1. السلام عليكم ورحمة الله تعالى وبركاتة

السلام عليكم ورحمة الله تعالى وبركاتة

كيف الحال شباب وصبايا المنتدى الغالي على قلبي من ثلاث سنين اتابع المنتدى بدون ما سجل لان خلفيتي في السفر مو بذاك الزود بس عاد جات الفرصة الي انتظرها من سنين وهي السفر للباريس صاحبك ترى غشيم ماله بالسفر كثير اللهم اني مبتعث في بريطانيا وطفشت من لندن كل ويك اند قلنا خلنا نشوف باريس مع ان اغلب الي راحو قالو خلك على لندن ترها احسن من باريس مليون مرة يقلون لندن احلا في كل شي بس والله عاد طلعنا شنغن دام شنغناها ما يردنا ان شاء الله الا برج ايفل ههه ترى ذا الي اعرفة في فرنسا بس وكمان يقلون شارع اسمة شانزليزية المهم مالك في تطويل المواضيع ابغى خدمتكم انا رايح مع زوجتي والفنادق الي انا شايفها ماتسر صراحة يعني حاسة اعذروني محلات مشبوهة يعني فية كم فندق بس غالية انا ابغى فندق ان كثرت 190 او 180 يورو الليلة علما بأني ابجلس 3 ايام فقط يعني بدال قطار على لندن في الويكند ابخليها طيارة على باريس اخر الشهر ذا شفت فندق عجبني شكلة لانو مطل على باريس كلها الكونكورد لليفيت بس العالم تقول بعيد والشانز والشانز ابعرف يعني مهم جدا الشانز يعني اذا ماسكنت فية بتكون السفرة خربانة ذا الاستفسار الاول يعني السكن جنب برج ايفيل مو ذااك الزود وبالله ريكم في كونكورد مدري احسة تمشية لحالة انك تجلس في الغرفة وتشوف باريس كلها احسن من الهجولة طولت عليكم كمان بالنسبة للميترو الي تحت الكونكورد كيف اقرب محطة في الشانز على نفس الشارع طيب بالميترو للبرج ايفل والله يخليكم لو فية خريطة بالالوان لاتقلي خط ازرق واصفر انا حق لندن اخذت كم شهر الين فهمت حتى جا على بالي اخلي رسالة الماجستير كيف تستخدم الاندرقراوند في عاصمة الضباب ههه شاكر لك وسامحوني على الاطالة زيادة (((توني افتكرت ثلاث ايام تكفي للزيارة يورو ديزني )))) مع السلامة