شخصين وطفل

دفى الزمان

31-03-2022 - 12:14 pm

السلام عليكم ورحمة الله وبركاته
عندي تخطيط للسفر لماليزيا تقريبا بيكون 17 نوفمبر لمدة 12-13 يوم .. انا والمدام والباشا الصغنون سنتين عمره ..
كوالا - لنكاوي .. ومحتار في المدينة الثالثة ..
الشي اللي مؤرقني هو الجو اخاف انه يكون فيه مطر كثير وتخرب السفرة ؟؟
ياليت تعطوني اقتراح لعمل رحلة حلوة خاصة انها اول رحلة لماليزيا ..
ولكم ألف تحية وشكر .. حاولت اراسل بعض الاخوة ولكن للأسف المشاركات قليلة ولم يمكنني ذلك

التعليقات (8)

وصايف الحجاز

31-03-2022 - 03:32 pm

وعليكم السلام والرحمه
اقترح عليك هالجدول
يومين سلانجور
4 ايام لنكاوي
يومين جنتنق
4 ايام كوالالمبور
والمطر في ماليزيا ممتع وجميل وما يخرب على السياح .. لان البلد متعودة على الامطار شئ عادي بالنسبة لهم ...
لو عجبك الجدول نقترح عليك الفنادق المناسبة لميزانيتك ...

وافي بزمن جافي

31-03-2022 - 04:33 pm

حياك أخوي الغالي
جدول أختنا ( وصايف ) هو الأجمل لك ...
وأنصحك نصيحة أخوية ... لاتأخذ ( الباشا ) معك
السفر بالأطفال متعب ومرهق ... خصوصا تحت ( 5 سنوات )
وأسأل الله لك التوفيق في رحلتك ...

ابوهوازن

31-03-2022 - 05:34 pm

بالتوفيق لك ان شاء لله على حسب وش تحب انت الهدوء و لا الزحمة @_@
لنكاوي منطقة ريفيه بحته وهدوء بها جميل بالعربي قرية تعتبر
بيياننغ تعتبر مدينة واكثر حركة كلهم فيهم شواطي وكلهم شواطيهم حلوه

هيما2

31-03-2022 - 06:35 pm

رحلة سعيده اخوي
وانا مع جدول الأخت وصايف
وبنسبه لطفل من وجهة نظري الشخصية انك تاخذوه معاكم لأنه في السن هدا ماراح يتعبكم واغلب وقته راح يقضية في النوم
ولاتنسى اهم شيئ تاخذ معاك عربية
وربي يسهل رحلتكم وتكون رحلة سعيده عليك يارب

دفى الزمان

31-03-2022 - 07:36 pm

وصايف الحجاز
هلا اختي وصايف .. والله من يوم شفت الردود وانا مبسوط انه احد اعطاني وجه
حلو الكلام بس انا لقيت رحلة ع الخطوط جدة كوالامبور - كوالامبور جدة 1779 للشخص الواحد ..
كيف حيكون ترتيب الرحلة .. راح اتعبك معاي ..
الميزانية من 12 الى 15 الف ريال

وصايف الحجاز

31-03-2022 - 08:37 pm

^^
توكل على الله واحجز السعر جدآ رائع .. بس ترى هذا سعر تشجيعي غير مسترد ,,,
اول ما توصل المطار تاخذ تاكسي الى سلانجور يومين
وبعدها للمطار على لنكاوي تاخذ فيها 4 ايام ...
ثم العودة الى كوالالمبور ايضآ طيران
تاكسي من المطار الى جنتنق يومين
ثم بالباص او التاكسي الى كوالالمبور ...
بالنسبة لميزانيتك مناسبة لكن راح تاخذ فنادق 4 و 3 نجوم ,,, لا تخاف مستواها ممتاز بماليزيا
بس في البداية تأكد الحجز وتقول لنا كم عدد ايام الرحلة بالضبط ..
عشان يكون الجدول دقيق

دفى الزمان

31-03-2022 - 09:38 pm

هلا اخوي وافي .. اسم على مسمى ..
عيونك الاجمل .. اما بالنسبة للباشا لازم اخذه صعبه اخليه بصراحه .. ^ ^ وربك يسهل ..
الله يسعدك يارب ..
ابو هوازن .. احب الهدوء والروقان .. لنكاوي شفت عنها مواضيع وتقارير من الاعضاء الله يسعدهم .. مره حلوة واحس فيها انشطه خطيره .. لاعدمنا تواجدك يالغالي ..
هيما2 ..
منور اخوي .. وجدا حلوة فكرة العربية ماكانت ببالي وباذن الله تتسهل .. لك ألف تحية .. ع التواجد ومانستغني عنك

دفى الزمان

31-03-2022 - 10:39 pm

وصايف الحجاز
يب بالضبط بالنسبة للتذاكر ..
الرحلة راح تكون يوم 17 الاقلاع 9 بالليل والوصول يوم 18 الساعة 1 الظهر بتوقيت كوالامبور..
العودة بتكون يوم الجمعة من كوالامبور الساعة 3 العصر
مو مهم عندي السكن كم نجمة اهم شي يكون نظيف ورايق .. لانه فقط للنوم ..
روحي ياشيخه الله يسعدك

كوالالمبور المسافرون العرب

شخصين وطفل