يا هلا فيج اختي
لا تحاتين الامور سهله تنزلين اي محطه مترو قريبه منج وتقوليلهم ابي اروح يورو ديزني يقصولج تذكره على الرير a يقولج تبين روحه ولا روحه ورجعه تقريبا قيمة التذكره ذهاب وعوده 12 يورو وشوي واسم المحطه مارني لا فيلا شيسي
وبالنسبه للباص تقدرين تنزلين وتركبين الباص الثاني من نفس الشركه على نفس التذكره لانه التكره تكون لمده يوم او يومين فعادي باي وقت تركبين
وتقدرين تروحين بالمترو حقمتحف اللوفر دقيقه اشوفلج اسم المحطه واقولج

هذا الموضوع راح يفيدج اختي فيه اغلب الاماكن السياحيه واقرب محطات المترو لها
https://artravelers.com/p/re/167089
اطبعيه ممتاز

أديم
الله يعطيك الف عافيه
بس بسألك
الرير هو اسم المترو الي اركبه؟
ومحطة مارني لافيلاسيشي هذي اسم محطة لما اوصل لدزني او ايش؟
ولما اجي ارجع من دزني كيف اعرف المترو الي رح اركبه؟
وكيف اعرف ان الباص الاحمر نفس الشركه او شركه ثانيه؟يعني من شكل الباص يبان او لازم اسأل؟
معليش كثرت اسأله بس لأني اول مره اروح وما ابغى اضيع

ما قصروا جابوا
الرير هو اللي يربط باريس بخارجها والتذكره يقولك تبينها حقت يوم روحه ورده ولا اليوم تروحين وبكره تردين حسب ما تطلبين
انتي بالضبط وين مكانك علشان يوصف لك المكان
اذا انتي باللاديفانس الرير يروح له مباشره ولا رجعتي انزلي وشوفي الشاشه يمين ويكون اسم محطه اللاديفانس متي ما أشرت وتلاحظين كم باقي بالوقت لوصول الرير حقها لان كل دقيقتين اعتقد قطار متجه لمحطه معينه وممكن تسألين ما راح تضيعين
الباص ينزلك باكثر من 9 مواقع يعني اي موقع ترجعين له تركبين والباص يملك عدة شركات وهي الحمراء اما الباصات الصفراء فشركه لحال
يعني اي باص احمر تبين تركبينه ليومين عادي ولا أحد يسألك

ديزني لاند
الذهاب : خط المترو RER رقم A4 اللون الاحمر من محطة (Charle De Gaul Etiol) باتجاه محطة (Marne-Ia-Vallee-Chessy) والنزول
العودة : نفس الخط RER رقم A4 اللون الاحمر من محطة (Marne-Ia-Vallee-Chessy) والنزول في محطة (Charle De Gaul Etiol)
روحي لشباك التذاكر واطلبي تذكرة موبيليز زون 5 حق يوم كامل وانتهى الموضوع
التذكره اذا على مااذكر ب 13 يورو

الرير هو اسم المترو الي اركبه؟
ومحطة مارني لافيلاسيشي هذي اسم محطة لما اوصل لدزني او ايش؟
ولما اجي ارجع من دزني كيف اعرف المترو الي رح اركبه؟
اختي الرير هو المترو لكن الرير يوصل لمناطق بعيده مثل ديزني لاند ومثل ما قلتي اسم المحطه لدزني لاند هي Marne-Ia-Vallee-Chessy وهي اخر محطه بالرير a
والعوده سهله اختي اول قطار تشوفينه مكتوب عليه الرير a ركبيه لانه مارني لا فيلا شيسي تعتبر بالعوده اول محطه لبدايه الخط عرفتي فلا تحاتين
وكيف اعرف ان الباص الاحمر نفس الشركه او شركه ثانيه؟يعني من شكل الباص يبان او لازم اسأل؟
هناك شركتين للباص شركه باصها لونه احمر وشركه باصها لونها اصفر تعرفين من لون الباص واكيد كل شركه لها اسم بس مااعرفهم
معليش كثرت اسأله بس لأني اول مره اروح وما ابغى اضيع
حياج الله بأي وقت واي سؤال انا حاضره واذا حابه اسويلج برنامج ماعندي مانع بس قوليلي وين ساكنه
والاخوان والاخوات ما قصروا بعد