السلام عليكم ..
حآب استشيركم بالبكج اللي مسويه لرحلتي لماليزيا مع عائلتي ( زوجتي وطفلين 3 سنوات - سنه ) بنهاية سبتمبر وبداية اكتوبر ان شالله لمدة 14 ليلة ..
اول شي هذي مو اول سفرة لنا لماليزيا .. ف مو حاب يكون البكج تقليدي
نبغا نجمع بين اجواء الترفيه واللعب واجواء الهدوء والاستجمام والرومانسيه
ويهمنا يكون الحجز شامل الفطور بكل فندق ..
اول يوم يصادف يوم الثلاثاء عطلة ال صن وي لاقون .. ف قررنا نقضي اول يوم ب بورت دكسون
بما انو اصلاً وصولنا ح يكون بعد الظهر .. الواحد مو فايق يتمشى
اخترنا شاليهات الافيليون ~ شآليه مائي مميز شامل الافطار ب 753 ريال .
اليوم الثاني نطلع ع الصن وي لاقون فندق صن وي بايرميد لأنو مفكر نقضيها يومين بالملاهي عشان الصغار ..
ليلتين غرفة سوبريور شامل الافطار ب 924 ريال .
اليوم الرابع نحرك على حبيبة القلب ~ لنكآوي ()
إلى الان ماقررنا فين ناخذ فيها .. ودنا بالويستن لكن اسعاره مبالغ فيها ~
وودنا بالاندامان كمان ..
سعر الليله بالويستن + مسبح خاص = 2835 ريال
والاندامان + حوض سبا = 1417 ريال ..
ناويين بإذن الله نقضي 3 ليالي ب لنكاوي .. بس مأملين يسوون عروض ع الويستن
ولا اذا فيه فندق غيرو فيه مسبح خاص ياريت تدلوني عليه ..
اليوم السابع ح نطير ع بينانج ~ فندق لون بين LONE PINE
غرفة ديلوكس شامل الافطار - 3 ليالي ب 1911 ريال
اليوم العاشر في الكاميرون ~
محتارين برضو بالفنادق ~ اتوقع افضل شي الكاميرون هايلاندز
3 ليالي غرفة ديلوكس شامل الافطار ب 1680 ريال
آخر ليلتين ح نرجع فيها على كوالالمبور ~
ياريت تساعدوني بالفنادق .. آبغا فندق يكون مطل ع البرجين ولاياريت تكون فيه شرفة
فكرت بشولان لكنه مو مطل ع البرجيين ~ اطلالة البرجيين من الغرفه خياليه مو حاب افوتها .
ليلتين بشولان شامل الافطار ب 1158 ريال
اجمالي الفنادق اللي اخترتها من غير لنكاوي
1ليلة = 6426 ريال
ميزانيتي للفنادق 10 الاف ماودي نتعداها
شورو عليا بالبكج ~
كيف ترتيب المدن مناسب ؟
اختياري للفنادق ؟
سعر السرير الاضافي ( للاطفال ) ؟
وياريت تعطوني فكره عن المواصلات كيف من مدينه للمدينه
وكم احطلها ميزانيه
+ المصروف الحد الاقصى لليوم الواحد مع الاولاد كم ممكن يوصل ؟
+ تذاكر الدخول للاماكن كم تقريباً !
يعطيكم العافيه ~ ..