السلام عليكم ورحمة الله وبركاته ::
الله يعافيك والشر ما يجيك
بالنسبة لأوتلت الفوكس التاون يعتبر الاسهل من وجهة نظري اذا كان بالقطار (عبارة عن مول ) وفيه تشكيلات حلوة .
ويكون ترتيبك له مع زيارة لمدينة لوقانو ..في حدود ساعتين ونصف المسافة بالسيارة.
ومفتوح طوال الاسبوع ..ما عدا بعض الاجازات الرسمية من الدولة .
http://www.foxtown.ch/info.php?lingua=en¢ro=mendrisio
اوتلت ميتزينجن موجود جنوب شتوتجارت الالمانية ..والمسافة بالسيارة تقريبا نفسها ساعتين ونصف
وهو عبارة عن محلات وليست ضمن مول او مجمع .
وفيه تشكيلات حلوة برضو .
ومفتوح طوال الاسبوع ما عدا يوم الاحد ..والاجازات الرسمية من الدولة .
http://www.outletcity.com/en/metzingen/
وبالتوفيق

مشكور اخوي ميدو...
يعني ترشح الأفضلية ميتزينجن وهل الأسعار افضل من فوكس...
وهل يوجد اوت لت افضل منهم....؟!

كيف الحال اخوي اخبارك ها بشر عسى لقيت شقه بسعر جيد وكيف الديره ان شاء الله امورك ممتازه بالنسبه للاوت لت مثل ما تفضل وذكر لك الاخ ميدو وهناك اوت لت قريب من فرانكفورت 3 ساعات ونصف من زيورخ Wertheim Village قريبه من فرانكفورت وهذا تقرير عنه باليوتيوب https://www.youtube.com/watch?v=VWk-nKVD67A يعني اذا قررت تسوي جوله سياحيه في الويكند ممكن تروح له وبعدها الى فرانكفورت او بادن بادن وممكن تخلي يوم للاوت لت القريب من شتوتقارت واليوم الثاني تكمل للاوت لت الثاني
ومكن تحصل على تفاصيل اكثر من الموقع هذا المختص بجميع الاوت لت بالمنطقه http://www.outlet-cities.com/wertheim-village/outlet-stores/
وبالنسبه للاسعار بصراحه انت اكثر واحد ممكن يفيدنا فاقامتك طويله ومختلفه عن السائح الذي يمر على عجل ومرور الكرام
تقبل تحياتي وبانتظار افادتنا عن افضل الاسعار والاوت لت

مشكور اخوي على اهتمامك والحمد لله أخذت سويت عن طريقة الشركة المنتدب بها السويسرية سعرها ب 1300 فرانك وحق الشركة 1000 فرانك مع العلم انا ساكن قريب من الشركة بقرية wettingen طبعا لي شهر و10 ايام وطولت الإجراءات عشان استلم بطاقة الإقامة السويسرية وبدونها ماقدر اطلع من سويسرا بس الحمد لله هالاسبوع استلمت البطاقة....
ورحت بس شلالات الراين ومدينة لوزيرن بحكم شغل هني ما اقدر أتحرك الا بالويك اند.....
طبعا القرية اللي انا فيها هادئة جداً وصغيرة
وهذا اليومين الجو بارد حبتين زيادة...
طلعت زيورخ بشتري ملابس الصراحة الأسعار مبالغ فيها بشكل كبير بحكم الماركات
وهذا انا ادور لي اوت لت زين عشان اتقضى حق الشتاء
طبعا جميع التنقلات بالمترو بس افكر اذا بروح ألمانيا استأجر سيارة..

ممكن تزور ميلان وفيها محلات ايطالية تبيع الجاكيتات الجلد واسعارها حلوة
وبالقرب من ميلان ممكن تزورون اوت لت سيرفالي واعتقد انه افضل من الفوكس تاون
https://artravelers.com/p/re/446132

مشكور كأنك تدري يبيلي جوكيتات