و عليكم السلام و رحمة الله و بركاته ..
مرحبا اختي ( LOVE.:.A.:. ) ..
حياج الله الغالية بين اهلج و اخوانج و ان شاء الله تفيدين و تستفيدين .. و لا شكر على واجب ^_^
ام ما تحسين ان 5 اسابيع وايد على ميونخ ؟!
انا اقترح عليج توزعينها بين المانيا و النمسا .. و هذا شي راجعلج بس مجرد اقتراح
و اذا حبيتي المدة كلها في ميونخ بخبرج الاماكن اللي تقدرين تسيرينها برع ميونخ و تردين نفس اليوم :
1- حديقة ليجو لاند
2- بحيرة تيجرنسي
3- قرية قارمش + التلفريك و القمة الثلجية + بحيرة آبسي
4- البحيرات القريبة مثل Starnberger See و Chiemsee و Ammersee و Kochel See
5- مدينة السينما الألمانية
6- منطقة التخييم camping ( داخل ميونخ بس بعيدة شوي عن السنتر .. منطقة طبيعية فيها غابات و يمر فيها نهر بارد و يخيمون فيها الالمان في الويكند ، نحن نسير هناك ايام الحر و نشل غدانا و نتنقع و نلعب في الماي البارد لول )
7- مدينة سالزبورغ في النمسا ( قريبه سرنا نفس اليوم و ردينا )
السموحة على القصور غناتي و اي استفسار ما يردج الا كيبوردج ^_*

تسلمين الغلا ماقصرتي الغاليه ايزاج الله خير بس من ناحية وايد لا مب وايد احب ميونخ
انا كل سنه اسير الها شهرين ماصبر عنها فرض مب سنه استغفر الله !! بس مثل ماذكرت هذه الاماكن اللي اسير الها مايربت اسير اماكن ثانيه او مناطق في دول مجاوره لها .. وصح نسيت اضيف اني سايرة :

• قارمش..
• مذبحة هتلر وجنبها بحيرة ايضا..
• و البحيره اللي على الحدود ماعرف شو اسمها اللي فيها سفينه عوده اتحوطج ويخبرونج عن الاماكن اللي تمرين عليهن شي جيه وفيه مكان تستاجرين منه قوارب..
• و رحت منطقه شبه ريفيه نسيت اسمها او اللي شفتهم اهناك تقريبا من الارياف لبسهم التقليدي وكان عندهم سوق خيري مصغر وكل اغراضهم صناعه يدويه وخشبيه يعني صناعه محليه واللعاب لصغاريه الكترونيه 1 او 2 والباجي عزكم الله حيوانات مثل الحصان الخ..

المهم كان ودي اني اقسم الرحله بين النمساء و المانيا بس بيكون عندي بيبي وصغير الا شهرين شو بسوي به وخصوصا اذا كانت وسيلة التنقل القطار بالساعات وايد تعب في نظريه خصوصا ال 5 ساعات وايد والبيبي يتملل ويمللنا وياه ..
اما اذا مناطق مجاورة يعني ماتعداء ساعتين بالكثير اوكي مقدور عليهن نتحمل

• ياريت اتحددون لي كل منطقه مثلا كم اتم فيها ؟
• وكذالك شو عن الطيران الداخلي وكم تكلفته وطريقة الحجز بالضبط اذا بغينا ننتقل من منطقه الى اخرى بدل القطارات والسيارت ؟
• وامهاتنا الفاضلات ممكن تشاركوني اريد اقتراحاتكم وشو المستلزمات الضروريه حملها في السفر لطفل عمره شهرين ؟

في انتظار اقتراحات اخرى .. والسموحه

الله يسلمج حبيبتي .. و لا شكر على واجب ^_^
انا بعد اتشارك وياج في عشق ميونخ .. سبحان الله هالمدينة احس بالراحه النفسيه فيها و ما اتملل منها !
ام بس بعد حلو التغيير و استكشاف مناطق يديده
نصيحتي لج لو تخلين ولدج فديته عند امج او حد من اهلج واايد احسن .. لانج بتتبهدلين وياه
حراام واايد صغيرون فدييته و بيتعب و بيمرض من تغير الجو و رحلة الطيارة و غير الطلعات هناك ... الخ
في هالسن ما يفهمون بعدهم و ما بيفتقدج مثل لو كان 3 سنين او اكثر .. ولدج بيرتاح في البيت و انتي بترتاحين بعد و ما بتحاتينه هناك
:
:
بالنسبة للمناطق القريبة نحن سرنا قرية زيلامسي Zell Am See في النمسا ( جنة الله في الأرض ) .. خذنا ساعتين و نص بالظبط في السيارة و الدرب يجنن ما تحسين فيه ، اول شي خطوط سريعة و بعدين تبدا المناظر الطبيعية
و عندج بعد ( اوروبا بارك ) اكبر حديقة ملاهي في اوروبا .. روعه خباال و تقريباً 3 ساعات و نص بالسيارة بس ما تنفع اذا ولدج وياج لانها زحمه و ما ترومين تلعبين ، وين بتحطينه ؟!
و بعد مدينة (سالزبورغ) في النمسا واايد قريبة من ميونخ تقريبا ساعة و نص بالسيارة ..
ام وايد حلوه انا حبيتها الصراحة لانها رومنسيه و كلاسيكية و على ذوقي و يقطعها نهر (السالزك) يجنن
و قريب منها منطقة البحيرات ( مثل موندسي و وولف قانق و فوش آم سي .. الخ ) هالبحيرات روعه يعني طبيعة و رومنسيه و جو حلو ..
و بعد قريب من سالزبورغ بحيرة كونغ سي الخياليه و بتشوفين تقرير الأخت اوبيرا عنها ..
ام هذا اللي اتذكره الحين و اذا عندج استفسار ما يردج الا كيبوردج ^_^
و السموحة ع القصور غناتي ..

هلا ختيه قصر الشر عنج الغاليه وتسلمين عالمعلومات الطيبه .. من ناحية اخليه والله ودي بس مايستوي واهليه واهله بعد بيسافرون يعني كلنا بنتلاقى في ميونخ .. ومن ناحية الحدايق او اني ماروم اللعب فا عادي ختيه انا ما احب الالعاب امم بالاحرى اذا بسير بس للمشي مب من محبي الالعاب والتجربه بس اطمش .. ايزاج الله خير عالمساعده والسموحه عالكلافه