حالة فرح
31-10-2022 - 02:59 pm
طبعا مثل المعظم . كنت من المتابعين لهذا المنتدى و الموقع الرائع . بس صار الوقت اللي لازم وضروري أسأل فيه
.
ماكنا مقررين لشهر عسل بس فجأة صرنا نفكر جديا بالموضوع ونتوكل على الله
قررنا نسافر بعد العرس يعني على تاريخ 23 او 24 أكتوبر و لمدة 10- 14 يوم
بس مو قادرين نحدد الوجهه لوين ! وخصوصا ان الخريف أو الشتا بيكون بادي في بعض المناطق ومعظم التقارير عن رحلات الصيف !!
الميزانية محدودة بعد .. يعني في حدود 2000 - 2500 دينار بحريني شاملة التذاكر
خطيبي كثير السفر من الأساس ومسافر وايد وتوه راجع من جنوب افريقيا
فما نبي لا جنوب افريقيا ولا دول عربية .. نبي جو جميل مو حر ولا برد قارس ومكان يكون في حياة و مو ممل
محتاجين إجازة من تعب شغل .. فنبي مكان نرتاح فيه على الآخر
آخر معلومة . ان الحبيب مايحب السمك او السي فود . فيعني يفضل أماكن يكون أكلها حلو
كنا قبل مفكرين بأمريكا . بس الحين ما ادري وين وما ادري اشلون الجو اهناك الشهر وهل في احتمالية فياضانات وهل ممكن تطلع الفيزا بظرف 3 اسابيع ؟!
فكرنا بتركيا . بس اثنينا رايحينها من قبل و يفضل مكان جديد .
عطوني اقتراحاتكم لشهر عسل قصير مع أسعار تقريبية مع اخذ الأمور أعلاه بعين الاعتبار ولا تبخلون علينا بالنصايح رحم الله والديكم
مبروك ومنه المال ومنك العيال ان شاء الله