رياح الذكرى
19-09-2022 - 04:24 am
انا باذن الله مسافر باريس على 12 جولاي وبرجع 27 جولاي
من 12 جولاي الى 18 بكون في باريس
ومن 18 الى 23 بكون في امستردام
ومن 23 الى 27 باريس بحرين
برزت كل اوراقي وكلشي حجز مختوم وبالفاكس من الفندق، تذكرة ، شهاده عمل ، كشف حساب ....الخ
رحت على موقع السفارة الفرنسية حق احجز موعد ، وانصدمت انه ما في مواعيد اساسا !!
اتصلت في السفارة قالوا لي حاول لين ما تحصل ومحاولاتك لازم تكون بين الساعة عشر الصبح ووحده ونص الظهر !!
حاولت وهذاني ليومكم ما حصلت موعد !!!
والحل يا جماعة الخير !!
اتصلت في السفارة الالمانية لاني اقدر اطلع فيزا من عندهم دامني بروح هولندا امستردام،
قالوا لي لازم اقامتك في هولندا تكون اطول ولا ما يصير !!
وفوق هالشي عندهم بعد سالفة المواعيد !! عاد ما دري اذا بييكونون فول ولا لا !!
شنو الحل الحين وشلون اقدر اطلع الشنيقن !!
