وينكم يااخوان !!! 50 مشاهدة ومافي رد

حياك ربي يا حلو
أصيل العود
ابي رايكم وملاحظاتكم وتعديلاتكم احس اني عفست الدنيا ونسيت اشياء كثيرة واهملت اماكن حلوه
ابي مطاعم مشهوره ومحلات حلويات شي مجرب
تفضلوا برنامجي وتكفون عدلوه اذا يحتاج مخي ضرب
اليوم الاول : الجمعة
قصر طوبكابي +جامع السلطان أحمد +جامع ومتحف ايه صوفيا +حديقة جولهانة+ غراند بازار+ العشاء مطعم الملك المطعم يقع خلف محطة اكسراي للمترو
ممتاز
اليوم الثاني : السبت
من امينونو الى السوق المصري + سوق محمود باشا +منطقة ايوب + تلفريك ومقهى بيرلوتي + والعشاء في مطعم حمدي بالقرب من امينونو
+ عروض الدلافين
ممتاز
اليوم الثالث : الاحد

ماجد الفهد
حياك ربي يا حلو
الله يسعدك
ولا تنسى
هذا الجدول خليه مفتوح وغير فيه بالطريقة اللي تعجبك
لو حاب مدن الألعاب لا تنسى ال فيا لاند
ولو حاب المناطق الحية
الإستقلال
أورتاكوي
السلطان احمد
بالتوفيق يا حلو
هلا اخوي ماجد مشكور اهتمامك اليوم الثالث راح نكنسل تلة العرائس والاميرات نبي شي بدالها ويكون عشانا اذا امكن في برج الفناة
في بعد ملاحظة بالنسبة لليوم الاول يوم الجمعة هالاماكان اللي حاطها تعتقد انها فاتحه كون انه يوم جمعه يعني بنوصل للفندق يمكن على 2ونص الظهر او 3 الظهر هل مناسب الوقت نروحلهم
السؤال الثاني الترام هل هو رايح راد ولا يروح اتجاه واحد بس

الايام الي تقفل فيها بعض الاماكن : السوق المسقوف الأحد آيا صوفيا الأثنين توبا كابي الثلاثاء دولما باشا الاثنين والخميس قلعة روملي حصار الاربعاء المسقوف والمصري يسكرون الساعة 7 المولات تسكر الساعة 10

انا رايي جولة البسفور تاخذها نفس اليوم اللي بتروح فيه امينونو.. في جوله قصيره مدتها ساعه وفي 5 ساعات اظن .. ساعه كافيه اخذها الصبح وبعدها السوق المصري ..
بعدها يصير يوم الاحد عندك مفتوح من بعد جزر الاميرات او تل العرائس .. تقدر تروح مول تتمشى
عندك مول استيني بارك .. مول راقي جدا وفيه ماركات عالميه وكافيهات حلوه .. تقدر تروح تتغدا هناك وتتمشى
في متحف بس مو نفس المتاحف وايد متع في مول اللي بفيا لاند
انا مدينه الالعاب مادخلتها بس رحت المول والمتحف .. اهو الطريج بعيد لي فيا لاند .. اذا نويت تروح لازم تدخل المتحف
انا رحت له شهر 5 اللي طاف وان شالله بحاول انزل الصور في تقريري مال زيارة الويك اند
بالنسبه للكافيهات عندك
اللي عندهم بقلاوه وقهوه تركيه
مادو
حافظ مصطفى
Gulluoglu قلو اوقلو
حسن اسطى
سراي
هذول انا مجربتهم .. وموجودين بشارع الاستقلال وباغلب المجمعات موجودين
اما المطاعم اذا تبي مطاعم قعده وطلبات ماعرف لاني اغلب اكلي من المطاعم التركيه السريعه
بس نصيحه من تجربتي ومن خلال خبره
لمن تروح تركيا شووف المطاعم والكفيهات اللي عليها طلب وزحمه من اهل البلد .. تعرف انه هذا زين
اما اللي يختارونه السياح الخليجيين بالذات اغلبهم شكل للاسف

مسافرة و بس
السوق المسقوف الأحد آيا صوفيا الأثنين توبا كابي الثلاثاء
دولما باشا الاثنين والخميس
حلو يعني الجمعه والسبت اوكي جدولي
قلعة روملي حصار الاربعاء المسقوف والمصري يسكرون الساعة 7معلومة توني ادري عنها شكرا على التنبيه
المولات تسكر الساعة 10
تمام بعدها المنطقه السلطان احمد شلونها بالليل امان الواحد يمشي لي ال12 الكويفهات مفتوحه
ردي باللون الاحمر

بهبهانيه
ردي بالاحمر

1. اليوم الثالث : الاحد

عدلت على جدولي للضروره وعطوني رايكم
اليوم الاول : الجمعة
قصر طوبكابي +جامع السلطان أحمد +جامع ومتحف ايه صوفيا +حديقة جولهانة+ غراند بازار+ العشاء مطعم الملك المطعم يقع خلف محطة اكسراي للمترو
اليوم الثاني : السبت
من امينونو الى السوق المصري + سوق محمود باشا +منطقة ايوب + تلفريك ومقهى بيرلوتي والجلوس لي بعد الغروب ومن ثم الرجوع والعشاء في مطعم حمدي بالقرب من امينونو

اليوم الثالث : الاحد

جولة في البيسفور من امينون صباحا ((هني مافي جولات للبحر من ميناء كاباتش لانه قريب من تقسيم يعني نخلص ونركب المترو ونرجع لتقسيم ولاهي نفس السالفه ما تفرق والذهاب الى تقسيم والغداء فيه وش تنصحون مطعم في تقسيم حلو ومجرب)) او بالقرب من ميناء كاباتش مافي مطاعم حلوه (صراحه ماودي ادخل تقسيم الا فقط بفترات النهار ليل ما بي )+ الذهاب الى جواهر مول واستيني بارك والعوده الى تقسيم هني كيف نوصل الى كوزكيليسي قصر او برج الفتاة للعشا بعضهم يقول حجز مسبق شلون لهم موقع ولاومايحتاج حجز
اليوم الرابع : الاثنين
الذهاب يوم كامل من الصباح إلى مدينة يلوا بالباخرة السريعة او بورصه شرايكم
هني شرايكم تستاهل الروحه يعني هل هي على طريقي يلوا وبورصه قراب من بعض على خط واحد وشنو الحلو والمميز يعني ابي عن تجربة ومابي اضيع وقتي
اليوم الخامس : الثلاثاء
هذا يوم حر نبي رايكم شنو نحط هني مانبي لا متاحف ولا قلعات ولا مدينة العاب ولا حدائق
شرايكم هني اروح فورم مول اتمشى فيه العصريه وبالليل اروح صوب امينون اتمشى حواليها على البحر او صوب كاباتش او اروح الجانب الاسيوي شارع بغداد

أصيل العود
منطقة السلطان احمد ماجلست فيها لوقت متأخر
الي جلست فيها لين وحدة بالليل تقسيم وكانت الدنيا مليانه
وبرجع ان شاء الله اشوف جدولك