- نقطه احب اوضحها عن الغرفتين والصاله العاديه والسويت
السلام عليكم ورحمة الله وبركاته
حبيت اشاركم عن هالشقق توي وصلت من دبي وسكنت فشقق النورس الفندقية
شقق نظيفة ورائعة بكل ماتعنيه الكلمه مقارنة بسعرها عن طريق موقع booking.com وحتى عن طريق الفندق فالايام العاديه غير الويك اند يكون السعر فارقه حدود الخمسين درهم بين الموقع والفندق
سكنت فيها 7 ليالي ماقدرت اغيرها من حسن تعامل الاستقبال والموظفين كافه ونظافة الشقق جيدة جدا
حجزت غرفتين وصاله سويت بالويك اند كان ب 405 درهم لليلة بينما في الفندق كان بحدود 660 درهم
وفي الايام العاديه غير الويك اند كانت ب 420 بدون ضرائب تطلع تقريبا ب 445 شامل كل شي بدون فطور طبعاً عن طريق الفندق
وموقع بوكنق كانت ب 393 تقريباً
قابلت مدير الفندق بالصدفه وتكلمت معاه وسالني من اي بلد وعن مدى ارتياحي بالسكن وسالني من فين عرفت الفندق كان متوقع اني حاجر عن طريق عرب لينك .. وكان محترم جداً
نقطه احب اوضحها عن الغرفتين والصاله العاديه والسويت
السويت صالته اكبر شوي والمطبخ استديو .. والعاديه مطبخ مقفل والصاله اقل بالحجم رغم انها عن طريق بوكينق بنفس السعر
النقطه الثانيه الموقع يعتبر بعيد نوعاً ما في البداية لو ماكنت تعرف الطرق او بتستخدم تكسي ولكن لو دليت الطرق صح ماراح ياخذ وقت معك ابعد مشوار من ربع ساعه الا ثلث ساعه في الايام العاديه الويك اند زحمه شوي
لكن استأجرت عن طريق الصفوة بمطار الشارقه اليوم ب 90 + 100 رسوم السير لل 7 أيام
طلعت كلها 730 درهم .. كلفني البنزين 170 درهم .. مرتين فل ومره نص تانكي والسواقه عندهم ممتعه خصوصا لمن تكون فسيد متوقع انك رايح للمكان اللي تبغاه وفجأة يطلع نفق او مخرج بدون ماتدري .. يعني لازم تركز على اللوحات
استخدمت جي بي اس اول يومين وبعدها حسيت انها مو لايقه علي اسوي مثل الخواجات وصرت ادل الدروب كلها لانها منظمه وسهلة الفهم وماتحتاج جي بي اس والمناطق اللي تنزار واضحه جدا ومايبي لها تعب
كنت اتمنى انزل صور للشقة بس الكاميرا عند خويي .. بعدين انزلها ان شاء الله
واي سؤال انا حاضر
شكل محد بيرد علي من كثر البربرة وعدم التنظيم
