اخوي اتوقع محلات الملابس بالجمله منطقة البلد سوق باب مكة والله ناسي اسم الشارع بس اعتقد يا شارع قابل او الخاسكيه
وان شاء الله الموجودين بالمنتدي يفيدونك اكثر مني

الله يسهل لك الطريق
وباذن الله عمره مقبوله
بالنسبة لبيع الملابس بالجمله
في حي البغداديه وباب شريف
بحاول اليوم بالكثير اعطيك وصف زين للمنطقه
ومن محل لمحل بيفيدونك ان شاء الله

افضل مكان لبيع الجمله في جده ( البلد )
باب شريف + باب مكة + الخاسكية
ان شاء الله الاخوان يفيدونك اكثر ..

شوف يالحبيب
امشي مع طريق المدينه باتجاه الجنوب
امشي امشي امشي
وحاول وانت تمشي تستغفر مع الزحمه
عدي حراء عدي قريش صاري المربع التحليه فلسطين الملك عبدالله
بعد ما تعدي تقاطع الملك عبدالله عدي مركز فتيحي
ولما يميل الطريق معاك على اليسار شوي
تعدي مركز رجال الاعمال
وبعدين اشاره
عديها تجيك اشاره ثانيه
بعد ما تعدي الاشاره الثانيه تبدأ معاك محلات الرياضه بداية من بيت الرياضه الفالح
وبتلقى بعده محلات كثير رياضه يبيعون بالجمله
طبعا هذي المنطقة اسمها البغداديه
وبعطيك الاحداثيات
العرض 21.497510°
الطول 39.185003°
طبعا الاحداثيات هذي توصلك للاشاره الثانيه


بعد ما تاخذ فكره عن الاسعار عندهم
اسأل عن باب شريف
وقولهم ابي مركز الشرطه اللي هناك ومحلات الخيام
ولما توصل اسألهم قول وين محلات الجمله اللي تخص ملابس الرياضه
هي غالبا بجوار مركز الشرطه بس عجزت اطلعها لك بقوقل
وبحاول اجتهد اطلعها لك
واجيب احداثياتها لو قدرت
واذا تبيها بصيغه ثانيه بلغني اعطيك الصيغه اللي تبي

ماشاء الله تبارك الله ما قصرت يابو نورة
يعطيك الف عافية

أغلى الغاليات
ولوو
الله يعافيك
وودنا نخدمهم بعيونا
وشلون لا صار ضيف على المملكه ومعتمر

الحمد لله قدرت اطلع لك الموقع اللي ودي انك توصل له
طبعا بعد ما تسأل عن باب شريف
وبالضبط برحة باب شريف ، مقابلها شرطة باب شريف
بتشوف قدام الشرطه هالمجسم
الشارع اللي ابيك توصله تقريبا مقابل المجسم بحاجه بسيطه

( الصوره من عم قوقل )
الدائره الحمراء بالصوره ادناه هي مكان المجسم اللي بالصوره أعلاه
واحداثيات موقع المجسم
خط الطول / 21.481492°
خط العرض / 39.189058°

وان شاء الله ان الله كتب لك ورحت لا تنسى تدعيلي
وبالنسبة للاحداثيات ( للشارع الصغير اللي فيه محلات الجمله )
ان شاء الله تطلع مضبوطه
طلعتها لك من قوقل إرث
وهذي هي
خط الطول / 21.481136°
خط العرض / 39.188902°
وحاب اضيف لك معلومه
من اشهر الشركات او المؤسسات المختصه بالجمله
هي ( باناصر ) ..
رقمهم / 0096626442431
وأسأل الله العلي العظيم أن يكتب لك التوفيق

كل الشكر لك اخوي الغالي أبو نورة ورحم الله والديك والله ماقصرت وهذا العشم فيكم أهل السعودية الكرام
والشكر موصول لجميع الاخوة رايتكم بيضاء جزاكم الله الف خير

ماشاء عليك اخوي بونوره احس امشي في الطريق من دقة الوصف بس انا في الرياض