السلام عليكم ورحمة الله وبركاته
وعليكم السلام ورحمة الله وبركاته
هذه اول مشاركة لي في منتداكم الرائع
يا هلا ومرحبا بك .
وعقب ما اطلعت على عدة مواضيع خاصة (السفر مع العائلة) الى ماليزيا قررت ان تكون وجهتنا لماليزيا
من تاريخ 17/7 الى 3/8
ان شاء الله طريق السلامة
والبرنامج كالآتي:
3 ليالي في فندق صن لاغون
3 ليالي في مرتفعات الكاميرون
2 يوم في جيتنق
و7 ايام في كوالالمبور في برجايا تايم سكوير
برنامجك لا باس به اذا ما تبغون الجزر .
بس نصيحة اذا تقدرون تروحون جزيرة لانكاوي تراها غير ، لا تقولين به ناس غير محتشمه او غيره ، وفيها الكثير من الاماكن السياحية الجيده .
اذا كنت مصرين عدم ادخال الجزر في البرنامج ، راح يكون برنامجكم حلو .
مع اني اعتقد 3 ليالي كثيره على كاميرون .
وممكن تضيفون منتجع افاموزا وتسكنون فيها ليله في فله مع مسبح خاص .
وليله في بوكيت تنجي .
وبالتوفيق .
مع ان جزيرة لانكاوي ما تتفوت .
والمسافرون الأب+الأم+2 مراهقين+طفلين
والمبلغ الإجمالي: 36 الف درهم شامله التذاكر+الفنادق+التنقلات
وبالنسبه للجزر ماحد من العايله يبغي يسيرها غيري لانهم مايحبون التنقلات والبهدله من مكان لمكان
ومايحبون الالعاب المائيه ولا الملاهي بس حابين يغيرون جو ويتمشون.
حلوه مراهقين ..!!
التذاكر
4 × 3500 = 14000 ريال
2 × 500 = 1000 ريال
المجموع= 15.000 ريال تذاكر
ويبقى المبلغ المتبقي هو 21.000 ريال ( اعتقد بانها لا بأس بها )
الفنادق نقول 500 × 15 = 7500 ريال
المتبقي 21.000- 7.500= 13.000 ريال .
( المبلغ المتبقي تقريبا 13000 ريال ) وهذا ما يمنع انكم تاخذون احتياط .
الحين شو رايكم في هالبرنامج يعني ممكن نغير فيه شويه بان نختصر الاسبوع اللي في التايم سكوير ونوزع الايام على المناطق الثانيه؟
بالتوفيق

جزاك الله خير اخوي (رجل شرقي) على ردك المفصل
اخوي مافهمت منك انه بيتبقى 13 الف؟؟؟؟
انا قصدت بقولي 36 الف درهم قيمة المصاريف من احدى الشركات السياحية في دبي وهي اللي وضعت لنا
البرنامج.
ابو العيال حاط ميزانية بقيمة 50 الف من ضمنهم ال36 اللي بتاخذهم الشركة السياحية.
وبالنسبة لوضع زيارة جزيره في الخطه فهذا الشي مستبعد لان العيال الكبار وابوهم مايحبون التنقل من مكان لمكان والحمدلله انهم رضوا بهذا البرنامج والله يستر مايختصرون البرنامج يوم بنوصل ماليزيا
والله يعيني عليهم هناك لان العيال الكبار(المراهقين...ولد 16 سنه وبنت 12 سنه) مزاجيين ومايعجبهم شي
يعني الولد مايحب انه يشارك في اي شي مثل الالعاب اللي في صن لاغون او الجت سكي او البراشوت
والبنت خوافه من الطياره والتلفريك والزواحف .

..

4 5 .

3 - -
3 -
2

جزاكم الله خيرا جميعا ماقصرتوا
وان شاء الله بحاول اقنع ابو العيال بزيارة احد الجزر

رفيعة الشأن
ابو العيال حاط ميزانية بقيمة 50 الف من ضمنهم ال36 اللي بتاخذهم الشركة السياحية
اختي 36 الف للشركه غالي كثير . وهذا بدون مصاريفكم ..اف اف .
خلوها تولي ترا 36 الف تكفيكم كلكم هناك مصاريف + فنادق + تذاكر + ترفيه + مواصلات + اكل + تسوق .
والشركه شمسويه على شان تاخذ 36 الف .
اختي تراهم ضاحكين عليكم ، وغيروا الشركه احسن لكم .
ترا التذاكر بتكلف لكم تقريبا 15000 الف
والسكن 7500
مو اكثر ان شاء الله ،،
نصيحه شوفوا لكم شركه ثانيه .
الا اذا انكم حاجزين تذاكر درجة اولى ، هذا شيء ثاني ويبغيلها حسبه ثانية .
تحياتي
راجعي نفسك وخبرينا .
رجل شرقي
الدوحة

( ) .. .. .. ( )..
..