1. السلام عليكم جميعاً..

السلام عليكم جميعاً..

معاكم أخوكم مصعب واللي خلاني أكتب لكم اليوم اني محتاج فزعتكم يا أهل العلم في تايلند وأنا أدري انكم نشامى وماتقصرون
أنا الآن موجود في كوالالمبور عشان شهر العسل ومسافر تايلند (بوكيت - بانكوك) يوم السبت صباحا بإذن الله، ولكثر انشغالي الفترة اللي سبقت زواجي (زواجي كان الأربعاء الماضي) ما عرفت أرتب جدول تايلند ولكني رتبت رحلاتي في ماليزيا
بصراحة اللي أبيه منكم بس جدول رحلات وتمشيات في بوكيت لمدة 7 أيام والفندق قريب على شارع بنجلا بس مو قريب مرة مرة (الفنادق والطيران قاضيين منها) وجدول صغير لمدة يومين في بانكوك وأنا نازل في فندق هوليدي ان اكسبرس اللي قريب من MBK مول (الفنادق والطيران قاضيين منها) وهل تنصحون أحول الدولار من هناك والا آخذ معي بات تايلندي من هنا من كوالالمبور؟ والدولار الأمريكي كم يسوى الآن بات تايلندي؟
ولا عليكم أمر اللي أخواني الأعزاء، اللي منكم يعرف أسعار الرحلات والجولات السياحية وأسماء أصحاب مكاتب سياحية أو سواقين تكاسي لا يبخل علينا بالأسماء والأرقام.
وماهي المطاعم اللي تنصحون بالأكل فيها (كويس ورخيص وابن ناس) خصوصاً في بوكيت لأنها صاحبت الجزء الأكبر من الرحلة وهناك في بانكوك نقضيها وجبات سريعة مافي مشكلة
وبحسب قوانين المنتدى اللي قريتها اليوم، أرفق لكم المعلومات اللي تحتاجونها:

• مدة الرحلة ( 7 ايام فوكيت و 2 يوم بانكوك)
• نوع الرحلة شهر عسل
• بأي شهر ستكون الرحلة تبدأ يوم 5 يناير 2013 وتنتهي 13 يناير 2013
• الميزانية الموضوعة للرحلة كاملة (الفنادق والتذاكر مقطوعة وكله تمام بس محتاج جدول للرحلات والنزهات) وهناك مصروف حوالي 1500 دولار للتمشيات من غير الأكل والشرب والفنادق وغيره.

ننتظر همة الأخوان والأخوات وسلامتكم يا طيبين..