الف مبروك الزواج مقدما
ثانيا أنا أشوف ان برشلونة بعيدة جداً عن المدن اللي ذكرتها
يعني اما انك تبدا من ميونخ واستأجر سيارة ومنهاعلى سالزبورغ وفيينا وزيلامسي وفينيسيا
او اذا كنت لاتريد سيارة فيينا وسالزبورغ وزيلامسي وميلان ومنها بالقطار الى فينيسيا ليوم واحد فقط لان الفنادق في فينيسيا غالية نسبيا وتصبح ميلان اخر محطة
وبما انك زرت النمسا في 2010. ايش رايك في سويسرا؟
يكون المقترح باريس- لوزيرن-انترلاكن-جنيف؟
بالتوفيق

الله يبارك فيك
تقريبا انا استقريت على خطه و هي كالآتي
البدايه فيينا 3 ايام
سالسبورغ و زلامسي 6 ايام
فينيسيا 3 ايام
و ميلان 3 ايام
ومن ثم العوده للرياض
طبعا انا فكرت اخر 3 ايام تكون في باريس و ديزني لاند و كثير ينصحون في ديزني لاند
و للحين محتار بصراحه لأنه راح تكون باريس بعيده عن فينسيا و يمكن احتاج طياره من هناك
اكيد اني راح استأجر سياره من فيينا الى زلامسي و سالسبورغ و المناطق فيها تحتاج سياره و روقان
بانتظار رأيكم هل تؤيدوني على هذه الخطه و لا لا و نصائحكم
شكرا ماهون على ردك و نصيحتك

آوكسجين فور يو
اخوي الكريم انا انصحك بأيطاليا وفرنسا او ايطاليا واسبانيا
لانه شهر مارس برد في النمسا والمانيا
وتحياتي لك

نفس كلام اخي قايد عيونك
النمسا برد في هالفتره
اما اكن تاخرها شهر
اول تخليها على اسبانيا وايطاليا لان جنوب اوربا يكون ادفا
مخططك ممتاز جدا بس يعيبه الاجواء البارده في هالفتره

والله ما قصرتوا يا اخواني
بس هل البرد معناها تحت الصفر ولا يحتمل وممكن يكون ما فيه فعاليات في هالوقت
اذا على كذا اروح ايطاليا و اسبانيا احسن لي
شكرا لكم جميعا

تحت الصفر ياخوي....بس اذا انت رايح او طالع طلعة عزوبيه مايمنع تجرب اروبا بالبرد

اخوي قايد عنادك الله يعطيك العافيه ما قصرت و انا بصراحه استخرت و نويت على السفره هذي بإذن الله
اقولك المخطط الاخير لي
فيينا 3 ليالي
سالسبورغ 6 ليالي
ميونخ 3 ليالي
فينيسيا 3 ليالي
ميلان ليلتين والعوده منها للرياض
طبعاً ميلان يوم تمشيه و اليوم الثاني تسوق فيها
الطيران راح يكون على الخطوط الاماراتيه راح يكلف لشخصين 6752 ريال من الرياض فيينا و العوده ميلان الرياض
بدأت البحث عن الفنادق و غالباً عن طريق موقع بوكنق حسب نصيحه الكثير هنا
أول شيء في فيينا
فندق القراند لأنه قريب للسنتر و الكل يمدح فيه
https://www.booking.com/hotel/at/grand-wien.html?aid=1300939
بس بصراحه ما أعرف اي غرفه اختار و هل اختار مبلغ مسترد و الغاء مجاني ولا لا و أيضا كيف اتأكد هل الفطور مشمول ولا لا لانه غير مكتوب مثل بعض الفنادق
ياليت تساعدوني فيها
بعدها راح أستاجر سياره و اطلع على سالسبورغ و زلامسي و غيرها من المناطق القريبه
و فضلت السكن في مكان واحد و دام معاي السياره كل يوم اروح لمكان عادي
في سالسبورغ فيه 3 فنادق محتار فيهم
الاول هو هوليدي ان
https://www.booking.com/hotel/at/holiday-inn-salzburg.ar.html?aid=1300939
الثاني. رمادا
https://www.booking.com/hotel/at/ramada-salzburg-city-centre.ar.html?aid=1300939
الثالث
https://www.booking.com/hotel/at/culthotelstein.ar.html?aid=1300939
هل هذه الخيارات مناسبه لواحد عنده سياره . وهل تنصحوني بالسكن في مكان واحد و التنقل بالسياره مثل ما انا افكر فيه ولا لا
فيه بعض الناس يحجز بس أول مدينه و بعدها يسافر و أول ما ينتقل لمدينه ثانيه يحجز لها
ياليت تجاوبوني على استفساراتي هذي و بعدها راح أكمل لكم خيارت السكن في المناطق الأخرى

طيب اخوي يعني ميلان كيف تبي تروح لها ؟
هل تبي تروح بالسياره ؟
ولا طيران اقتصادي؟
وبالنسبة للفنادق حط لي التواريخ يوم الوصول لفينا وتاريخ المغادره من ميلان واشيك لك على الفنادق
وربي يسهل لنا ولك ونبيض الوجه في خدمتك
تحياتي

أخوي قايد عنادك ما قصرت معاي رآيتك بيضاء
تاريخ الوصول 19 مارس يوم الاثنين
3 ليالي فيينا
6 ليالي سالسبورغ
3 ليالي ميونخ
3 ليالي فينيسيا
ليلتين في ميلان
تاريخ الرجعه 5 ابريل يوم الخميس
و المسافه من فينيسيا الى ميلان بس 300 كيلو تقريبا أو 3 ساعات أتوقع ما يحتاج طيران ولا سياره في القطار أحسن
بالنسبه للسياره ودي اخذها من فيننا الى سالسبورغ بس هذي الفتره 6 ليالي و بعدها اروح ميونخ ممكن اوصل السياره الى ميونخ
هذا كل شيء
و شكراً جزيلا