ي هلا بج ,
دبي مول طبعا - اترومين بعد تخطفين ع برج خليفة و اتشوفين دبي بكبره تذكرة الصعود 100 درهم بيعيبكم .
الامارات مول , ابن بطوطة - انا اشوف انج حاطه عينج ع المولات الله يعين ريلج ع المشترى - سوالف ربي يهنيكم -
شوفي بن بطوطة ابعد مول تقريباَ و ايد حلوو يعني رتب عمركم لان الممشى - الووك - قريب منه ف تخلونه ضربه وحده .
وافي سنتر, ام كله ماركات و استايله حلوو .
التنيين و القرية العالمية, خليهم مع بعض لانهم ع نفس الدرب ع شارع الامارات سيري التنين ب الاول و خلاف خطفي القرية .
الووك , قرية الجميرا - تكلمت ع الووك , و قرية جميرا ما عرفت شو تقصدين فيه !
خذيه مني - بن بطوطة محلاته - بنسبة للماركات و جي - اقل بنسبة للباقي , ولا باقي المولات نفس المحلات ف وفري ع عمرج الوقت وسيري
و الجو روعه ينفع للسفاري , ولو تبين بطلعكم سفااري عندي افاا عليكم ^^
و نصيحة 7 ايام لدبي حلووه , بس عندج الامارات الشماليه حلووه ف خلي لج يوم او 2 تطلعين و اتشوفينهم ^^
و لو تبين شي انا حاضر و بو ضحي
مكان ثاني,

يعطيك العافية بو ضحى ما تقصر
الامارات الشمالية وين يعني؟

عندج راس الخيمة و الفجيرة , طلعه اتشوفيهم جبالهم و بحرهم راح اتعيبج
و ف راس الخيمة عندج الكوف روتانا فندق انصحج تقعدين فيه ليلة بعيبج , و الفجيرة عندج العقة هم حلوو .
راس الخيمة تبعد عن دبي 45 دقيقة او اقل ع حسب السرعه تقريبا 70 كم . و الطريق ما يضيع .
و ها غير الشارجه و عيمان و ام القوين كل امارة فيه شي حلوو ^^
و اذا تبين شي 2 انا حااضر

مشكور اخوي و ما تقصر حسافه احنا حجزنا فندق بدبي يعني ما نقدر نغيير دبي بس ممكن نسيير على راس الخيمة يوم ونرجع صح؟ شنو فيها امكن سياحيه راس الخيمة؟ وشلون طريقها صحرا ولا جبال؟
والجو شلونه لان ودنا نروح المدينه المائيه اللي ب اتلنتس نقدر نسبح ولا برد؟

وأزيد عليهم
فيستيفال دبى هذا المول روعه لايطوفك جديد طبعا
ومارينا ووك ألى جنب الممشى والممشى أسمه جى بى ار
هاالمكانين أحلى اماكن دبى
وعندك مقهى ومطعم البدويه فى شارع الجميرا حلوه الجلسه فيه
وبالنسبه للسفارى تقدرين اتروحين وقريب فى العين
والفنادق أسوون عروض للسفارى أسألى عنها
وموفقه باختيار الفندق قمر الدين روعه
وعزيزتى الميزانيه كافيه اذا ماأتسوقين
ولا خلى السوق فى اليوم الاخير
وسلامتك

باقل من 45 دقيقة انتي ف راس الخيمة , ها من شارع الامارات .
بخصووص الاماكن السياحيه اللي ف راس الخيمة , كا مولات - عندج الحمرا مول و اهو ع استايل بن بطوطة بس صغير هب شرات ب الحجم . و عندج المنار مول - هالمول يعتبر الاساسي ف الامارة تصميمه غريبه بس حليوو .
وعندج السفير مول - صغير وما فيه شي مميز لزيارته ^^
عندج ف راس الخيمة منطفة عوافي , منطقة رملية و اترومين تاجرين درجات , بانشيات , رابتر , ... الخ من سوالف البر
وشي محالات و اشياء حلووه .
عندج سوق اسمه ع اسم دولتج - السوق الكويتي هم اهو اسم الشارع , فيه اشياء قديمة و اشياء يديده
سوق قديم و حليو .
كورنيش راس الخيمة كورنيش القواسم في اشياء حلووه اترومن تخطفون عليه و تساتنسوا ب الجو الحلوو .
ب النسبة لطريق من دبي الى راس الخيمة , هو طريق سريع , وراس الخيمة كا شكل عام امارة جبلية فيه جبال واايد .
شو تبين تعرفيني انا حاضر ^^

وعليكم السلام اختي ناسي بالنسبه لدبي واسبوع انا اشوفها ماتكفي لان الاسواق والاماكن بعضها يحتاج اكثر من نص يوم مع الذهاب لمكان للعشاء يعني راح اليوم انا شخصياً اعجبني دبي مول حلو كثير وامارات مول برضوه حلو وعندك دراجون مول اشوفه جيد وغير مرتب وعلى العموم الصينيين لايجدون التعامل الجميره ستي حلو خاصه جولة القارب حلو في النهار ومطاعمه هاديه ولاتنسين زيارة اتلانتس فيه مول صغير بس الحديقه المائيه حلوه اذا انتي تحبين التسوق وشي رخيص عندك سوق الذهب القديم وعندك خور دبي فيه جوله سياحيه على القارب لمدة ساعتين مع البوفيه المفتوح بس اهم شي احجزو من بدري خاصه وقت اجازة نهاية الاسبوع انا بصراحه نزل على اخر
لحضه مااعجبني القارب الي اخترانا كل هنود واذا فيه اي ايضافه نسيتها راح انزلها مره ثانيه

.OK
مشكور اخوي اوكي دبي تجن واسبوع شويه عليها وودنا اكثر بس المزانية ما تسمح