نسيت فيه سؤال اخر
المسافه من تابو ل Rotorua تقريبا 85 كيلومتر بودي اعرف كم المسافه من اوكلاند ل Rotorua وهل تنصحوني بزيارتها لمده يوم وارجع هل من اوكلاند او من تابو
ومشكورين :smile106:

هلا اخووي .. انشاله بيجاوبنون الاخوان على اسألتك
بس انا ودي انصحك نصيحه ... ^_^ لانك بتتمغط في الطيااره .. ولاوصلت .. بتعيف الرجعه
وبعدين هنا برد .. ومطر .. يعني ماراح تستجمم على قولتك
لول ..
>> ياليت اكون افدتك .. وياليت تاخذ بنصيحتي .. لاني اشوف نيوزلندا .. بس صالحه للدراسه

هلا اخوي
بصراحه حطمتني بس ماعاد يفيد حجزنا وباقي ع السفره اسبوع
واذا ع المشوار بقعد لي كم يوم بهونج كونج ويسهلها ربك ان شاء الله

مرحبا أخوي بالتوفيق انشالله تروح وترجع بالسلامه انشالله برنامجك لأوكلاند جدا ممتاز اذا أمكنك تضيف له حديقة الحوانات بأوكلاند لانها بالفعل مميزه وتستحق الزياره ويوجد بجوارها بحيرها جميله لامانع من زيارتها أيضا بالنسبه للأسواق فهي فتجده على امتداد شارع الكوين ستريت القلب النابض لاوكلاند كذلك في نهاية شارع الكوين من جهة الهاربر أي تقاطع شارع الكوين معى الكستوم رود يوجد مجمع تجاري جيد ولكن ليس بكبير واذا حبيت يوجد مجمع تجاري كبير شوي وومتاز لكنه بعيد من الداون تاون اسمه سلفيا بارك يوجد به سينما ضخمه وشاشات عرض فور دي كذلك مجمع اخر بعيد قليلا من الداون تاون اسمه سمارت درس يمتاز هذا السوق بأسعار جيده ورخيصه بالمقارنه بالأسواق الأخرى وبالنسبه لطريقة الوصول للاسواق ممكن تسأل أي أحد في محطة الباصات او مكاتب الانفورميشن أو الفندق وهم أكيد رح يساعدونك بالنسبه لرورتروا وتاوبو تبعد تقريبا ثلاثمئة كيلو جنوب شرق أوكلاند تقريبا خمس ساعات بالباص وأنا ممكن أدلك على طريقتين للذهاب هناك الأولى عن شركة الستي باص اللي هي مثل النقل الجماعي عندنا بس باصاتهم جدا نظيفه ومريحه ومواعيدهم بالملي وعلى ما أذكر مركزهم الرئيسي تجده عند مبنى السكاي تاور والطريقه الثانيه هي انك تأجر مايعرف بالشتل باص وهو بالعاده سياره فان صغيره بالسائق وهو يوديك وين ماتبي وهالطريقه ممكن تكون أغلى شوي بس أريح لك بالنسبه للقطار والطائره مو متأكد اذا يروحون تابو وروتروا أو لا هذا اللي عندي أخوي وحبيت أفيدك فيه واعذرنا عالقصور وتروح وترجع بالسلامه ان شالله وبالنسبه للبلد لا تشيل هم البلد ماتضيع أبد والناس هناك متعاونين جدا
تحياتي لك ،،،،،،،،

يالغاالي انا ابجاوبك على اللي اعرفه الي هو تابو و روتوروا اذا عندك اسبوع ثاني غير اوكلاند انا انصحك تقعده في روتوروا ثلاث اربع ايام والباقي ياتروح كريس شيرش او غيره زي ماتحب..
لان تابو صغيره مره وكثير عليها حتى ثلاث ايام اما روتوروا فيها المكتب السياحي يحتوي على نشاطات روتوروا وتابو والمدن الي حولها وكمان لو حاب تزور كهوف موجود في المكتب السياحي في روتوروا..والكهوف في قريه اسمها اوتامو..وكمان لو تبي تروح للثلج ممكن تسويها من روتوروا تحجز من عندهم لجبل اسمه تونقاريرو..
وكماان في مناطق جداً جميلة للزيارة والاستحمام حول روتوروا وحتى نيوزلندا كلها روعة..
آسف اني طولت عليك..واتمنى اني افدتك..
وبالتووفيق يالغاالي..

معى احترامي لرأيك أخوي أحمد أنا زرت روتروا وتابو وبرأيي أن تابو أجمل بكثير انا مره حبيت الديره وارتحت لها بحيرتها جميله جدا وجوها روعه ومنطقة الشلالات الهوكا أيضا من الاماكن الجميله في تابو أتفق معك أن المدينه صغيره جدا ويكفيها من يومين الى ثلاثة ايام لكن أيضا روتروا كذلك وما يعيب روتروا هو رائحة المياه الكبريتيه بصراحه الرائحه لا تحتمل أبدا ومزعجه وبالنسبه لمنطقة الكهوف ويتامو كيفز هذي من أجمل واحلى المناطق اللي يفضل زيارتها في الجزيره الشماليه وأنصح الأخ السائل الكريم اذا وجد فرصه لزيارة هالمنطقه مايفوتها لانها تجربه فريده من نوعها.
تحياتي للجميع ،،،،،

اخوي Mad_Lion143 واخوي احمد
يعطيكم العافيه اجاباتكم وافيه لكن يبقى السؤال عن تابو بأماكنها لاني بصراحه حجزت عن طريق شكره سياحيه اتعامل معها من زمان وطريقتها تاجير منتجعات وانا فكرت اخذها بمطنقه هادئه وحليوه بس ما ينمع الواحد يطلع ويشوف الديره ...وشكلها بتروح علينا روتروا لاني حجزت اسبوع بتابو واسبوع باوكلاند
واكرر شكري لكم.........

شوف أخوي مثل ماذكرتلك تابو مدينه صغيره ممكن تلفها بساعه وحده على رجولك لكن من أهم معالمها اللي مازلت اتذكرها أول شيء بحيرتها البحيره جميله جدا ومجرد تتمشى على رجولك على البحيره هذي وحدها فرجه وبتشوف في الضفه الثانيه جبل بركاني مشهور نسيت اسمه يقولون انه طلع في فلم لورد اوف رنق وومن تاجرون بوت ووتمشون في البحيره الشي الثاني البنجي جنب أولعبة القفز بالحبل هالعبه المشهوره جدا واللي عرفت لأول مره في نيوزيلاندا طبعا البنجي جنب الأماكن اللي ممكن تمارسها فيها في نيوززيلاندا كثيره جدا بس اللي في تابو تعد من أشهرها لانهم يمارسونها على بحيره جميله جدا ونصيحتي لك لا تفوت التجربه ترها ممتعه جدا ولا تنسى تطلبهم يصورونك فديو ويعطونك السي دي من الأماكن الثانيه في تابو منطقة شلالات الهوكا بالقرب من تابو وهناك في جلسات حلوه على النهر مقابل الشلالات وممكن تركبون القارب السريع اللي يسمونه هوكا جت طبعا تركبون قارب سريع جدا وفيه معاكم سائق محترف يقعد يلف فيكم النهر بسرعه ويمر فيكم من أمام الشلالات مباشرة مره التجربه ممتعه جدا أيضا ممكن تزور مناطق قريبه من تابو ومنها منطقه تسمى واي او تابو وهي منطقة فوهات بركانيه عجيبه مليانه بحيرات كبريتيه والجبال البركانيه والدخان تلف المكان كذلك نصيحه لك اذا تقدر لا تفوت زيارة منطقة الكهوف ويتامو كيفز هي بعيده قليلا عن تابو لكن يمكن زيارتها من تابو والعوده بنفس اليوم أيضا روتروا قريبه من تابو اذا حبيت تزورها وترجع بنفس اليوم موفق ان شالله اخوي وتروح وترجع بالسلامه .

كفيت ووفيت و صل جوابك وفهم ماحواة لك مني جميل التحيات