عيون
ان شاء الله تفيدك الروابط السابقة خلال انتظارك للنصائح من
الأخوه الاعضاء الذين زاروا جزيرة موريشوس مع اطفالهم

AraBest
جزاك الله خير على افادتك ....
بس لا تقارنا بابو عزيز ما شاء الله تبارك الله
خصوصا من حيث الميزانيه .....

يا هلا والله بميسي
عارفه انك منتب مفشلتني
يا حبيلك والله
ما ادري متى رحتي ... بس اتوقع انا بنروح شهر 9 أو 10 اذا كتبه ربي... ما يكون الجو دفى شوي..؟
عاد أنا فريزر موب براده وبس ....
المهم ان الملابس الثقيله بنحتاج لها عند النوم بس!!...

يا هلا والله بميسي
عارفه انك منتب مفشلتني
يا حبيلك والله
الله يسلمك ترى استحيت
ما ادري متى رحتي ... بس اتوقع انا بنروح شهر 9 أو 10 اذا كتبه ربي... ما يكون الجو دفى شوي..؟
انا رحت شهر7العام وكان الشتاء عندهم على كلام ابو عزيز ان الشتاء يقعد الى سبتمبر
بس ترى سبتمبر بيكون برمضان خلوكم علوى اكتوبر احسن
عاد أنا فريزر موب براده وبس ....
المهم ان الملابس الثقيله بنحتاج لها عند النوم بس!!...

هلا أختي حنا سافرنا موريشوس قبل ثلاث سنوات وسكنا le coco beach كنا عائله خواتي ووأمي وأأبوي ومعنا أختي صغيره عمرها أربع سنين الأوتيل ترى مره حلو بالنسبه للبزارين وكبير مره كنه مدينه مصغره وفيه صاله ألعاب صغيره فيها ألعاب ألكترونيه والأوتيل مليان بزارين كنه بملاهي ههه يعني فندق عائلي الغرف على شكل أكواخ فيها غرفتين جمب بعض بس بينهم باب يعني لاتخافين على عيالك يعني هو أوتيل عائلي بمعنى الكلمه وخرشه طول اليوم بيتسلون بالسباحه فيه مسبح أطفال ونادي مخصص للأطفال بعد وملاعب تنس ورياضات مائيه كل الأعمار تستانس فيها بصراحه أنا أحسه احسن الخيارات ..وبعدين بالنسبه للشكولاته الشيبس والحلاو ضحكتيني ههه عادي أكيد يوم راح تنزلون للمدينه بورت لويس راح يكون فيها مول صغير وجمبها راح تلقون سوبرماركت قشو منه الي تبون وخلوه بالغرف لأن الميني بار راح يكون سعره غالي شوي فأحسن من السوبر ماركت أشترو ..بس أنشاءلله راح تنبسطون فيه لكن الغرف ترى شكلها مره عادي يعني مب فخمه مثل ماتوعدنا حنا بالمدن نسكن شيء تكون غرفه حلوه هذي غرفتهم عاديه بس الأوتيل على بعضه كبير ويونس حتى لو ماطلعتو منه

ايه صح وبالنسبه للجو طول النهار منعش يعني مايحتاج بلوفرات ولا شيء لبس صيفي عادي لاتكثرين يعني البرد مب لهدرجه وجو الغرف الجو مره عادي معتدل يعني زي بالرياض مع مكيف بس باليل برد شوي يعني وأنتم رايحين على العشاء بلوفر لكل شخص يكفي عشان ماتثقلين الشنط والبس أصلا هناك كاجيول مايحتاج تكشخ حتى البعض أقصد الأوربين وهم سكان الأوتيل الأغلبيه لبسهم بجمات وأنواع الخلاقين يعني فلاتقشين ملابس ..

والله لا يهينكم وين مكتبها في الرياض .....
مكتبهم بالرياض في شارع التخصصي بعد اليورومارشيه من جهة الشمال الشرقي
وهذي ارقامهم تستفيدين منها كثير
دبي0097142144444ويعمل24ساعة
من جميع انحاء المملكة ومجاني8008971487
وبالتوفيق