حياك الله حبيبنا الغالي ( كلاسيك مود )
عندك ياغلاهم ( 12 يوم ) ... وهذا البرنامج الأنسب لك طال عمرك
يومين سلانجور ... فندق البيراميد
ثلاثة أيام لنكاوي ... فندق البلانجي بيتش
ثلاثة أيام بينانغ ... فندق القولدن ساندس
أربعة أيام كوالا ... فندق الرويال شولان
طريقة التنقلات بين المدن :

• من سلانجور إلى لنكاوي ... طيران air asia والمسافة ( 50 دقيقة )
• من لنكاوي إلى بينانغ ... الطيران ( 40 دقيقة ) ... أو العبارة البحرية ( ثلاث ساعات )
• من بينانغ إلى كوالا ... الباص ( نايس ) بسعر ( 74 رنقت ) والمسافة أربع ساعات ..

مرحب مليار يا ابو هلا
منور ف ذمتي
ما عليك قصور وراعي واجب
كفوو
لو ما فيه ازعاج يا وافي ابيك ترسم لي مخطط التاريخ لكل منطقه
عشان احجز الفنادق واعرف متى الدخول والخروج للمناطق
مليون ورقة راحت بسبب تخطيطي ههه

• تنصحني احجز الطيران الداخلي من المكاتب السياحيه المتوفره

والا احجز من النت مباشر !
واي معلومه تفيدني

ان شاء الله تاريخ السفر 2/5 الساعه 4 الفجر بتوقيت الامارات والوصول 2 الظهر بتوقيت كوالاوالعوده ان شاء الله تاريخ 2/17 بالليل . .
تاريخ الاقلاع 2/5 الفجر من الامارات
يكون الوصول الظهر ؟؟؟
راح يكون الوصول اليوم الثاني بالنسبة لماليزيا
بتاريخ 2/6 ( وقت الوصول )
لاحظ على التذكرة +1
ويوم العودة 17 / 2 ( لايحسب )
يصير عندك 11 ليله
اتمنى الرد حتى نساعدك يالغالي
امم الوافي ان رسم لك خريطة فخذها وانت مغمض
لانه استاذنا واستفدنا من خبرته الكبيرة
ممكن نتاكد يالغالي موعد الوصول !!!

مرحب مليار اخوي مزمز
الذهاب 2/5 الساعه 4 الفجر بتوقيت الامارات والوصول 2 الظهر بتوقيت كوالا
يعني نفس التاريخ اللي هو 5 !
ما عليكم زود انت ووافي وفيكم الخير ف ذمتي

للعلم يا استاذ وافي ويا استاذ مازماز
لا افضل التنقلات !
احب اعسكر في منطقه او منطقتين

ممتاز حبيت اتاكد يالغالي
مخطط الاستاذ والغالي وكبيرنا الوافي روعة
من المطار الى سلانجور بنفس المطار مكتب خاص للتكاسي
يومين سلانجور ... فندق البيراميد
من كوالالمبور الى لنكاوي مدة الرحلة 40 دقيقة
وتكسي من المطار الى الفندق
ثلاثة أيام لنكاوي ... فندق البلانجي بيتش
عن طريق العبارة سفينه صغيرة مدتها 3 ساعات تقريبا
او
الطيران 50 دقيقه تقريبا
ثلاثة أيام بينانغ ... فندق القولدن ساندس
طيران 50 دقيقه
أربعة أيام كوالا ... فندق الرويال شولان
راح نمسك بما قاله
حجز الفنادق
ادخل بموضوعي وشرح مبسط جدا
https://artravelers.com/p/re/779793
اما بخصوص الطيران الداخلي
خطوة بخطوة لحجز احلى رحلة وبالتسديد احلى هجمة ( الخطوط السعودية ) https://artravelers.com/p/re/789531
طبعا داخله مواضيع مفيده لك

يومين اللي هيه ليلتين ف الفندق صح ؟
ممكن تقسم لي التواريخ عزيزي عشان اعرف التواريخ اللي احجزها بالفندق

2 سلانجور
بتاريخ 5 - 6 بشهر فبراير
حجز الفندق يكون كتالي
طبعا على موقع بوكنق
5 - 7
يوم الوصول يكون 7 للنكاوي
3 ليالي لنكاوي
بتاريخ 7 - 8 - 9 بشهر فبراير
حجز الفندق يكون كتالي
طبعا على موقع بوكنق
7 - 10
يوم الوصول يكون 10 بينانج
3 ليالي بينانج
بتاريخ 10 - 11 - 12 بشهر فبراير
حجز الفندق يكون كتالي
طبعا على موقع بوكنق
0- 13
يوم الوصول يكون 13 للكوالالمبور
4 ليالي كوالالمبور
بتاريخ 13 - 14 - 15 - 16
حجز الفندق يكون كتالي
طبعا على موقع بوكنق
من 13 - 17
يوم الخروج والوداع 17 الى ارض الوطن
يوم 17 هو العودة

بارك الله فيك ومشكور عزيزي
ان شاء الله بحجز الفنادق
وباقي التفاصيل والجدول لاحقا