السلام عليكم ورحمه الله وبركاته
اولا اشكر الاخوان القائمين على هذا المنتدى وجزاهم الله كل خير على جهودهم المبذوله في انجاح المنتدىوالرد على استفسارات الاعضاء ...
ثانيا
بطرح لكم موضوعي
انا هالسنه ودي اسافر
بس للحين مدري وش الله كاتب لنا نروح او مانروح بسبب ظروف دوام زوجي
لكن بحول الله وقوته بنسافر
انا متردده بين تركيا والنمسا
ومدري ان كان مكان الموضوع هنا صح والا المفروض احطه في منتدى ثاني
عموما انا بسالكم كم سؤال
وش رايكم اروح النمسا او تركيا ؟؟؟؟؟؟
انا كنت مقرره تركيا بس يوم قالوا غاليه مره قلت اجل خلها النمسا احسن واروع
لكن النمسا احسها بعيده
تكفون قولوا لي كم ساعه بالطياره من الرياض لتركيا ومن الرياض للنمسا
هذا اهم سؤال لاني اكره الطياره غير ان معي بنتي بيكون الوضع صعب شوي ...
والسؤال اللي بعده
كم اسعار التذاكر لتركيا والنمسا هل فيه فرق واضح والا متقاربات
واذا كانت ميزانيتنا 20 الف ريال هل تكفي في النمسا لمده 15 يوم ؟؟؟؟
او شويه؟
وهل تكفي لتركيا او شويه بعد
؟؟؟؟؟؟؟؟؟
اليوم كلمت مكتب سياحي يقول احجز لك فنادق في تركيا الليله ب 500 ريال مدري حسيت انه ينصب علي يعني احس فيه اسعار اقل والا لا ؟
لاني قايله له ابي ارخص سعر معقول اهم شي يكون نظيف ومكان محترم
ام وش بعد احس اني كثرت هذر عليكم
اهم شي قولوا لي وين اروح تكفون محتاره ابي روحه حلوه
الله يهنيكم ويجزاكم خير ...