مبروك الزواج و بالتوفيق
تحجز تذاكر طيران ... الدمام/البحرين - مدريد - برشلونة - الدمام/البحرين
لو فرضنا أن سفرتك 12 يوم
تكون : 4 ايام مدريد - 4 ايام ماربيا - 4 ايام برشلونة
لو 14 تزيد يومين لماربيا
جدول مدريد : مدريد الحالمة https://artravelers.com/p/re/43812
جدول برشلونة : https://artravelers.com/p/re/182803
جدول ماربيا : جدول مصور لملقا https://artravelers.com/p/re/180134
الفنادق : فنادق اسبانيا https://artravelers.com/p/re/373391

مشرفنا الغالي الليل والنهار الله يبارك فيك.
الله يجزاك خير على ترتيب المدن عندي بس الكلام وين الاماكن السياحية واهم شي ( الملاهي ) و ( المولات ) ابي اعرف كل منطقه وش فيها من اماكن سياحية
وكيف طريقه التنقل بين هل راح يكون بالتكسي او بالميتروا او القطارات او الطيران مدري كيف التعامل معهم.

الروابط الي حطيتها لك فيها كل الي تبيه
كيف تتنقل على حسب رغبتك

مشرفنا الغالي ابي اعرف كيف طريقه التنقل في المدن وماهي افضل الاماكن السياحية...

هلا بابن العم التميمي
الف مبروك والله يوفقك ويرزقك الذريه الصالحه
انا رحت شهر العسل لمدريد ثم ملقا ثم برشلونا وكاتب عنه تقرير مختصر شهر العسل
https://artravelers.com/p/re/357984
باعطيك الي اعرفه التنقل الطيران اسهل ومرات اوفر واسرع
كانك تحب تغير جرب من برشلونه الى مدريد بالقطاار بس انتبه اركب اول واحد اذا كان معك شناط كبيره لانك بتشيلها معك ومافيه الا مكان واحد للشناط الكبيره الي هو اخر القطار ..!!
اما داخل المدن فالمترو بيختصر لك اشياء كثيره وتوفير في الفلوس ( بس في مدريد وبرشلونه الي فيها مترو )
واهم شي وانا اخوك اسكن في سنتر برشا وفي مدريد عشان الاسواق والكوفيات والمطاعم جنبك كلها برجلينك وتفتك من هم التكاسي والضيعات

هلا والله وغلا ابن العم مشتاق
والله يجزاك خير ويرزقك الذريه الصالحه
لو تكرمت تجيبلي روابط الفنادق من موقع بوكنق ماحصلتها.
وكيف كانت طريقه حجزك انا بخاطري احجز التذاكر الداخلية من المكتب بالسعودية او احجز التذاكر الداخليه من هناك بحيث يكون فيه تغيير من الطيارة مثل الميترو من وش رايك بالنسبه لي ماعندي لغه الا تمشيه حال.
وراح يكون ترتيبي مدريد 3 ايام ومربيا 4 ايام وبرشلونه 5 ايام

بالنسبه للفنادق بحجزها من المكتب بالسعودية وش رايك هم يخلصوني علشان مااتورط

بالنسبه للفنادق بحجزها من المكتب بالسعودية وش رايك هم يخلصوني علشان مااتورط
أهم شئ الي يريحك أنت
أذا تفضل المكاتب السياحية و تحس أنها أريح لك فتوكل على الله .

1. ودايم الحجز من النت ارخص بكثير


2. اما ومربيا بصراحه ماعندي اي معلومه عنها


3. روابط الفنادق


4. فيه فندق يعتبر على نفس شارع قران بيا

والله انا كل حجوزاتي من الانترنت
وميزه الحجز من النت تشوف موقعها وتفتح على الخريطه وتعرف موقعه وشلون شكله وين تروح ووين تجي

ودايم الحجز من النت ارخص بكثير

انت شف النت كم بيعطيك السعر ثم رح للمكتب وشف كم بيعطيك بس ركز على نوع الغرفه عشان تقارن الاسعار صح
وميزه النت في " الغالب "انهم مايسحبون منك فلوس الا اذا سكنت بس لازم تنكسل قبلها بيوم او يوميا حسب سياسه الفندق اما المكتب خلاص دفعت ومافيه امل ترجع فلوسك (( سالفه ماتتورط )) وش قصدك عشان ماتورط بالعكس الاجانب ابرك من المكاتب الي يهمه الربح ولا يسكنك بعيد انت بس اعرف المواقع المهمه في المدن واسكن فيها
مثل برشلونا تقريبا السكن في المنطقه الي فيها الساحه الكاتلونيه وشارع رامبلا شي مميز لانه شارع حيوي واوله الساحه الكاتلونيه واخره البحر وجنب البحر فيه سوق كبير ورايق غير ان الساحه الكاتلونيه فيها سوق من 11 دور والمطاعم العالميه كلها جنبك يعني بتنبسط باذن الله وغير كذا فيه الباص السياحي يبدا من الساحه الكاتلونيه بيكون السكن في السنتر خصوصا انك ماتفهم في هالديره بتنبسط
ومدريد كذالك شارع قران فيا تقريبا جدا ممتع وحلو وفيه مثل برشا بس مافيه بحر

اما ومربيا بصراحه ماعندي اي معلومه عنها

اما بخصوص التذاكر الداخليه والله حجزتها من النت فيه موقع رايق تكتب المدن الي بتسافر لها مثلا تكتب مدريد الى برشلونه والعدد الاشخاص يعطيك كل الخطوط الي بتسافر واسعارها واوقاتها انت تختار الوقت الي يناسبك والسعر وطبعا الدفع كله بالفيزا وهناك بس تدخل المطار يقولن لك هات جوازك ثم يعطيك البوردنق وخلصنا

روابط الفنادق

حق برشلونه بعد ماتدخل ادخل على الخريطه عشان تشوف وش الساحه الكاتلونيه وشارع رامبلا وتشوف نهايته البحر عشان تكون لك صوره في راسك قبل ماتسافر
https://www.booking.com/hotels/hotel/es/barcelona/olivia-plaza.en.html?aid=1300939
في مدريد فيه واحد شفته وانا كنت اتمشى وتحسفت اني ماسكته موقع كان رايق مرره
واشوف صوره في النت شكلها بعد حلوه
https://www.booking.com/hotels/hotel/es/madrid/vincci-capitol.en.html?aid=1300939
بس انتبه ترى فيه فندقين vincci انت خذ الي على قران بيا او يسمونه قران فيا
وان كانك تبي فخامه مرره مرره ودلع والفلوس ماتهمك

فيه فندق يعتبر على نفس شارع قران بيا

وسكنت فيه وبصراحه مرره فخم ورايق مرره مرره بس بشرط تاخذ نوع الغرفه Grand Premium Double Room لان فيها جاكوزي كبير ومطل على مدريد ((جو رومنسي بصراحه ))
https://www.booking.com/hotels/hotel/es/madrid/meliamadridprincesa.en.html?aid=1300939
واي شي تبيه يابن العم لا يردك شي ومشرفنا وحبيبنا بعد مهوب مقصر الليل والنهار وباقي الاعضاء الي فادوني كثير