بسم الله الرحمن الرحيم
ان شاء الله راح اخذكم بجولة جميلة الى شرم الشيخ وراح نتكلم عن اكثر من مكان في شرم
قبل البداية اشكر المنتدى وكل الاعضاء الي ساعدوني بالرحلة وتسهيلها علي
طبعا اول شي تم اختيار شرم بالصدفة لاني كنت مخطط السفر الى تايلند لكن بسبب الاوضاع
الامنية الي كانت بتايلند تم تغيير الوجهة وكنت ما اقدر اغير اجازتي بالدوام يعني اذا ما اخذت اجازة راح اطول
على ما اخذ اجازة مره ثاني وبالاخير واخترت شرم لانها اقرب منطقة الى تايلند من ناحية الانشطة البحرية.
تاريخ الرحلة 29-5-2010
مدة الرحلة 6 ايام
طبعا كانت معاي زوجتي في هذا الرحلة وعلى طول اول ما اخترت شرم
رحت ادور تذكرة وبالصدفة الجزيرة كانوا مسوين عرض الى شرم الشخص ب 60 دينار كويتي والحمدالله حجزت وخلصت من التذكرة .
وبعد ما حجزت التذكرة صرت ادور الفندق وبعد البحث والتحري احترت بين فالكون نعمه ستار وبين
فندق الهلنان مارينا وكان فرق السعر بينهم كبير فالكون ب 70 دينار كويتي لمدة 6 ليالي مع افطار
وهلنان ب 160 دينار كويتي شامل كل شي وبالاخير تم اختيار فالكون لرخصه ولان الرحلة كانت بالنسبه
لي الاولى الى شرم فقلت اجرب المطعام الي موجوده داخل شرم احسن من اخذ الهلنان ويشمل كل شي.
وعن طريقة حجز الفندق كنت شاك بمصداقية مواقع الحجز لكن بعد الاستفسار من بعض الاشخاص نصحوني
بهذا الموقع http://www.hotels4u.com/ وتم الحجز على طريقه وبخصوص الموقع يعتبر ارخص موقع من
بين جميع المواقع الاخرى وأأمنهم لاني راسلتهم وقاعد يجاوبون على كل الاسئلة وتم الحجز بتاريخ 25-5-2010
قبل السفر ب 4 ايام وعلى طول دفعت عن طريق الماستر وطبعت ورقة الحجز .
ان شاء الله باقرب وقت احاول اخلص التقرير لاني اجازتي تخلص
بتاريخ 27 الشهر وبعدين يكون عندي دوام ويمكن اتاخر عليكم وايد