ياجماعة طيب على الاقل ابي فندق حلو يكون قريب من المرافق العامة ويكون قريب من محطة المترو .
ومحطة القطارات تعمل يوم الاحد يعني لو طلعت من فيينا الى زلامسي يوم الاحد مافي مشكلة او العمل متوقف بالمحطات؟
واذا رحلتي بالقطار متاخرة واوصل لزلامسي بالليل عادي ؟ او يفضل اوصل لازلامسي بالنهار؟
وشكرا .... للرفع ساعدوني

اخوي عندك موقع البوكينج ادخل وشوف الفنادق اللي قريبه من ساحة ستافينز
واختار اللي يناسب ميزانيتك ....
وبالنسبه لو حبيت تخرج برا النمسا عندك ميونخ الالمانيه
تبعد عن زيلامسي حوالي ساعتين بالسياره
والأفضل لو تستاجر سياره في زيلامسي حتى تستمتع بالأماكن الجميله على راحتك من دون تقيد
والله أتمني أني افدتك لو بشي بسيط

مرحبا اخوي
خط السير
فيينا 4 ليالي
زيلامسي 6 ليالي
ميونخ 3 ليالي طبعا التقسيم الايام على مزاجك انت اذا تحب الارياف كثر في زيلامسي اذا تحب الصخب والاسواق والمطاعم الفخمه كثر في فيينا وميونخ
السكن شقه اوفر لكم ومن ناحيه اذ تحبون تطبخون
طبعا القطارات تعمل كل يوم حتى في الاجازه يوم الاحد
يفضل الخروج من فيينا الى زيلامسي الصباح والاستمتاع بالمناظر
رحله موفقه

الله يعطيكم العافية على الردود ...
انا حجزت في فندق ماريوت لمدة اربع ايام ( ثلاث ليال )
اتمنى تعطوني اسم اقرب محطة اندر قراوند لفندق ماريوت ...؟
وشرايكم في فندق ماريوت اذا فيه عليه ملاحظات اتمنى تذكرونها لي
وحجزت في فندق رمادا وحجزت في هذا الفندق
( بسبب تقرير اخوي فوكس عنه واشكره بصراحة )
وعجبني قربه لمحطة القطارات
وقرب المواصلات عنده ( باصات وتكاسي ) وايضا سعره معقول .
وحاليا محتار مو عارف اختار فندق في زلامسي مع العلم اني راح اسكن في زلامسي خمس ايام ( اربع ليال ).
خلاص هذا برنامجي ماراح اطلع بره النمسا .
شنو تنصحوني بالسكن في فندق بزلامسي ..؟
لا تقولون قراند لاني قريت تقرير ( وهو قديم ) انه فندق قراند يعاملون العرب بعنصرية وانه خدماته سيئة .
وبصراحة دخلت موقع بوكنغ لقيته غالي جدا
يعني فوق مانا ماخذ عنه فكرة سيئة هم سعره غالي .
.
اتمنى تفيدوني بشقة او فندق يكون في مكان حيوي ولا يكون معزول في زلامسي
شنو تنصحوني فيه ؟
وبعد زلامسي راح ارجع من زلامسي الى فيينا بخط مباشر
فيه خط مباشر او لازم نغير القطار؟
وراح اجلس في فيينا يوم واحد قبل العودة لارض الوطن
ابي فندق قريب من مطار فيينا
لاني راح ارجع من زلامسي الى فيينا للفندق على طول
انام واصحى على طول للمطار طيارتي الساعة ثنتين ونص الظهر
اتمنى تفيدوني بفندق قريب من مطار فيينا مو شرط خمس نجوم
وياريت اعرف هل هناك اكثر من مطار في فيينا او فقط مطار واحد علشان وانا راجع اخاف اروح مطار ويطلع هالمطار مو تبع رحلتنا
وشكرا لكم واشكر مرة ثانية الاخوان اللي ردو علي يوتوبيا ومان .

مرحبا بالنسبه للماريوت موقع ممتاز وتحته على طول محطه الاندرقراوند ومقابل حديقه شتاد بارك وفي داخل ااحديقه
محطه اندرقراوند شتاد بارك
زيلامسي في فندق السي فيلا ممتاز ومطل على البحيره وقريب من السنتر والبلكونه ترد الروح
لو تقدر ترجع من ميونخ افضل لقرب المسافه بينهم
فيينا فيها مطار واحد Schwechat وممكن تسكن في السنتر المطار مو بعيد
القطار من زيلامسي الى فيينا يمر سالزبورج
ومن فيينا الى زيلامسي يمر سالزبورج في رحله دايركت في الاسبوع مره بس مو عارف تصادف اي يوم
رحله موفقه

unique man
الله يطولي بعمرك ويوفقك والله ماقصرت وكلامك قاعد يزيل مني رهبة السفر ( لاني اول مرة اسافر اوربا )
بالنسبة للمحطة شتاد بارك يعني اذا برجع للفندق انزل عند محطة شتاد بارك ومن المحطة اخذ تاكسي للفندق او قريب مجرد خطوات ؟
والسي فيلا بدش موقع بوكينغ بشوفه الفيلا .
بس بالنسبة للكلام اللي انا حطيت تحته خط انا انشالله راح ارجع يوم 6 يوليو من زلامسي الى فيينا وفي حال هذا اليوم مافي رحلة مباشرة لفيينا ... شنو الحل ؟
ارجع لسالزبورغ وبعدها اغير القطار لفيينا بنفس اليوم .... جذي اوكي ؟
او لازم لما اغير القطار في سالزبورغ اخاف يقولون مافي رحلات الا بكرة وانا راح يكون بكرة طيارتي .
يعني عادي احصل رحلة من زلامسي لسالزبورغ ومن سالزبورغ لفيينا كلهم بنفس اليوم ؟ هذا السؤال باختصار اتمنى يكون واضح لك .
ومشكور على المساعدة

اقرب لك الاندرقراوند القريب للفندق بين فندق ماريوت وراديسون ساس
واذا بتنزل في محطه اشتاد بارك خطوات الى الفندق
لا اخوي انت بتقص التذكره من زيلامسي كامله الى فيينا سالزبورج فقط تغير
يعني في محطه زيلامسي خلهم يطبعون لك الجدول وبتشوف الاوقات الا فيينا واختار الي يناسبك
بس قص التذكره قبل ماترجع فيينا بيومين
اتمنى انها اوصلت
رحله موفقه

وصلت ياجعل عمرك طويل
خلاص اخلي انطلاقتي بمحطة اشتاد بارك والرجوع اليها .
وحجز زيلامسي راح اخذ بنصيحتك واحجز الى فيينا اول ما اوصل زلامسي

هذا موقعهم في booking
https://www.booking.com/hotel/at/seehotel-seevilla-freiberg.en.html?aid=1300939
وهذا موقعهم المباشر
http://www.seehotel-freiberg.at/en/index.htm
بس اذا رسلت لهم ايميل احجز في المبنى التابع للسي فيلا
في مبنى السي هوتيل قديم ومو حلو تابع لفنس الفندق
تاكد بحجزك ليكون في السي هوتيل