اهلين وسهلين
بالضبط انا مثلك شهر العسل .. ولكن مدتي 10 ايام
هل خط السير من زيلامسي الى انترلاكن او جنيف قريب المسافة ؟؟
وما هو افضل خط سير .. فيينا - زيلامسي - جنيف
وعذراً اخوي عواس لدخولي بموضوعك .. لكي نستفيد من ذوي الخبرة معك ونستفيد منك وتستفيد مني

عواس
خط السير راح يكون كالتالي
النمسا :
فينا ليلتان
زيلامسي 4 ليالي
الربط بين النمسا وسويسرا ماعتقد مناسب لبعد المسافه مابين زيلامسي وانترلاكن بحدود 600 كيلو
المسافه بعيده بين النمسا وسويسرا وخصوصاً جدولك 12 يوم يعني اقل من اسبوعين بس عشان تستغل المسافه راح اضيف لمخططك ميونيخ راح تختصر المسافه وتقربك من المناطق السويسريه
بس اذا حاب راح يكون خط السير كالتالي :
فيينا 2 ليلتان
زيلامسي 4 ليالي
ميونيخ 2 ليلتان حسب رغبتك
انترلاكن 4 ليالي
العوده من زيوريخ
بخصوص الميزانية اذا تشمل التذاكر والسكن والمواصلات والمصاريف اليوميه ماعتقد كافيه ل 12 يوم
اتمنى لك رحله موفقه وسامحنا عالقصور

يعطيك العافيه اخوي
بس اذا بتخبرني كم الميزانيه ازيدها عشان اتكون كافيه؟؟؟؟

حياك الله ..
اولا اختيار فينا بعيد عن زيلامسي الافضل اختيار ميونخ نقطة بدابه كونها اقرب الى زيلامسي
من ميونخ الى زيلامسي ساعتين ونصف
من فينا الى زيلامسي 4 ساعات وثلث
اما اختيار مدينه بعد زيلامسي من اجل الانطلاق الى انترلاكن .. الافضل تكون انسبروك النمساويه او برينغز النمساويه ..
من ميونخ الى انترلاكن 5 ساعات
من انسبروك الى انترلاكن وربع4 ساعات .
من زيلامسي الى انسبروك ساعتين وثلث ..
اما لو تم اختيار بريغنز .
من بريغنز الى انترلاكن 3 ساعات
من زيلامسي الى بريغنز 4 ساعات
طبعا العوده من مطار زيوريخ
رغم اني انصحك بعدم ضم سويسرا بالمخطط كونها بعيده .. وعدد الايام قليل ..
اذا احببت جدول اخر ومترابط بيكون فينا 4 ايام سالزبورخ 3 ايام زيلامسي 4 ايام ميونخ يومين والعوده منها
تحياتي

يعطيك العافيه اخوي
انزين اخوي بس اذا انا حاب اسير انترلاكن ع اقل ما عندي مشكله لو اكنسل فينا كيف يكون الجدول
الغالي الله يخليك شوفلي مخطط حلو ع قد الميزانيه

شوف اخوي انا رأيي هذا الجدول .. والاسباب فترتك قصيره ... الميزانيه مناسبه لهذا الجدول .. لا يفضل الجمع بين سويسرا و النمسا كونهم متشابهين بالطبيعه تقريبا ..
فينا 4 ايام سالزبورخ 3 ايام زيلامسي 4 ايام ميونخ يومين والعوده منها
اما لو ارد ادخال انترلاكن مع عدم ترشيحي لك ..بيكون هكذا
ميونخ يومين زيلامسي 4 ايام انسبروك يومين انترلاكن 4 ايام والعوده من مطار زيوريخ يوم
تحياتي

ali_q8_77
مشكورر اخوي ع الرد .. ^^
بالنسبه للمخطط الأخير .. عيبني وايد ..
يعني الوصول بيكون لميونخ ..و العوده من زيوريخ ..
عندي .. بعد اشوية اسئلة ..
ام بالنسبه للحجوزات .. انا بحجز كل شي عن طريج النت .. التذاكر .. و الفنادق .. و السياره اللي بأجرها ..
بغيت اسألك .. متى افضل وقت للحجز .. ؟؟؟
علما بأني اود السفر بتاريخ 30-5-2010 او تاريخ 31 ..
انا سمعت ان الحجز يكون ارخص ف شهر 5 ..
متى تنصحني احجز..؟؟
و بالنسبه لتأجير السياره .. ابغي استلم السياره ف ميونخ .. و اردها ف زيورخ ..
شو افضل مكتب تأجير السيايير .. ؟؟ تنصحني أأجر السياره من يوروب كار .. ؟؟؟
و عندي سؤال .. بالنسبه للجو ..
كيف بيكون الجو ف نهاية شهر 5 .. يعني ع بداية شهر 6 ..
ابغي اسامي مناطق فيها ثلوج .. يعني ع قمة الجبل .. سواء ف سويسرا او النمسا .. ؟؟
و بالنسبه للفنادق .. شو احسن الفنادق .. بس تكون اسعارها معقوله .. ابغي 4 او 5 ستار ..
مابغي فنادق بعيده .. كل ما كانت في وسط المدينه احسن .. بيكون كل شي جريب علي ..
؟؟؟؟ اباك اترشحلي الفنادق ف المناطق اللي انا ابا اسير لها .. ع حسب المخطط الاخير ..
و آخر سؤال ..
تنصحني بمدينة قارمش .. اللي ف المانيا و لا لا ..
يعني اطلع من ميونخ على قارمش .. ؟؟؟ و ارد ف نفس اليوم .. ف نظرك تستحق الزياره و لا لا .. ؟؟؟
و سووري .. كثرت ف الاسئله ..

و صح عندي آخر سؤال .. تحملني شوي ..
ابغي اروح سالسبورغ ..
من اي منطقه اروحلها .. اقرب .. من زلامسي .. و لا انسبروك ..
و كم المسافه امبينهم .. ؟؟؟

احجز من الان كل شيئ ..
موقع يورب كار ممتاز وايضا سيكست ..
الاجواء رائعه بوقتك ... قمة ثلج كابرون .. وسويسرا الكثير ومنها قمة يورب بانترلاكن ..وبونفراج ..
سالزبورخ من زيلامسي ساعه وربع تقريبا .. غارمش ساعه من ميونخ والاثنين يستحقون الزياره ..
بس خلي في بالك انك تحتاج زياده بالميزانيه .. ..
الفنادق ميونخ ميركور سيتي سنتر ..
زيلامسي هنا
https://artravelers.com/p/re/354556
انسبروك هيلتون انسبروك ... انترلاكن كريبس او فندق انترلاكن
تحياتي