فندق فيينا وزيلامسي جيدات بحسب كلام الخبراء بالمنتدى ..
وهذا موضوع للأخت الأمارات عن شقق نيوبوست ، اضغطي هنا https://artravelers.com/p/re/95709
أما فندق سالزبورغ أول اسمع فيه ...

اخت ساره فندق سالزبورغ انا نفسك حاجز فيه وان شاء الله احد يفيدنا عنه
لاني ما سمعت احد تكلم عنه

احسن دولة للعوائل اختي وفيها طبيعة غير وثلوج وكل شي والصراحة ماراح تندمون وعلى ضمانتي بس ممكن سؤال كم عددكم وهل معاكم أطفال وبقول لج ليش؟ اذا عددكم كبير أنصحكم تاخذون شقق افضل وفي زيلامسي خاصة ترى فيه شقق ارخص من الفنادق بوايد وهل بتكونون مأجرين سيارة... ترا هذي تفرق بعد شوي...بس شوفوا زيلامسي واتمتعوا...... ولا تنسون تسيرون جبال الكابرون حيث التلفريك والثلوج

احسن دولة للعوائل اختي وفيها طبيعة غير وثلوج وكل شي والصراحة ماراح تندمون وعلى ضمانتي بس ممكن سؤال كم عددكم وهل معاكم أطفال وبقول لج ليش؟ اذا عددكم كبير أنصحكم تاخذون شقق افضل وفي زيلامسي خاصة ترى فيه شقق ارخص من الفنادق بوايد وهل بتكونون مأجرين سيارة... ترا هذي تفرق بعد شوي...بس شوفوا زيلامسي واتمتعوا...... ولا تنسون تسيرون جبال الكابرون حيث التلفريك والثلوج

شكرا لكل من رد على سؤالي، وانا مازلت في انتظار رايكم عن فندق سالزبرغ لان مثل ما قال الاخ الجنرال ما شفت له طاري بالمنتدى
أخوي مضيع الدرب نحن عائله من 6 أشخاص وطفل عمره 6 سنوات وبما انك ذكرت انه النمسا بلد مناسب للعوائل، حبيت آخذ رايك بالنسبه لملاهي براتر هل زيارتها ليلا مناسبه لنا كعائله والا افضل بالنهار؟ وهل هي مناسبه للاطفال من سن 6 سنوات؟ وشو في اماكن اخرى ممكن تقترحها مع العلم اننا بنستأجر سياره؟
اتمنى ما اكون ثقلت عليك بس شكلك عندك خبره عن النمسا وبغينا نستفيد جزاك الله خير

مرحبا اختي الصراحة احنا سكن في فندق فالجهة الثانية من ملاهي براتر...بس ما سرناها ههه تخيلي لان الالعاب على ما اظن ما تناسب عيالي 8/ 7/4/ و8شهور ههه هذا اللي وصلني وبعدين ما كنا مهتمين بالالعاب كثر اهتمامنا بالطبيعة والجو البارد والثلوج... بس اللي لاحظته انه فيه أصوات وازعاج ويولة شباب وخاصة فالليل والمنطقة ومن خلال مشينا فيها كنا نلاحظ مطاعم او بمعنى اصح على هيئة بارات نشوفهم اخر وناسه طبعا المحلات هاي عالشارع العام بس للامانة محد كان يصد صوبنا ولا يضايقنا بس انا اتمنى تسيرون الالعاب يعني الظهرية وتطلعون قبل غروب الشمس ترا الشمس تغرب فوقت متأخر حوالي الساعة 8 مساء بتشبعون لعب فاطلعوا قبل المغيب احسن... ام بالنسبة للسيارة فهذا احسن شي سويتوه لأني اول مرة اسوق سيارة في اروبا ولا بدون نفجيشن وما خليت مكان حتى اني وصلت ميونخ والله اختي متعة ما بعدها متعة والصراحة السيارة تحت ايديكم اي وقت تبون تطلعون ما بتتريون تكسي ولا قطار بتوفر عليكم التعب وايد...اما اماكن انصح بزيارتها مثل ما قلت لج زيلامسي وهذي اصلا احنا كنا سايريين عشانها وضواحيها مثل جبال الكابرون مثل ما خبرتكم بليز لا تفوتونه والله متعة وبتذكرون كلامي وشلالات الكريملر وفيه طائرة هيلوكبتر تلف بيكم فوق زيلامسي يمدحونها الاخوان وايد والقرى المجاورة لزيلامسي وذاكرينها الاخوان مثل وولف قانق وهيدسات شي جي صورها روعة وسالزبورغ يمدحونها وشارع ستيفنز ومحلات الايسكريم ومطعم سي نورد مطعم المأكولات البحرية بنفس الشارع بس انتبهوا للايسكريم يوم بتطلبون اطلبوا خالي من الحكول بالعبارة هاي(أونه الكحول؟) يعني تسألونه خالي من الكحول؟ واستمتعوا وطبعا لو تسيرون برج الدانوب منظر حلو وفيه مطعم فوق دوار وتطلبون اللي تبونه من الاكلات بس فيه واحد نمساوي اشقر ونحس ما يحب العرب وكنت بتضارب وياه بسبب نظراته الحاقدة بس فيه ناس غيره هناك ويعرفون ان الناس متضايقيين منه بس الباقين خدومين....واي استفسار انا حاضر

تسلم أخوي مضيع الدرب على المعلومات.... ألف شكر
بس بغيت استفسر عن جبال الكابرون، كم تبعد عن زلامسي بالسياره ؟ وشو فيها بالضبط؟ بالنسبه للتلفريك هل المسافه بعيدة؟ لانها اذا التلفريك يودينا مكان عالي جدا ما اعتقد نروحها(بالمختصر نخاف) وكم يكلف تذكرة التلفريك للشخص؟ هل يوفرون ملابس ثقيله عن البرد اذا طلعنا التلفريك؟
والسموحه على الازعاج

كابرون قريبة من زيلامسي حدود ربع إلى نصف ساعة من زيلامسي بالسيارة ...
والتلفريك يوجد فيه ثلاث توقفات وكل توقف فيه مطعم أو كوفي شوب ، وفي المحطة الثانيه في محل رياضي لبيع الملابس وأدوات التزلج بس طبعاً غالية ...
طبعاً المحطة الثالثة هي القمة ويوجد فيها الثلج وبعض العاب التزلج ...
قيمة التذكرة بحدود 21 يورو للشخص الواحد ..
وهذا رابط في موضوعي عن النمسا لرحلتي إلى جبل كابرون إذا ودك تأخذين معلومات أكثر ::

صح كلام اخوي سلوم وهي تبعد حوالي 6 كيلو من زيلامسي وتااخذونها فربع ساعة وبعدين التلفريك ما يخوف بالعكس هو امن ويقفل الابواب عليكم وتشوفون المناظر كلما ارتفعتوا عن الارض وتشوفون الجداول والبحيرات وهي ثلاث مناطق بعد ما توصلون المنطقة الاولى تنزلون وتتمشون وتشوفون شوية ثلج وبعدين تركبون التلفريك الثاني وبعد ما توصلون المرتفع الثاني بتشوفون ثلج زيادة ومن توصلون بتحصلون المطعم والمحل اللي يبيع ادوات التزلج وكل المستلزمات بس انا انصحكم تاخذون جاكيتات حق التدفئة والمطر من محل بجنب الماكدونلدز اللي بزيلامسي رخيص ولا تنسون القفازات لانكم بتحتاجونها يوم بتلعبون بالثلج الثلج بارد وبثلج ايدينكم وما بترومون تلعبون فلا تنسون القفازات فالمحل اللي بزيلامسي رخيصة حوالي 6 يورو 5 يورو بس عالجبل وايد غالية حوالي 40 الى 60 يورو حتى الجاكيتات.... ولما توصلون المنطقة الثانية بتركبون الصندقة الكبيرة ( التلفريك اللي يتسع لحوالي 50 شخص هذا اللي بيوديكم للقمة الثلجية وشوفوا المنظر)
وبتشوفون مطعم عنده اكل جيد اكلوا قبل عشان ما تيوعون وبعدين في صندقة ثانية بتنزلكم تحت وين الناس يتزلجون لا تخافون تحت على الثلج المكان ادفأ من فوق وين المطعم انزلوا ههه لا لازم تنزلون عشان تستمتعون واخذو الطبق البلاستيك من عند اي حد تراه بلاش واتزلجوا واستمتعوا
الله يوفقكم...