بليز اللي عندو فكرة يرد عليه لانو قربت السفرة
واول مره اسافر اوروبا

وعليكم السلام ورحمة الله وبركاته
طبعا الجدول وتوزيع الايام خلصت منه
داخل فيينا بالنقل العام باصات ومترو
وبعدها بالسيارة
فيه خيارين
الاول
عندك يا تستأجر من فيينا في اخر يوم وانت متجه زيلامسي
الثاني
تطلع من فيينا قطار الى سالزبورغ وتسأجر من فيرلاسينغ الالمانيه قريبه من سالزبورغ
هذا يعتمد على سعر السيارة وتوفرها اذا كانت ارخص من فيينا اخذها منها اما اذا كانت ارخص من فيرلاسينغ استأجر منها
ولأنك بتسلمها في دوله اخرى عليها ضرائب تختلف من شركه الى اخرى ولكن اغلب الاحيان 200 يورو
نجي وين تسلم السيارة
تسلمها في مطار جنيف اذا بتروح باريس بطيران اقتصادي
او تسلمها في محطة القطار في جنيف اذا بتروح بالقطار
وباريس طبعاً زحمه ما تصلح فيها السيارة
النقل العام هو الحل
ملحوظه
اطرح جدولك هنا خلينا نشوف تخطيطك اذا تبي طبعاً ....

حبيبي انت
طبعا رحلتي ح تكون من جدة الى فيينا وعندي ترانزيت ميلانو
ح اقعد في فيينا 3 ليالي وبعد كدا ح اتجه الى زيلاميسي ح اقعد 4 ليالي
وبعدها انسبروك ليلتين وبعدها على انترلاكن 4ليالي وبعدها جنييف ليلتين
وبعدها باريس 5 ليالي
طبعا هذا الجدول اللي استقرينا عليه مبدأيا وقابل للتغير لو في افكار افضل
والمشكلة معي في التنقل لاني ما ابغى استأجر سيارة هناك
ابغى استخدم النقل العام
افيدووني وافيدني مشرفنا الغالي

وللمعلومية هذي اول سفرة لي اوروبا يعني فهمني حبه حبه

جدولك ممتاز
وانصحك بي استئجار سياره صدقني راح تنبسط اكثر من الوسائل العامه ومافيها اي تعب
واذا ماحبيت ممكن اساعدك في النقل العام
انت اسال وانا اجاوبك
بس نصيحه مني وراح تدعيلي فكر في موضوع السياره

اضم صوتي للإخت جنون
السيارة لها متعتها وافضل من انتظار الباصات اقصد في الارياف زيلامسي و انسبروك و انترلاكن اشوفها مهمه انت براحتك .
تستلمها من فيينا اخر يوم وتسلمها في جنيف محطة القطار اذا بتروح باريس بالقطار او في المطار اذا بتروح طيران ..
اذا فكرت تستأجر سيارة استبدل انسبروك ب كونستانس حتى تقصر عليك المسافه الى انترلاكن وتزور شلالات الراين

اضم صوتي للاخوان في موضوع السيارةوجهة نظري استأجر سيارة( مع وضع محطات للاستراحة كل 350 كلم)
والله يوفقك ان شاء الله

يعطيكم العافية جميعا
بالنسبة لموضوع السيارة أنا شايله من راسي لسببين احدهم نفسي والثاني ابغى استمتع مع عائلتي بكل لحظة في السفر وبالنسبة للنقل العام صدقيني يا اخت جنون مو فاهم شي فيه يعني اللي أبغى اعرفه طريقة التنقل من مدينة لمدينة أخرى وايضاً الأسعار وطريقة التنقل من النمسا على سويسرا ومن سويسرا على فرنسا كل هذي الأمور أجهلها قاعد احاول اقرأ في المواضيع حق الاخوان بس وقتي مايسمح خصوصا مع دوامات أرامكو بالاضافة لأكثر من مشروع خاص يعني مشكلتي بالدرجة الاولى في الوقت وكل ما بلاقي فرصة بحاول اقرأ وادون الشي اللي بفهمو لذلك بليز لا تبخلو علينا بالمشورة وايضاً بالأفكار والله لا يحرمني منكم