1. يعني :7000 درهم طلع شرات الميزاينه المقترحه اول مره ^_^

تقرير لبنان صيف 2010
المقدمة
بسم الله الرحمن الرحيم
قبل وطرحت موضوع استفسار وما قصرتوا ويايه
وهذا ثاني منتدى اطرح فيه موضوعي
كرد جميل لمشرفنا والأعضاء اللي ساعدوني
تاريخ السفر :1-8-2010 الساعه السادسة والنصف مساء بتوقيت الامارات
الى 5-8-2010 الساعه العاشرة مساء بتوقيت لبنان.
عدد المسافرين :5 أشخاص كبار (أخوه) .......(2 رجال +3 حريم )
والسفره بدون أطفال وبدون شيابنا أبويه وامايه ^_^
الميزانية :لم تكن في الحسبان مسبقا لأن السفره وليدة اللحظه بس الحمد الله الخير موجود والتفصيل قادم في الفقرات القادمة
التخطيط للسفر: تم الاتفاق على السفر قبل الرحله بأسبوع وتم التاكيد على السفر قبل الرحلة ب3 أيام : ( فقط
الأسباب : تأكيد الاجازة من العمل بالنسبة لأخوي وأختي الممولين الرسمين للرحله ^_^
أما البقية نحن فكنا في أتم الاستعداد فاجازة الجامعات والكليات الى ما بعد العيد......
اختيار الدولة :الحيرة كانت ما بين لبنان وتركيا وماليزيا
ماليزيا :المسافة طويله والمدة قصيرة ويحتاج بزنس كلاس ومادام السفر وليدة الصيف فأسعار البزنس نار..
تركيا :الوصول الى طرابزون وازنجول يحتاج طيران ثاني يعني حوسه والمده قصيرة فالجماعه ما تشجعوا ابدا انهم يوصولون عقب مره طيران حتى لو كان لساعه وحده
لبنان: طبعا تفضيلها على باقي الدول العربية للسياحه فكانت اقتراح الجميع مع الاتفاق
الطيران الناقل :هنيه اتيي الحوسه اللي استوت لنا خ
في بداية الاقتراح شفت من موقع طيران الاتحاد السعر 1350 درهم شي حلو بصراحه
وشفت طيران العربية 900 وشوي قلنا الاسعار تبشر بخير خ
شفت طيران الامارات الوقت اللي انريده ماشي حجز لنا الخمسه قلنا خلاص خيره
شفت طيران فلاي دبي الف تقريبا وشووي قلنا بعد زين
هالشوفه فقط لمعرفة الأسعار
ماحجزت لأن ما تأكدت السفره بعد بسبب اجازة العمل لاخواني كما ذكرت مسبقا
الموهيم بعد الاطلاع على الاسعار حطينا ميزاينة للتذاكر :7000 درهم
ويوم تاكدت الاجازه قلنا بنحجز خ هنيه الطامه العوده
العربية استوت ب 1900 درهم يعني زادت الف درهم........ ول في خلال ثلاث ايام
قلنا دام العربية اسعارها نار وشرات الاتحاد نحجز ع الاتحاد رحنا نبى نحجز صارت 2700 وشوي درهم : (
ل و ل
ثلاث ايام تسوي شغل بصراحه ما توقعت ابدا ابدا في فتره قصيرة الاسعار تولع
قلنا شو الراي الحين
قال اخوي :نتوكل على أي طيران دامنا معزمين تكنسيل الرحله والاحباط مرفوض
فديت خشمه بوسعيد حماسي خ
ورحنا مكتب نتعامل وياه يدور لنا
وحصل على فلاي دبي 1400 درهم قلنا حلو بسرعه احجز لا يطيرن الكراسي وخذ عمولة المكتب 500 درهم
وبما أن كل شي بسرعه نشوف السعر مناسب

يعني :7000 درهم طلع شرات الميزاينه المقترحه اول مره ^_^

الزبدة:حجز التذاكر قبلها بفتره أفضل بكثير ومن كثر حماسي سألت اللي في المكتب قلت له اذا ابى احجز الى المانيا ع الاتحاد درجة البزنس عائلة للصيف الياي متى الوقت المناسب قال تعالو شهر خمسه وبعطيكم اسعار حلوه
واخوي يطالعني من الحين تفكرين بتذاكرالصيف الياي خ قلت بعد هالحوسه أكيد
توزيع الميزانية: قريت وقريت وقريت ومعظم التقارير والمواضيع احبطتني من حيث الاسعار انه لبنان غاليه على شيء مايسوى
معقوله!!!!!!!!!!!!!!
الموهيم
قلنا نتوكل وبدينا التوزيع وطبعا ذا كله من تخطيطي : (
السكن في فندق البرنسيسه 4* لمدة أربع ليالي مع الافطار=4* $440 =1760 $
خذنا النت لمدة يومين كاملين = 20 $
المصروف اليومي 400$=4*400 =1600 $
تأجير سيارة فان 2004 لخمسة أشخاص بدون المحروقات ^_^"البنزبن" لمدة أربع أيام
=130 *4 =520$
البنزين لمدة أربع أيام = 150$
التوصيل لأول مره من المطار الى فندق البرنسيسه أثناء القدوم= 50$
المشتريات = 1500 $
المجموع = 5600 $ = 21212 درهم
التذاكر=7000 درهم
المجموع الكلي في حدود = 28000 درهم
الاحتياط الكاش= 800$
تم صرفها : (
الاحتياط الفيزا =15000 درهم
لم نحتاج لها
الجدول السياحي المتبع في الرحله
سوف يقسم التقرير على حسب الأيام
اليوم الأول
اليوم الثاني
اليوم الثالث
اليوم الرابع
الحلقة الأولى
وصولنا الى مطار رفيق الحريري "بيروت" الساعه 9:15 مساء يوم الأحد
وطبعا قبلها داقين تيلفون للفندق نبي سياره ل 5 أشخاص وطلع علينا ب 50 $
وصلنا الفندق في الليل وبصراحه طول الدرب انا زايغه من السواقه حشى تحس السياره اللي عدالك بتعدمك ومع التعود في الايام اليايه طبيت الخوف : (
الموهيم وصلنا وعطيناهم ورقة الحجز اللي طرشوها لنا
كان حجزنا مباشرة من موقعهم وبدون ما ندفع ولا درهم مقدما
عكس موقع كنت بتعامل ويااه وسعره ارخص يمكن ب 180 درهم عن الاجمالي
قالوا بيجمدون الحساب في الفيزا لاربع ليالي ومن هالسوالف قبل وصولنا
قلت انا مب مجربتهم مافيني اجازف ففضلت التعامل ويا الفندق مباشرة
وطبعا في هالليله ما سوينا شيء الا طلبنا عشاء من كنتاكي
الحساب اظني ب = 42 $
ما طول علينا عشر دقايق وهو واصل
وعقب العشاء دخلنا انا واختي الماستر روم
واختي الثانيه واخوي الغرفة بوسريرين
والاكسترا موجود مابين الصاله والغرفتين لابوسعيد
الموهيم دخلنا نحن الاربع الغرف نرقد
بقى واحد الا وهو بوسعيد حارسنا الأمين خ "لوجود سريره بين الغرف"
وينه!
طبعا نزل مطعم أكرم اللي جدامنا
وطلب شيشه "الله يفكه من شرها يارب "
وعصير وكان حسابه 10 $ >>>>أكيد سألته خ والا كيف بعرف
لأنه رد الساعه 12 وشووي وانا بعدني مب راقده تعرفون يبالي وقت لين اتعود ع المكان
الجزء الأول
بالنسبة للفندق "البرنسيسة"
الموقع : جونيه
خوفني منها هالمنطقة كثير بسبب وجود المراقص بس طول فترة وجودنا مع حسيتبها ولا كانت قريبه من الفندق ومكان الفندق هادي الا ليلة الأحد كان مجابل الفندق مطعم أكرم والأغاني شغاله
بس باجي الأيام ما سمعنا شيء
الايجابيات
نظيف وخدماتهم سريعه وممتازه والتنظيف كل يوم والتعامل راقي وعدم وجود مرقص وهادي بشكل عام ويصلح للعوائل
السلبيات
وجود بار تحت في صالة الاستقبال واظني موجود في كل فنادقهم
واللفت صغير والغرف صغيره نوعا ما ..
تم حجز سويت غرفتين وصاله مع سرير اضافي وبلكونه مطله على الجبل وافطار في الطابق الثامن
السيارة المرافقة لنا هناك مع السائق بيير
الاستقبال
الطابق الثامن
الفندق مفتوح مب مكيف ودزاينه حلو
هذا رقم غرفتنا ندش باسم الله ^_^
هنيه الصاله وفيها TV وبلكونه صغيره وطاوله طعام وماكينة للكوفي وماي ونسكافيه
نسيت اصور الماستر روم على العموم الغرف مب كبيرة صغيره نوعا ما
والسويت مب وايد كبير صغير نوعا ما يعني مب شرات الشقة
بس صورت البلكونه الرئيسية اللي في الماستر روم
اطلالة البلكونه حلوه بصراحه ومريحه
وفي السويت حمامين واحد في الماستر روم والثاني في الغرفة الثانية
الحمام " أعزكم الله"
الان نبدأ بالجزء الثاني من الحلقة الأولى
قمنا على الساعه خمس تقريبا وصلينا الفير وردينا رقدنا الساعه 7 ونص تقريبا
بدأنا ناخذ دوش وتجهزنا ونزلنا للفطور على الساعه 9 تقريبا وما كان زحمه الحمد الله وتريقنا براحتنا
كان بوفيه صغير بس يفي بالغرض
للأسف دايما أنسى التصوير وقت الأكل يوم أخلص اتذكر اني ماصورت خ بالله عليكم من يلومني ههه
الموهيم هذا فطونا أول يوم وتكرر باجي الايام
جان اخوي يغرد بكارثه على الصبح ويقول انه السواق اللي كان متفق وياه في الامارات
باجر تتوفر السيارة ارمادا 2008 مب اليوم
أم الوضيحي:والحين يا أخي العزيز شو السواه ورد على السواق اللي قال بكرا خلاص مانباه خ