أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
miss doha
هوليدي فيلا ماله نجمه حتى
بس رمادا هذا خمس نجوم وفخم
وفي وسط البلد
حتى الغرف فيه أوسع من القديم
بس القديم اللوبي ماله أشرح وفيه حديقة ومسبح
وحتى مطاعمه أحسن من الجديد
فيه مطعم هندي حلو لو تبين تروحينه
على العموم الفندقين بينهم ممر بس
يعني ماتطلعين من الفندق اليديد علشان تروحين القديم
وهو مثل ماقلت لج يعتبر في وسط البلد يعني حذاج كل شي
وخل يعطونج غرفة تطل على تقاطع رمادا
وحاولي تلقين لج حجز من الحين
لانه كل مره أتصل لهم ألقى الحجز عندهم فُل
لانه في وسط البلد والناس دايما يسكنون فيه ومايفضي
حتى خصم مايسوون في المواسم مثل الصيف وغيره
تكفون ساعدوني كل فندق اساله ماعندهم كونكشن بين الغرف
ردوا علي ابي فندقيمه قهاوي عشان عمي معانا يحب مكان فيه اسواق وجذيه وقهاوي يبي كل شي قريب حوله
؟؟؟
وشرايكم بفندق سوق واقف حلو؟؟
شتنصحوني فيه ردو يا اهل قطر
ابي فندق زين سفرتي مابقي عليها شي
شوفي رمادا صج في وسط البلد لكن لازم بتركبون السياره وبتروحون المجمعات والاماكن السياحيه
مثلا عندج فيلاجيو بعيد عن رمادا بتاخذين عشر دقايق في السياره يمكن
ونفس الشي بالنسبه للسيتي سنتر
لكن لو تبين فندق تطلعين منه على طول وتلقين نفسج في السوق احجزي في فندق سوق واقف
لكن ماادري اذا فيه غرف متصلة والا لا
بس تقدرون تاخذون سويت لاني سمعت ان سويتاتهم حلوه وواسعه وأسعارهم زينه
واذا طلعتي من سوق واقف تلقين نفسج في السوق على طول وكل شي عندج
ويقدر عمج يقعد في القهاوي لين مايشبع
ردي وقولي لنا شبتسوين ، بدون توتر
