ما عليك من المكتب
قص التذكره وتوكل على الله اذا انت عاقد النيه على الروحه
وتقدر تتفاهم مع المعهد اذا تبي تدفع لهم اسبوعيا او شهريا
وعلى حسب معلوماتي انه في كل يوم إثنين تدفع حق الأسبوع
ومو شرط إلا تدرس في هالمعهد تعال وأخذ لك لفه على المعاهد والي ترتاح له تسجل فيه
خصوصا وانت راح تشوف كل شيء بنفسك
وأغلب المعاهد في أوكلاند على نفس الشارع الي هو الكوين ستريت او بالقرب منه
عموماً هذا رابط المعهد اذا تبي تتصل فيهم او تراسلهم
http://www.languagecourse.net/school-english-language-school-auckland.php3
وأي خدمة تحت أمرك

مرحبا
انصحك تجي بدون مكتب لأن اكثر المكاتب للأسف ما عندهم اي مصداقية في الأسعار
انا جيت عن طريق مكتب وندمت
الدفع على حسب المعهد بس المعهد المذكور سالفا ما ادري عنه لأني في كرايست شيرش
اغلبهم الدفع كل اسبوع بس اذا كان المعهد كبير او كلية اقل شي تدفع حق 4 اسابيع وما سمعت ان معهد ياخذ اكثر من 4 اسابيع
لكن لا تنسى شغلة مهمة ... في حالة انتهاء الفيزة السياحية ( ثلاث شهور ) المعهد راح يمنحك فيزة طالب على حسب الأشهر اللي راح تدفعهم بس هالكلام بعد انتهاء الفيزة السياحية
يعني اذا دفعت حق شهرين راح يعطيك فيزا حق شهرين

حياك الله أخوي تذكر زمان اول
الشباب ماقصروا في الردود وأنا أنصحك لو كانت إنجليزيتك مش ولا بد إنك تحجز 3 أسابيع من هنا ولما توصل هناك تحدد الإستمرار في المعهد أو تغييره
تحياتي

انا راسلت المعهد يا اخوان وكان هذا رده علي ...
Thank you for your email again.we need full amount payment at least 2 weeks before your arrival.Unfortunatly, we don't accept students pay monthly or weekly. Can I make your invoice for 32 weeks, 8 weeks, or others? Please let me know

المعهد يذكر لك انه عليك ان تدفع لمده اسبوعين على الأقل
وسأدلك على الطريقه المثلى لكي تدرس هناك
احجز على الخطوط التي ترغب
راسل المعهد الذي تريد , واذكر لهم الشروط التي تريد بشأن العائله ,وانك ستدرس لديهم لمده اسبوعين
ليقوم المعهد بعد ذلك بإرسال قيمه المبلغ الذي عليك دفعه لمده اسبوعين , بالإضافه إلى سعر السكن مع عائله , ورسوم البحث عن عائله
تقوم بتحويل المبلغ لهم , ويرسلون لك على البريد الألكتروني ورقه القبول , التي ستبرزها لموظفي المطار عند وصولك , ليعرفوا سبب تواجدك في نيوزيلندا
بالإضافه إلى ان المعهد سيرتب لك إستقبال في المطار
بعد الدراسه لمده اسبوعين , ستحكم بنفسك هل ارتحت في المعهد ام لا ؟
إن ارتحت ..... فبها ونعمت , استمر في الدفع لهم كل اسبوعين , وإلا بإمكانك تغيير المعهد بآخر , ونفس الحكايه والطريقه مع العائله
^^^
^^
^^
^
الطريقه السابقه هي الطريقه المثلى والتي استخدمها معظم الأعضاء هنا بعد إطلاعهم على نصائح وتجارب الإخوان في هذه البوابه
واي إستفسار إن شاء الله الإخوان مايقصرون

جزاك الله الف خير

السلام عليكم
ما ازيد علي كلام الاخوان ولكن ياخوك اذا بتدفع كل اسبوعين او كل شهر فاعتقد انه ما راح تحصل علي الخصم
اتمنى انه ربي ييسرك ويوفقك

اخوان الله يعافيكم الي فهمته اني ادفع حق اسبوعين وبعدين اسافر .. واذا عجبني المعهد استمر ...
طيب اذا عجبني وحبيت استمر هل ادفع المبلغ كامل او كل اسبوع ... هذا الي ابيه افهمه