بي وما بترجعون إلى العصر أو المغرب، طبعاً تريح شويه وبعد تنزل تتمشى في منطقة الباتونغ أو المجمع اللي منطقة الباتونغ وبعدها تتعشى في أحد المطاعم اللي هناك يا سي فود أو مطاعم عربية أو فاست فود ..
2. شنغماي 3 أيام :
آنه ما رحتها لكن أخوان يقدرون يساعدونك فيها وفي برامجها السياحسة لكن آنه جفت صور لها براحة في غاية الروعة .. ومنها تنوع في الرحلة (بوكيت بحر وجزر شنغماي غابات وجبال وشلالات بانكوك سوق).
3. بانكوك 3 أيام (الفنادق أنت مخير فيهم بس آنه يعجبني البايوك سكاي في الباتونام أو إذا تبي في شارع العرب عندك غريس أو الامباسادور) :
اليوم الأول : أول ما توصل تروح مكتب السياحة وتحجز لك حق السفاري، وفليل تروح لك أي من المجمعات.
اليوم الثاني : تختار لك يا دريم ورلد أو الصبح ، وفليل تروح رحلة رومانسية على متن باخرة لمدة ساعتين أو 3 تتعشى فيها بوفيه على النهر وتجوف مناظر بانكوك بصراحة هذي الرحلة روعة ..
اليوم الثالث : طبعاً تحجر مسبقاً حق السوق العائم وحديقة التماسيح وعروض التماسيح وحديقة الزهور، وفليل تتمشى في الأسواق والمجمعات والسوق الليلي ..
اليوم الرابع طبعاً يوم السفر ..
وبالتوفيق لك يا أخوي .. تروح وترجع بالسلامة ..

الله يعطيكم العافيه جميعاً .. الفنادق اتضحت تقريباً وشرايكم متى نحجزها الحين او اول ما نوصل وكيف طريقه الحجز للنت هل هي امنه
بعدين اول ما نوصل المطار نبغى نروح بتايا هل مكان التكاسي بالمطار واضخ وبكم يوصلونك الى بتايا

تحجزها من الحين .. يا من النت أو من مكاتب السياحة عندكم في البلد .. أضمن لك ..
وعن التكاسي
أول ما تنزل من الطيارة وتستلم الحقائب راح يلاحقونك ناس بيقولون لك تاكسي تاكسي من بتروح بيأذونك وبيمللونك .. عاد أنت أتركهم لأن أسعارهم غالية جداً ضعف السعر للتكاسي اللي برع ..
أطلع من بوابة المطار راح تلاقي ممكتب التكاسي برع أرخص من اللي داخل وراح تجوف طابور أصطف ورى الطابور واذا يه دورك قولها المكان اللي تبي تروحه وبطرشك لسائق التكسي .. وأتوقع أنهم يوصلونك بتايا يا ب 1000 بات أو 1200 بات ..

ما قصرت بوراشد الله يعطيك العافيه
بعد التحدث مع زميلي نريد فقط فنادق اربع نجوم وتكون شبابيه في بتايا وبوكت وبانكوك
اتعبتكم معاي ربي يخليكم

بتايا : بوتيك
بانكوك : قريس
بوكيت : توني ريزورت

ابوالعلمين الله يعطيك العافيه.. هل هذه كلها مستوى اربع نجوم وهل اجد لها تقارير او روابط حتى ارى صورها

بوكيت http://www.tonyresorts.com/
بتايا http://www.hotels2thailand.com/pattaya-hotels/Boutique-Hotel-Pattaya.asp
بانكوك http://www.gracehotel.th.com/
اخوي هذي الفنادق شبابيه لأبعد درجه وعيدكم مبارك وانشالله لنا عوده من تايلند اخر الشهر فمان الله