- الشلال الكبير والشلال الصغير( يوجد فيلم سوف اقوم بعرضه لاحقا)
مرحبا ياماسات...المقطع التالي للجبل الاخضر( puncak ) ويبعد عن جاكرتا حوالي 45 دقيقة بالسيارة ...يربطها بها طريق سريع ..السفر الى بونشاك متعة في حد ذاتها ( الكلام موجه للي ماسافروا).. فمن الزحمة والحرارة المرتفعة في جاكرتا تلاحظ التغير في الجو خلال اقل من ساعة ..فبعد خروجك من جاكرتا مباشرة تمر عليك لحظات في كل مرة تظن بأنك لن تجد منظر يفوق جمالا مما ترى..لكن عليك بالصبر حتى تصل الجبل لترى الطبيعة الرائعة...وللمعلومية المطر هناك بشكل شبة يومي خلال النهار ..ولكن اثناء الليل يعتبر بشكل يومي ونادرا ماتمر ليلة دون هطول الامطار..ودرجة الحرارة تعتبر شئ عجيب..صدقوني الواحد في الجبل بس وده ينسدح ويتمغط ويمتع ناظرة بالطبيعة الرائعة..بس لاتنسون الملابس الثقيلة شوي ترى الجو في الجبل غير جاكرتا..خلال عطلة نهاية الاسبوع لايمكنك الحصول على سكن الا بطلعة الروح ...علشان كذا اللي وده يروح الجبل لازم يرتب امورة من بدري والا يكتفي بالمرور على المناطق الرائعة وبعدها يرجع لجاكرتا..اهم الاماكن الرائعة في جاكرتا مايلي:
الشلال الكبير والشلال الصغير( يوجد فيلم سوف اقوم بعرضه لاحقا)
حديقة الحيوانات ( تمان سفاري) ويوجد فيلم وسوف اقوم بعرضه لاحقا..وهي حديقة يوجد فيها حيوانات طليقة تستطيع التجول فيها وانت جالس في السيارة وتشاهد الحيوانات قريبة منك..ويوجد في هذه الحديقة منطقة تحتوي على سكن عبارة عن (كرفانات) بصراحة اكثر من رائعة..كذلك يوجد فندق بس اللي انصح فيه هي الكرافانات...يمكن الحجز فيها عن طريق اي مكتب سياحي في جاكرتا .
مطعم في اعلى منطقة في الجبل يمكن ان تشاهد وانت فيه الجبل وجمال الطبيعة وللاسف نسيت اسمه فاللي ذاكر اسمه ياشباب يخبر الشباب عنه.
البراشوت: هذا ماهو اسم مكان...هذا مرتفع في الجبل لهوات الهبوط بالمظلات ( البراشوت) ولايلزم ان تكون لديك خبرة بأستعمال البرشوت ابدا لان هناك مدربين تركب معهم في البراشوت وتجرب التحليق فيه ..انا جربته واللي ماجربه راح يتذكرني وقت الهبوط...راح تبلش بعمرك وتجلس تضحك قبل الهبوط وبعد الهبوط راح تضحك اكثر من طرافة الموقف في الهبوط..صدقوني جربوه ترى روعة مابعدها روعة وامان فلاحد يخاف من تجربته ( يوجد مقطع فيلم سوف اعرضه لاحقا )
في النهاية المقطع التالي تم التقاطه من السيارة ويلاحظ الغيوم تعانق الجبل في منظر رائع بالنسبة لنا اما بالنسبة لسكان الجبل فيعتبر منظر شبه يومي وعادي..يعني اسكن في الجبل وراح تشوف هالمنظر بشكل يومي ..على فكرة ترى سعر التيوس في الجبل بحدود 50 ريال (دعوه لمحبي لحوم التيوس)
شكلي طولت عليكم ...على العموم اليكم المقطع عل الرابط التالي : الرابط هنا http://www.geocities.com/sultan_m111/puncak02.zip
ولكم تحياتي وتقديري
سلطان
