السلام عليكم
كيف حال الاعضاء ان شاءالله بخير
المهم حبيت اقدم لكم اليوم صور عن رحلتي عن جزيرة بوهول مع الصور
وراح اشرحلكم بالصور ووين رحت ويين جيت وكل شي وانا متاكد انها راح يعجبكم التقرير ان شاءالله
واعوضكم عن الموضوع السابق عن بوراكاي
طبعا رحلتي بدت من سيبو عن طريق الزورق من شركة super cat انصحكم تروحو عن طريق هذي الشركه
بصراحه نظيفه ومرتبه وهذي صورة الزورق
ووصلنا لبوهول بعد رحله دامت 5 الى 6 ساعات والله ماني متذكر بالضبط بس بصراحه رحله جميله
بس المشكله اني نمت بنص الرحله
المهم جا واحد من هالفلبينيين يبي يفسحني عن المكان يبي يوديني لكل مكان طبعا انا قلت له كم قالي
0بيسوس قلت لا 1500 والا ادور غيرك يالله يالله وافق بس ياخوان عليكم بالمكاسر والله بسرعه يقتنعوا
المهم فسحنا الرجال واليكم الصور
وهذي الصوره لرجال اسبان بعد زيارة لهذي الجزيره طبعا المجسم قديم
وطبعا اخذني بجوله عن طريق السياره ببوهول ووداني لمكان قارب كبير جواته بوفيه مفتوح وهذي صور عن القارب من
الداخل طبعا الدخول في هذا القارب واكل البوفيه المفتوح للفرد الواحد 300 بيسو وطبعا ابو الشباب الدليل السياحي
قط معي ودفعت عنه
طبعا اخذونا عن طريق القارب وفيه شخص معاه القيتار ويقعد يغنيلك صحيح ان صوته يجيب المرض
بس اهم شي الاخلاق
المهم اخذونا الى مكان اخر فيه ناس لابسين زي غريب اعتقد انه لبس السكان الاصليين لجزيرة بوهول
اليكم بعض الصور
من جد لبسه فله ههه
وهذا الظاهر انه السجن اللي يخطي يحطوه فيه
وبعدين اخذنا لمكان مثل حديقة الحيوانات المهم قال ابيك تشوف الحيوان اللي طبعا هو رمز لجزيرة بوهول
وطبعا قرد صغير مره يااخوان كبر كف يدي سبحان الله مره عجيب وهذي صورته
بعد ماخلصت اخذني لمكان يقولي المشاهير بالفلبين يجون لهالمكان بكثره وهو مكان عجيب سبحان الله
اليكم الصور بصراحه منظر خيال
وبعدين اخذني لمكان جميل وممكن البعض يعرفه ويسمونه تلال الشوكولات وهو مكان مرتفع
وبارد وجميل مرره طبيعه ميه ميه سبحان اللي ابدع في خلقه واليكم الصور
طبعا هذا الدرج اللي يوديك لقمه تشوف فيها تلال الشوكولات
وهذي صور المكان بعد ماطلعت للقمه
وهذي صورة تلال الشوكولات
وبعد ماخلصت طبعا انتهت رحلتي في جزيرة بوهول واتمنى انها تكون عجبكم المكان
واعذروني من اي تقصير ويالله شباب لا تنسوني بالردود والله تعبت من تحضيره
واي سؤال انا جاهز اهم شي اعطوني رايكم في الرحله
وشكرا لكم