أختي الغاليه باقيو ممكن تروحي لها عن طريق الباص فيه شركات وافضل شركه هي فكتور او فكتوريا على مااضن اسمها كذا . طبعا وجهة نظري بالباص لانك راح تمري على مناظر حلوه بالمره .....اما في الطائره تراها ماتستاهل انا اسمع انه فيه عندهم مطار بس والله ماعندي علم ؟؟؟؟؟؟؟؟؟؟؟
بالنسبه للشقق انا سكنت قبل اسبوعين في شقق عاديه لان تقريبا باقيو مافيها فنادق فخمه تقريبا فيه فندق مقابل sm مول شكله فخم .....بالنسبه لي انا سكنت في فندق مقابل البحريه المشهوره الي في باقيو وسعره معقول ......
اما السواق ماعندي علم انا ممكن اعطيك مرشده سياحيه تقدرين تتفاهمي معاها وهي عليها كل شي بسعر رمزي
اخوك حمودي حماده سكر زياده

حمودي حماده
ألف شكر لك على هالمعلومات
وياليت تضع لي رقم المرشدة السياحية وأكون شاكرة لك .

أنا سكنت في فيلا في مدينة باقيو ب 4500 بيسو باليوم في أعلى الجبل بإطلالة رائعة جدا جدا
مكونة من دورين وب 7 غرف على ما أذكر . وممكن تحصلين على عروض أفضل وراح تحصلين لوحات كثيرة
معلقة على اعمدة الكهرب لشقق للإيجار أو تروحين لموقف التكاسي وتسألين عن الشقق وراح تلقين
بإذن الله أسعار حلوة .
أحسن شي إنك تسافري بسيارة أو باص ( 5 -- 6 ساعات ) بس ممتعة جدا جدا لكثرة المناظر الجميلة
السيارة الخاصة سعرها من 5 إلى 7 آلاف بيسو للذهاب فقط على حسب نوع السيارة .
والأوفر باص أعتقد ب 350 بيسو للشخص .
وتروحون وترجعون بالسلامة إن شاء الله

abo_fars23
ألف شكر لك على هالمعلومات الحلوة
الفيلا حلو سعرها ولكن هل هي آمنة ؟؟
بصراحة أنا شخصيا خفت من قلة الامان بسبب كثرة التحذيرات اللي ألقاها بالمنتديات الخاصة بالفلبين .

ابو فارس
بخصوص الفيلا اللي سكنتها ودي الله لا يهينك تعطيني رقمهم او الشخص اللي نسقت عن طريقة
والله على كثر روحاتي للفلبين باقيو ما رحتلها ... كم يوم فظنك يكفيها 3 ايام كافيه ؟
يعطيك العافيه وما قصرت

الغاليه
الديرة امان بعد الله ولم نعاني من أي شي نهائيا ولم نتعرض لأي مضايقة
الفيلا مكونة من 3 أدوار .... الدور الأرضي لصاحبة الفيلا ( إمرأة كبيرة بالسن ) ولنا الدورين الثاني والثالث
مع وجود حارس للفيلا . بالإضافة إلى ( كلاب حراسة ) اعزكي الله . يعني ارقدي وآمني
عيب الفيلا الوحيد قلة التكاسي المارة بالشارع الرئيسي للفيلا .. يعني يبيلك رقم صاحب تاكسي تتفقين معاه
يجيكم بالأوقات اللي تحتاجونه فيها .
وباقيو تستحق الزيارة بقوة

makati boy
3 أيام كافية إن شاء الله .... هي ديرة إسترخاء بعيدا عن الصخب وعن الزحمة
وللاسف ليس لدي أي رقم وتم التنسيق مع صاحب تاكسي وجدناه في موقف التكاسي
وهو من أرشدنا للفيلا . أكرر أسفي أخي العزيز لعدم استطاعتي إفادتك بشي

بيض الله وجهك ابو فراس ولايهمك يسلم راسك يالغالي

باقيو ليلا موحشه جدا
انا شخصياً لا أنصح بزيارتها
لبعدها عن مانيلا و قلة الامن فيها