1. طريقة الانتقال بالسيارة من المطار الى المطار

السلام عليكم جميعاً ..
أولا حبيت اخبركم اني سعيدة جداً لاني احدى عضوات هذا المنتدى الاكثر من رائع ،، سبحان الله احسه موسوعة كامل عن السفر ،، والله يديم الاعضاء و المدراء و جميع من يساهم على تطور و استمرار هذا المنتدى
ثانيا حبيت اخذ رايكم لاني باكون اول مرة انزل فيها النمسا ،،
انا مخططة هذي الرحلة من زمان ،، لاني حابة اجوفها ،، انا رحت شهر العسل لسويسرا و فرنسا و قلت هالمرة ان شاء الله اروح النمسا و اذا حصل امر على ميونخ
جدول الرحلة ،، بحرين - دبي - فيننا -** فيننا - دبي - بحرين
فيننا 27 اكتوبر ليلتين فقط احسها كافية لاني ما احب العواصم و احسها زحمة وايد
سالزبورغ 29 أكتوبر 4 ليالي ان شاء الله وبيكون منها التنقل الى انسبورك و المناطق الي يمها وصولا الى ميونخ (من غير مبيت)
مدينة الاحلام زيلامسي 2 نوفمبر 4 ليالي بتكون للاستجمام و الراحة النفسية على الاخر

طريقة الانتقال بالسيارة من المطار الى المطار

الحين يا اهل الاختصاص فيدوني ،، انا حجزت فندق ميتروبول الي في انترلاكن لانه فيه قضينا شهر العسل و بصراحة انترلاكن القلب تعلق فيها وقلت لازم اروح ،، باطلع من سالزبورغ على انترلاكن وبارجع على سالزبورغ لانها بتكون الاقرب ،، هل راح تكون السفرة متعبة ؟؟ بصراحة انا حابة ارووح وايد ارجع ايام شهر العسل والرومانسية
اتمنى انكم تفيدوني ،، انا قريت معظم التقارير عن النمسا والله يعطيكم العافية جميعاً كفيتوا و وفيتوا
منتظرة ردودكم ،،