السلام عليكم و رحمة الله وبركاته ..
اول شي اشكركم على المجهود الرائع و الجبار اللي بيقوم عليه اعضاء المنتدى ..
تصفحت واستفدت كثير وحابه استفيد اكثر و اشارككم تجاربي في السفر ان شاءالله ..
وحبيت اني اكون جزء من هذه العائله اللي دائما تساعد بعضها ..
اشكر الاعضاء ماقصروا على معرفة اهم الاماكن السياحيه في ايطاليا و اجمل مدنها ..
واحترت الصراحه كيف ارتب رحلتي انا وعائلتي ..
نحنا 3 افراد كبار و اخي الصغير عمره 12 سنه ..
حتكون رحلتنا جده - روما يوم 20 - 6 ان شاءالله ..
و العوده بإذن الله ميلانو - جده يوم 10 - 7 ان شاءالله ..
هل تكفي لإيطاليا ؟
لان كلامكم عنها وعرضكم للمدن خلاني احسها قليله
وماهي اقتراحاتكم لخطه اقدر امشي عليها ؟
بالصراحه نفسي ازور فلورانس وبيزا و فينيسا .. فهل تتوقعوا رح يكون هناك متسع من الوقت ؟
وهل حيكون وقت ايضا لزياره مدينة تيفولي او كومو ؟
وبماذا تفضلوا نتنقل بالقطار او بالباص وكيف الاسعار بالنسبه للاثنين ؟
اللي حابه اوضحه ..
السوق فقط رح نروحه في ميلانو .. لان قرأت في المنتدى ان هناك اوت ليت يبعد عن ميلانو تقريبا ساعه ونصف ..
فتقريبا حتكون ميلانو هي وجهتنا للتسوق
باقي المدن نريد نتعرف على اجمل مافيها ..
اعتذر جدا جدا جدا اني رح اتعبكم معايا ..
بس اتمنى فعلا انكم تساعدوني ..
شكرا لكم