الاماكن الي لابد من زيارتها:
المارينا ( مرسى المارينا) : ممشى وكوفي شوبات وفيه سفينه تاخذكم وفي جوله لمدة ساعة في البحر ( 60 درهم للشخص)
دبي مول : توه فاتح في منطقة برج دبي ( نص يوم ما يكفي فيه)
سوق الجميرة : سوق للتمشية وليس للتسوق، انا يوميا اروح له وما اشتريت منه الا سماعة بلوتوث وحلويات عربية ههه وقيه مقهى المدرج .. الجلسه فيه ترد الروح بالشتاء.
المولات على قفا من يشيل بدبي لاتوفرونهم. ...
القرية التراثية عند نفق الشندقة حلوة للتمشية بالشتاء وفيها مطاعن وكوفيهاات
والبركه بالاخواات والاخوان بيدلونكم على المزيد

هلا اختي
انا حاطه دليل للشقق الفندقيه وعناوينهم وشو المراكز القريبه منهم بس الصراحه ما اعرف الاسعار والنظافه !! يعني هاذا اذا بتحجزين لازم تتصلين وتسألين عن لاسعار..
بالنسبة للاماكن السياحيه,,,
الحدائق : حديقة زعبيل , حديقة جميرا ,حديقة الخور , حديقة الممزر
الحدائق المائية: الوندرلاند, وايلد وادي, الحديقة المائية أكوافنتشر في جزيرة النخله
المجمعات التجارية الحديثة والاكثر شهره: مول دبي, امارات مول , ابن بطوطة مول , الفيستفال ستي , وافي ستي , برجمان , مركاتو , سوق جميرا , مول البحار , خان مرجان (في وافي ستي) , دبي اوت ليت
سوق التنين الصيني..
رحلات سفاري في صحراء دبي اذا تحبين بيب لج اسماء وارقام شركات السفاري
ام المطاعم اللي في السفن العائمة على خور دبي في شارع السيف..
ولا انسى ان القريه العالميه بتفتح ابوابها بعد يومين بأذن الله..
المارينا (مرسى دبي ) للتمشيه وايد حلو
ام هذا كل اللي اتذكره الحين
واذا عندج اي استفسار حياج الله

الله يعافيكم وانا كمان ابغى استفسر عن الجو عندكم بذي الحجه يصلح للسفر او لا
واابغى شقق بالشارقه اسعارها معقوله وياليت كم ؟

أفضل الشقق اللي حطيتيها هي الضيافة 3
الباقيين ما أنصح فيهم
بعضهم فيها ملاهي ليلية
والباقيين درجة النظافة مش لهناك

بنت بابا زايد
اي ولا عليج امر
نبي نروح سفاري شلون طريقه الحجز عندهم

اوضاح
هلا اختي اوضاح
ولا يهمج
شوفي هالموضوع https://artravelers.com/p/re/235385

الف شكر للردودكم
احنا حجزنا لمده 8 ايام
في فلورا بارك
هل سمعتو عنه من قبل وشاريكم فيه من ناحيه النظاافه حق اللي سمع عنه
وهل يصلح حق عوايل؟؟
وانا ابي خطه انا والعايله
لمده اسبوع
مشاءالله وايد اماكن ومحتاره وين اروح
ابي الاماكن اللي تكون يم بعض
يعني اذا بروح 3 او اربع اماكن بيوم واحد تكون ترفيهيه ومجمعات للتسوق
وشكرا لكم

مساء الخير للجميع حبيت اسئلكم عن مدينة الالعاب في دبي للكبار والصغار

السلام عليكم
فندق فلورا بارك ممتاز ، قريب من الستي سنتر.
وبيكون قريب عليكم الجسر العائم إذا حابين تروحون بر دبي يمين جسر المكتوم ، يسار جسر القرهود .. استخدموه بيوفر عليكم رسوم سالك.

• القرية العالمية تحتاج لنصف يوم (لاتفوتونها) تفتح العصر.

عبارة عن عدة قرى من دول العالم ، وكل قرية لها طابعها الخاص من عروضات وملابس وغيره منها القريه(التايلندية - والسعودية - ولبنانية -والإماراتية- والهندية - والسورية - والإيطالية، ولكويتية وغيرهم من القرى ...........الخ)
وفيها عدة مطاعم ، وملاهي العاب للكبار والصغار
الموقع: شارع الإمارات

• الاكواريوم ومركز الإستكشاف في دبي مول

https://artravelers.com/p/re/235423

• مثل ماذكرت اختي بنت الشيخ زايد.... السفن العائمة أو جولة عشاء(بحرية) في خور دبي عن تجربة المنظر ولرحلة رائعه.
• مطاعم قرية التراث والغوص ... أجواء تراثية رائعه عالخور.
• سوق جميرا ولجلسات الخارجية للمطاعم والكوفيات يستحق الزيارة يفضل المساء
• مرسى دبي (المارينا) أيضاً يستحق الزياره
• جميرا بيتش ريزيدنس (THE WALK)
• الكافية الثلجي تجربة حلوه

الأماكن المذكورة فالرابط:
https://artravelers.com/p/re/191790
.