اخي الكريم انا اللي اعرفه لازم تتزوج تايلنديه ومايحطون أي شي بإسمك أو تحطه بإسم أحد تايلندي أو تايلنديه
وتتفق مع محامي يضبطلك الموضوع
يعني بالعربي وبإختصار تشتري انت الشقه او الفيلا وتكون بإسم تايلندي أو تايلنديه وتخلي اللي سجلت الشقه أو الفيلا بإسمه يوقع على أوراق إنك انت تطالبه بالمبلغ يعني مثل كمبياله أو جيك عشان تضمن حقك لو صار شي
وأول وتالي المحامي يضبطك وإذا عزمت شوفلك محامي محترم وله إسمه وتوكل على الله سبحانه وتعالى
وتبيني نصيحتي إبعد عن الشر وغنيله

هلا و غلا اخوي التايلندي
اشكرك على مشاركتك
بصراحه يا الغالي انا ابي شي حلال و بدون لف و دوران على القانون
و اتمنى من اهل الخبره او اللي مجرب او يملك هناك يفيدنا
و اشكرك يا الغالي على مشاركتك الطيبه
و بانتظار مشاركات الاخوه الكرام

ولو اخي محب انا حاضر وهذي معلوماتي اللي اعرفها
وننتظر الاخوه لعل وعسى أحد يفيدنا أكثر

اخي الكريم
مسألة التملك الكلي للعقار في تايلند غير دارجه للأجانب
وبالامكان استأجار العقار بعقد طويل الاجل سواء للسكن الخاص بدون اي تعقيدات
او للاستثمار التجاري بشرط وجود الشريك التايلندي (مقارب للنظام المعمول به في الكويت مع اختلاف التفاصيل)
بالنسبه للأسعار حسب ما شاهدت تبدأ من مليون بات مايقارب 8500 دينار كويتي للشاليهات دح الموي في بعض المدن غير السياحيه في تايلند وقد تخترق حاجز ال10 ملايين في الاماكن المميزه
اما بالنسبه لشيانج ماي وما حولها من ارياف فليس لدي خلفيه عن الاسعار
ولكن بشكل عام اسعار العقار هناك متدنيه قياسا لما هو لدينا في الخليج وارخص من شراء سطبل ملك حكومه بالكويت
تمنياتي لك بالتوفيق اخي الكريم

اخى الكريم حاليا لا يمكن للاجنبى امتلاك بيت وكانت طريقة عمل شركة فى السابق مع تايلندين لم تعد قانونية الأن ولكن يمكتك شراء شقة فى تايلند اهم شرط ان يدخل الميلغ عن طريق بنك فى تايلند اى بعمل حوالة بنكية من الكويت الى بنك فى تايلند سواء على حسابك فى تايلند ان وجد او باسم الشركة اليائعة للشقة ولا يمكنك دفع المبلغ كاش لكى يثبت ان الاموال قد جأت من الخارج وهذا اهم شرط للعملاء الغير تايلندين هناك طبعا رسوم تسجل اهم شى ان يكون معاك محامى ثقة لان هناك مستندات بللغة التايلندية . اى استفسار انا بلخدمة

مرحبا اخوي كويت ايرباص
اشكرك على مشاركتك المفيده
لاهنت يا الغالي
مرحبا اخوي ايست لوفر
اشكرك على مشاركتك المفيده و اتمنى افادتي بالاسعار في شيانق ماي للفلل و الشقق؟ و كم التكاليف بالكامل يعني تكاليف المحامي و التسجيل و الاشياء الرسميه جم تقريبا؟
و ياريت تفيدنا باسعار الشقق او الفلل ( بحمام سباحه طبعا )
وشاكر لك وللجميع

نصيحة محب لاتشتري في تايلند
حرام تحجز مبلغ علشان شهر
وبعدين الايجار في تايلند رخيص
شغل فلوسك في الكويت وسافر بقيمة الارباح

السلام عليكم انا ادري انة الموضع قديم بس راح نكتب حق الناس الي قاعدة تدور على الجواب تقدر تتملك في تايلند بطريقة سهلة وهي طريقة التأجير
الزبدة 30+30+30 الحين الشرح يعني كل ثلا ثين سنة تجدد وحدك 90 سنة بس التفاصيل بالضبط مو عندي بس انا متأكد من هذي السالفة