بصراحة أمرك غريب !!!
يعني انا لما قريت كلامك توقعت انك تبي تسافر اليومين هذي او الشهرين هذي , لكن اللي قريته انك ناويها شهر 7 انجليزي !!!
وهنا الغرابة ..يعني شهر 7 يعتبر اقوى الأشهر للسفر وكل العالم لما تبغى تسافر تسافر في هالوقت , وإذا نبغى نحسبها بشكل مبسط راح اقولك قبل 3 شهور من الآن كنا في شهر 7 .. ف اتوقع انك فهمت قصدي .
يعني وينك وين شهر 7 من الآن تتكلم عن 8شهوور وانا عارف ومقدر انه شهر عسل وتبغى تجهز اشياء كثييرة ويمكن هذا مجرد استفسار سريع .. لكن هذا مايمنع انه فيه سعة ووقت اكبر مماتتخيل .. عموماً
الان صعب جداً اقولك تكفي ولا لا ,, لأن مثل ما انت عارف الاوضاع الاقتصادية كيف ومايمديك تحدد شي سواء في السكن ولا التذاكر ولا حتى المواد الغذائية والأسعار عموماً في البلد المقصود ماتدري وش راح ترسى عليه , الإقتصاد طايح في اوروبا والعالم كله واسعار العملات في نزوول ,, والإنتظار هو الحل على الاقل لمدة شهرين من الان .

!!!!!!!!!!!!!!!!!!!!!!!!!
مثل ماتفضلت اخوي وقلت بنفسك انه استفسار سريع
الحجز مو بين يوم او ليله او انك تقرر بين يوم وليله
ومايمنع هدا الشئ من التفكير واخد جميع الاماكن بعين الاعتبار
عموما شاكره لك تواصلك

تحية طيبة للجميع
وخاصة الاخ ارسنال لاني ضحكت بعد ما قريت ردك (( اجل قبل ثلاث شهور ))
انا مع الاخ ارسنال في كلامة مع انه حسسني انه محلل اقتصادي يوم دخلنا في مشاريع العملات ومدري ايش
المهم نقدر نفيدك ياالمعرس وان شاء الله مبرووك من الان دامك كذا مستعجل والله يوفقك ويسعدك في زواجك
بالنسبة لاسعار التذاكر ياحبيبي في شهر سبعة الي قبل ثلاث شهور كانت اقل رحلة على اوروبا ما تنزل عن 4000 ريال ,, إلى اذا كان فيه عروض من السعودية ف انت وحظك
اما بالنسبة للفنادق فيه ثلاث نجوم *** واربع نجوم **** وخمس نجوم ***** وشقق مفروشه
اسعارها تختلف على جودة الفندق يعني المتوسط تلقاه لغرفة زوجية 100 يورو
روح اشتر يورو من الحين دامه رخص شوي :36_15_24:
والباقي لا يمكن لاي احد تحديدة لك ألى وهوا المصروف الشخصي ,, وهذا يرجع للدولة الي انت تختارها يعني مثلا
المصروف في في التشيك مو زي فرنسا وفرنساا مو زي النمسا والنمسا مو زي المانيا
اختصرها لك ياحبيبي .. لمى تجي تحجز من الان لشهر سبعه بعض المكاتب او سستم الفنادق يرفض لانه لحد الان لم يتم تنزيل عروض الصيف
يعني العن الشيطان وتعوذ من ابليس وعلى قولة اخونا ارسنال بعد شهرين رح وابدا رحلتك في حجز الفنادق عن طريق (( مكاتب معتمدة في بلدك )) حتى لو كان السعر اغلى حبتين .. بس اضمن باذن الله
ملاحظة : قبل الصيف بشهر تقريباً راح تلقى عروض كثيرة من المكاتب السياحية في الجرايد وراح تلقى شي رخيص يعني انا لاقي عرض 12000 ريال تذاكر + فندق + وجبة افطار ( باريس - فرنسا ) لمدة 14 ليلة لشخصين في غرفة زوجية فندق اربع نجوم **** .. يعني تابع النت والدعايات السياحية وراح تلقى عروض اقوى من كذا وارخص ..
تحياتي لك ..
اخوك معالم التشيك