هلا اخوي الله يوفقك ان شالله
اذا انت من الرياض .. مايحتاج ندلك على الاماكن والمتاحف
مالك الا الاسواق والمطاعم والكوفيهات واكثر ماكثر الله هالاماكن
اما اذا كنت من برا الرياض ... انصحك ماتجي لان ماعندنا بحر ولا جو حلوو
وع العموم شوف روح لمنتزه سلام وطريق الثمامه وو
قصر المصمك هذا الي ببالي الحين

بصراحه ديررتنا مافيها الا الغبار والكابه

يازين ارياض ويزين غبارها(((((وحده نصابه الا الغبار))))))
عندنا شاليهات مثل قريه الثمامه وسبلاش وطريق الثمامه عموما
وعندك المطاعم والمولات
وترا اذا فريت بالسياره بالرياض تعتبر تمشيه

سوي فره بالقسم هنا وشوف لك كم مطعم راقي وكوفي شوب اكشخوا به
والثمامه فيها منتزهات حلوه وشاليهات هادئه
وسياحه ممتعه في ربوع رياضنا

مرحبا بك بالرياض عاصمة المملكة العربية السعودية
بالنسبة للأجواء بالرياض حاره جدا فأفضل شي زيارة الأسواق التجارية مثل ( برج المملكة التجاري ، برج الفيصلية ، مركز غرناطه ، الرياض جاليري ، وغيرها )
بالنسبة مركز المملكة من أشهر معالم الرياض ( ناطحة سحاب ) حيث يشاهد عن بعد 50كلم من كل الإتجاهات ومن السهل جدا الوصول إليه لو أردت الوصول إليه بسيارة أجرة فقط إسأل عن مدخله الرئيسي في شارع العليا ولو ذهبت بسيارتك فستجد الموقف الآمن من خلال ثلاثة أدوار من المواقف تحت الطابق الأرضي سهلة الدخول والخروج من ناحية شارع العليا على بعد أمتار من التقاطع وزودت المواقف بسلالم كهربائية إثنين لكل موقف تؤدي بك إلى قلب مركز التسوق والتمتع بإجمل الأوقات.
وهنالك محلات ذات ماركات عالمية وهنالك ايضا سوق نسائي معزول يراعي خصوصية المرأة ويوجد فيه مركز رياضي وترفيهي سبا وتجميل وايضا يوجد بالبرج فندق الفورسيزن يوجد فيه مطاعم عالمية كواترو وسيزن وجريل ويوجد في الطابق 99 جسر مشاهدة يطلع على مدينة الرياض من أعلى .
هنالك الشارع الذكي ( شارع التحلية بالعليا ) فيه مجموعة كوفيهات ومطاعم مشهورة الطريق منظم بطريقة حديثه
أتمنى لك زياره ممتعة بربوع العاصمة .
تحياتي
اخوك رحال

السلام عليكم ....
مرحبا أخوي الوحيد .....
أول شي ألف مبروك وعقبال الذرية الصالحة ان شاء الله،،
الرياض فيه الي تبي مع إحترامي لإخواني الأعضاء صح فيه حر وفيه غبار بس أحس ان هاذا ماهو شي غريب لأنك عارفه !!!
أماوين تروح تتسيح فيه أماكن واجد .
عندك المجمعات التجارية يكفيك الي على طريق الملك فهد بس ناهيك عن غيرها من جنوب الرياض مثل سلام مول شرق الرياض الرمال سنتر وأيضاً كذا مجمع على طريق خريص غرب الرياض القرية الشعبية تكفيك أنت تتمشى تفرج وشف العالم.
الكافيهات يكفيك الي على شارع التحلية ايضاً دكتور كيف على طريق الملك عبدالله والمساء جديد على طريق خريص مع الملك فهد بعد الهولدي ان .
عندك الثمامة منتزهات وبحيرات ومسطحات خضراء ايضاً ممتازة جداً .
المطاعم : تكفيك المواضيع الي ماقصروا الأعضاء فيها كل واحد جايب له مطعم ومتكلم فيه ...
أرجو اني أفدتك

الاب توب والمكيف افضل سياحه

اشكركم على التفاعل معي
لأني تعبت في الرياض كل يومين دوران في السيارة والشوارع ونزول في الحدائق العادية نبي نجدد شوي - والأسواق تكسرت ظهورنا من كثر الفرفرة ولا فيه سوق إلا رحته - أبي جلسات خاصة مثل شاليهات ممتازة وبها مسبح وسعرها معقول مهوب زي قبل يومين مريت شاليهات الظلال في جنوب غرب الرياض مسبح صغير وغرفين يقول ب 600 ريال وش حقه ما أدري .
عطونا جديدكم في صيف الرياض 1430

فيه شاليهات كولسترز روعه ورومانتك اذا انتم معاريس
اذا تسمح الاداره احط رقمها ابشر بالخير