أبو نووواف
13-05-2022 - 05:48 pm
السلام عليكم
يعطيكم الف عافيه ناس تبرد الخاطر
الله يسلمكم رحلتي من الرياض جنيف في 2-9-2011
والعوده من ميلانو الرياض ب 14-9-2011
انا وزوجتي واول مره اروح لاوروبا
ياخبره هل المده تكفي حيث التنقل جنيف انترلاكن ميلانو وابي فينيسيا بس مدري متى اروحلها اتوقع بعد انترلاكن
انا مابي اتسدح ابي اللي يكفيني بالظبط من الايام
لاني حاجز وودي اشوف هل المده تكفي ولا اغير حجزي(لاني مابديت ولا بشي من الفنادق ولا حجز القطارات ولا ترتيب الاماكن السياحيه
المحطه الثانيه انترلاكن وضواحيها الحالمه والطبيعه الخلابه 4 ليالي او 5 وياكثر الاماكن اللي بتزروها وانواع الرجة والخضره طبعا بالسياره (الاخ ملزم على السياره ) مسافة الطريق ما تزيد عن ساعتين ونص طبعا راح تكون 8 ساعات لانك اكيد بتزور اماكن بالمنتصف وتقضي نهارك الجميل بدل التسدح على قولتك ومن اهم المناطق اللي بالطريق قشتات شيء رائع وعندك مصنع الشوكلاته كثير من الناس هنا توصي علية لكني ما رحت له فانا ما احب الشكولاته ولا مصانعها المحطه الثالثه لوقانو ليلتين تكفي ومسافة الطريق ساعتين ونصف ايضا ولكن ممكن تكون اربع ساعات ونصف اذا انت بتسير على كوخ هايدي على الطريق او 6 ساعات اذا بتمر زيورخ واهم شلال بسويسرا شلال الراين بعد ما تخلص الليلتين بلوقانو تنطل عليهم السياره اللي انت كنت خايف تستاجرها وراح تودعها بحزن شديد وتنطلق الى ميلان ساعه بالقطار وتجلس بميلان ثلاث ايام واحد منهن بيروح عليك في فينيسيا تنطلق بالقطار وترجع بنفس اليوم لان المسافة بالقطار ساعتين ونص ليلتين تتمشون فيها وتقحش انت والمدام من الاسواق هدايا وترجعون للسعوديه بكذا اصبح مجموع الليالي( ام كم قلنا خلني ارجع اشوف ) ثلاث طعش ليله بس والله اني حبيب ما زودت عليك الا ليله واذا بغيت ممكن تنطلق من لوقانوا مباشرة الىفينيسيا بالقطار 4 ساعات وتجلس هناك ليلتين اذا تحب واخر ليلتين تكون بميلان المجموع 14 ليله تحياتي