السلام عليكم ورحمة الله وبركاته https://artravelers.com/p/re/700661 اخوي جرب هذا تقرير اخوي ادلع يا كايدهم
واقرى عنه

السلام عليكم ورحمة الله وبركاته
https://artravelers.com/p/re/751307
هذا تقرير في الأمور المبسطه وفيه الإحداثيات وفيه الأماكن وكل الي يطري في بالك
وأهم شي إن سفرتك بشهر 12 يعني في عز البرد انتبه لهذي النقطه في بعض الأماكن إحتمال تكون مغلق وتفتح في مواسم معينه
بالنسبه لي أنصحك بهذه الأمور
إذا سفرتك في دولة النمسا فقط
( مطار فيينا )
1.تأجير سياره من شركة سكست كار ( لان التكاسي غاليه جداً ) والأهم متعة السفر بالسياره صراحة لإني رحت
هذا الصيف لأول مره واخذت السيارة وربي لك الحمد الأمور ميسره
2. السكن في منطقة فيينا لمدة يومين لان فيينا بوجهة نظري حدها فقط يومين أو بالكثير ثلاث أيام .
3. باقي أيام سفرتك نصيحة لوجه الله إسكن فقط بكابرون لان بصراحة منطقة حلوه وهاديه ورائعه جداً
( يعني تقعد من النوم تتريق بالفندق وتتكل على الله وتتمشي )
لإن كثرت الفنادق بصراحة تعب وعوار راس وكل شوي تشيل جناطك ونصيحه خلك بفندق واحد
4. منطقة سالسبورغ تزورها مدة يومين منطقة حلوه وحدها يومين بصراحه
5. بالنسبة لتضبيط الجدول والأيام انت إقراء التقارير المرفقه ونسق الجدول الي تبيه
ثانياً :
السفر لميونيخ + النمسا
إذا بتسافر ميونيخ + النمسا لابد عليك الإنتباه أولاً للفيزا لأن الألمان يدققون على الفيزا ( الشنقل ) إذا فيزا من المانيا أو النمسا
1. تأجير سيارة من سكست كار مييونيخ
2. السكن في منطقة كابرون إلى آخر ( 3 ) أيام ثم الذهاب لألمانيا للتمتع بآخر ثلاث أيام بألمانيا .
3. التجول كما قلت لك فوق ( للعلم ) المسافة ما بين فيينا و كابرون تقريباً 3 وربع فإذا أردت الذهاب لفيينا من كابرون إذهب باكراً
وإرجع باكراً وهذا للعلم
4. ( فيينا يومين ) ( سالسبورغ يومين ) ( ألمانيا ثلاث أيام )
وهذي نصيحتي لك
والله يوفقك والله يتمم عليك العرس ومبروك مقدماً
وأتمنى ما أكون مقصر

السلام عليكم اذا كنت من دبي انصحك بحجز السياره من شركة سيكست موجوده في شارع الشيخ زايد عند الجسر المؤدي الى تايم سكوير
ثانيا اذا بتسافر للنمسا لازم اطلع الفيزا من السفاره في ابوظبي و قيمتها 750 درهم للشخص تنزل مطار فيينا و تاخذ السياره على طول لسالزبوغ تقريبا ساعتين و تقعد ليلتين و بعدها تسافر ميونخ و المسافه اعتقد ساعتين و ليلتين كافيه و بعدها تسافر لكابرون و تقعد اطول مده لانها تستاهل اتطول فيها و بعدها ترجع فيينا بس لازم تنتبه لايام الاسبوع يعني السبت و الاحد كل شيء مغلق الا الاماكن الترفيهيه مثل الحدائق و المتاحف وبالتوفيق

اذا شهر 12 برد
غير المكان افضل

انا مع اخوي ، الجو برد ولا راح تنبسط مثل اذا كان الجو ربيعي ، يمدحون شرق اسيا ، وخصوصاً كوريا ، سمعت عنها كثير هالايام

nfsi.3zizah
و عليكم السلام و رحمة الله و بركاته
اتمنى لك رحلة شهر عسل موفقة
انصحك حتى تستمتع اكثر بالرحلة ما تروح على اماكن كثيرة
الافضل تختاروا مكانين فقط لذا اقترح عليك
ميونخ 3 ليال / زيلامسى 4 ليال
هذا غير يوم الذهاب و يوم العودة
افضل زيارات فى ميونخ :
رحلة القصور البافارية وسط الجبال - قصر newchawnstein - قصر linderhof
الذهاب لجارميش Garmish بالقطار يوم بالصباح و العودة اخر اليوم لميونخ
اما فى زيلامسى
اقترح السكن فى منطقة الكابرون و ارشح لك هذا الفندق
steigenburger hotel kaprun
https://www.booking.com/hotel/at/hotelkaprun.en.html?aid=1300939
زيارة شلالات كريمل
زيارة جبل الكابرون
تمضية يوم حول بحيرة زيلامسى
راجع هذا التقرير لترتيب الجولات السياحية
https://artravelers.com/p/re/746163