1. مصايف الرحلة 14000 ريال


2. المجموع : 26000 ريال

بسم الله الرحمن الرحيم
بحمد الله وفضله ثم توجيهاتكم في هذا المنتدى كانت رحلتي ناجحة بكل المقاييس، وأخص بالشكر الأخوان..طارق2004 ، المصباح ، جاكا ، والطائر الجريح ، وجميع من قام بالرد على تساؤلاتي .
الرحلة كانت من 10 يناير 2014 الى 24 يناير
انا وزوجتي الغالية وبنتي ثلاث سنوات وابني سنة ونصف
عن طريق خطوط مهين لانكا سعر التذاكر 5700 ترانزيت توقف ساعة بكلومبو حقت كاسة شاي وتودي الاطفال دورة المياه أعزكم الله وتركب الطيارة الثانية على طول.
سعر الفنادق 6200

مصايف الرحلة 14000 ريال

المجموع : 26000 ريال

اولاً : جاكرتا ثلاثة ايام بفندق بولمان سنترال بارك وسبب طول المدة لان وصولي يوافق يوم سبت فقلت أقضي الويك إند في المولات اللي بجنب الفندق والاثنين أزور أنشول والثلاثاء اتوجّه لبوقور ، فندق بولمان يستاهل عشرة نجوم وأنصح العرسان والعوائل اللي أقل من طفلين بالسكن فيه كل شي فيه حلو مالقيت أي شي سلبي حتى دورة المياه أعزكم الله عتّمو زجاجها.
ثانياً : بوقور خمسة أيام بفندق أستون بوقور الرائع موقعة جداً حلو وسط الطبيعة والنهر يجري من تحت الفندق والحمد لله الغرفة كانت مطلة ع المسبح والنهر وفيها بلكونة وصوت جريان الماء ورائحة الاشجار تعطيك شعور رائع بالاسترخاء، وكان كل يوم يجيني السواق ونروح للجبل المشوار تقريباً خمسة واربعين دقيقة وزرت جميع الاماكن بالجبل من تامان سفاري إلى بحيرة الليدو في اربعة ايام واليوم الخامس تجولت ببوقور وزرنا القصر الرئاسي .
ثالثاً: باندونق اربعة أيام بفندق ترانس لوكسري أفضل فندق سكنت فيه في الرحلة تتعب تقول فيه فخم وموقعه رائع تحته مول وملاهي اليوم الاول زرنا شلالات ماريبايا وبركان تانكوبان وساري آتر المياه الحارة وتغدينا بمطعم كامبونج داون ، المطعم هذا شي خيالي ، اليوم الثاني بحيرة سيتو باتينقان ومزارع الشاي والفراولة البحيرة بعيدة لكن تستاهل المشوار واليومين الاخيرة خليناها تسوق اليوم الاول في محلات الآوتلت واليوم الثاني بشارع الجينز وسي واك وأشترينا ملابس وأغراض لسنة قدام واضطريت اشتري شنطة لأن اللي معي ماتكفي . ورجعنا بالقطار ع جاكرتا شي جديد وممتع.
رابعاً : جاكرتا يوم واحد بفندق شيبوترا استعداداً للسفر ،وكان مخيب للآمال مايستاهل نجمة واحدة التعامل سئ وتماثيل خادشة للحياء والغرف اثاثها قديم والمياه لونها اصفر وغرفتي كانت جراند سوبيريور أفضل شئ عندهم وماأنصح أحد بالسكن فيه .
وأي استفسار أنا حاضربخصوص أرقام السائقين اللي كان اختياري لهم موفق بحمد الله أو اي استفسار آخر،،، وأكرر شكري لكم.