يااخوان ويااخوات انا من الرعيل القديم اللي كانوا يسافرون لتايلند يعني من 82م الى 87 م ثم توقفت عن السفر
لتايلند وهالايام بديت احن لتايلند ولكن استغربت ان طريقة السفر صارت عن طريق حجز فنادق وحجز جولات سياحيه
وانا بيني وبينكم شايب واحب الهجوله يعني ابي اسافر حر لاارتبط لابمكتب ولابغيره ابي من المطار اروح ادور لي فندق
على مزاجي ومتى ماحبيت اسافر لبتايا ابي اخذ ناكسي وعلى بتايا واطرف فندق اسكن فيه
سؤالي هل سفر الهجوله لتايلند ممكن مثل ماكان زمان والا لازم حجز ومكاتب وارتباطات ودوخ راس
ياليت تفيدوني وجزاكم الله خيرا
واذا كان الوضع القديم ماشي الى الان ابي افضل طيران دايركت والا ترانزيت وكم سعر التذكره وابي اجلس 10 ايام
وميزانيتي حدود 3000دولار تكفي والا لا خبري قديم الرخص بس الايام الغلاء صار في كل العالم واكيد ان تايلند
ارتفعت الاسعار بها والمهم كم سعر صرف الدولار هالايام
والفيزا ايام زمان ماكان فيه كان 15يوم مجاني واي يوم زياده تدفع 100 بات هل الوضع مازال كما هو والا لازم فيزا
ياكرهي لمراجعة السفارات والقنصليات تحسسك انك تشحدهم بفلوسك ههه
وتقبلوا فائق احترامي