نصيحتي يا أخي الفاضل /بومحمد, دام عندك اسبوعين توزعها كلآتي :
بانكوك ..... ليلتان للراحة و تنظيم بعض الاعمال .
شنجماي ..... 4 ليال
فوكت ....... 5 ليال
بانكوك ...... 3 ليال
لا تحتاج لأي شركة سياحية و المكاتب السياحية على طول الشارع و البرامج متنوعة تختار حسب رغبتك و الامور سهله و سلسه و لا تحاتي بشئ .
شوف شنجماي و بوكت فيها رحلات متعددة و متنوعة .
اما بانكوك تخليها للتسوق و التجهيز للرجوع للبلد بأذن الله .
رحلة سعيدة اتمناها لكم "

اذا بتزبد الايام على راحتك ،، شانقماي تكفيها 3 ايام ،،
وبالنسبة لبوكيت وبانكوك حجز الرحلات يكون عن طريق الاكشاك السياحية المنتشرة بالشارع ارخص من الفنادق ،، مثلا في بوكيت على طول شارع الباتونق المطل على البحر او الخلفي يوجد اكشاك وانصح بكشك العجوز بوم الملاصق لمطاعم الشرق بالجهة المقابلة لمجمع الجونسيلون ،، اما بانكوك انصح بمكتب موسى البانكوكي في شارع سوكموفيت سوي 5 بمنطقة العرب ..
الرحلات :
بوكيت :

• بي بي ايلاند
• جيمس بوند ايلاند
• فانتزي شو
• سفاري ايلاند
• الاكواريوم
• سبلاش جانقل
• بوكيت زوو

بانكوك:

• سفاري ورلد
• دريم ورلد
• سيام بارك
• سيام اوشن ورلد
• السوق العائم

تسملون يا الحمادي
وياولد ديرتي ولد البحرين

ابغي بعد لو سمحتوا اشهر المجمعات - واماكن بيع الكوبي 1

المجمعات والاسواق في بانكوك :
Mbk
البق سي
الباتونام
اللوتس
روبنسون
كذلك اسواق المنطقة العربية نانا والاسواق الشعبية المنتشرة على جانبي السوكمفيت رود .

الكوبي ون ساعات وشنط ،،
مجمع نانا سكوير في بداية سوي 3 تروح الطابق الثاني فوق في محل في الزاوية يبيع شغلات ما لها علاقة بالكوبي مثل شنط سفر وثياب بس ادخل واسأل عن الكوبي بيدخلونك حجرة بنفس المحل وبيعرضون عليك بضاعتهم وعليك بالمكاسر صاحبة المحل طيبة ،،
وايضا للكوبي ون عليك بسوق البات بونق نايت بازار مشكلته يصير في وسط شارع على جانبينه بارات ومراقص بس انت عليك تغض البصر بس عندهم بضاعة حلوة من ساعات وشنط وطبعا قاصص بالسعر اذا قال لك 3000 قوله 500 واستمر لما توصل سعر مناسب وعندهم تقليد ماركات ثياب واقلام وغيره حتى تيش شيرتات الاندية الاصلية موجودة.

اعتقد الاخوان ماقصرو
ولا في اضافه بعد شرحهم يعطيهم العافية
ورحلة موفقة اخوي
وزي ماقالو لك لاتشيل هم
الامور سهالة هناك