ناشد الخير
08-07-2022 - 08:52 pm
السلام عليكم : البارح طلعت انا والعائله الكريمه في سياحه داخل الداخليه قصدي داخل الرياض لان الداخليه تعم الوطن الغالي باكمله المهم وش تبونا نتعشى قالو اي مطعم ونا صراحه على طريق الملك فهد قبل مبنى المملكه المهم قلت لهم يالله يمين وادخل بين ذيك العماير وجنوب المملكه واذا بي في مطعم دخلنا المنيو الطلبات كله اكل باكستاني طلبنا برياني ولحم في طبق فخار يطلق عليه لحم لاهاي وركز على لحم لاهاي وسلطات ومشاوي بدينا في الاكل واذا بي بعد وصولي للحم لاهاي واكل منه قطع واذا بالعضمة الجنب اصغر من عظم صدر الارنب صغيره جدأ طلبت الباشر واسله وش ذا اللحم قال هذا لحم خروف قلت ياخي هذا صغر جدآ قال هذا بجا غنم معقوله هذا بجا انابيب صغير مره المهم لم استطع تكملة الاكل كلنا خلاص بداء شعور المقزز ومعنا حق في ذالك معقوله وش هذا اللحم اتوقع ؟؟؟؟؟؟؟؟؟؟؟؟؟؟؟ لا مدري ياخي في مراقبه صحية من البلديه :112:
( ( تم حذف اسم المطعم من قبل مشرف البوابه حرصأ على عدم الاساءة ))
فيه عامل مصري كان جوار بيته في مصر مطعم و اخذها مقاوله معة مايعرف الا هو المهم جاء للسعودية وقرأ يوما ما في جريدة بأن تم ضبط صاحب المطعم خويه يطبخ لحم حمير أعزكم الله فما كان من المصري إلا أن صاح وقال: يالهوي دانا في بطني عشرين حمار
فعاد ماهي بعيدة انه يكون في بطن الواحد منا نص حمار ولا حمار كامل والا بالدرزن بعد