وعليكم السلام ورحمة الله وبركاته
مشاركة قيمه بصراحه ومفيده بنفس الوقت علشان الواحد يوم يروح لتايلاند ويفكر ياخذ شي يعرف شو بالضبط الاشياء اللي يشتريتها بتايلاند اللي مب موجوده في بلده وبعد اشياء لو فكر ياخذها من بلده بتكون اكثر قيمه من اللي بياخذها بتايلاند انا شخصيا عندي عدة تجارب وبختصرها في نقاط للاستفاده وبذكر وين بالضبط علشان اللي يفكر ياخذ شي وين يروح.
بخصوص الساعات والشنط المقلده في عدة امكان في بانكوك الواحد يقدر يروح لها ويشتري منها
1- بمنطقة نانا (الحي العربي) بدون ذكر اسماء المحلات لتنوعها وبعد لجودتها من محل وآخر.
2- سونلوم نايت بازار والاهم شي المكاسر في السعر.
3- مركز nbk .
الاحذية المقلده (فارس - مندوس - انطونيو - وغيرها رجاليه ونسائية وولاديه) .
1- منطقة نانا (الحي العربي)
الملابس ماركات وعليها خصومات جيدة
1- مركز بوبنسون سوكومفيت ميزته يوجد مترجمين تايلاندين يتكلمون اللغة العربية .
2- طوكيو سنتر (nbk).
عدسات كاميرات ديجتل
1- مركز nbk اسعارها متفاوته انا شخصيا خذيت عدسه تقريبا 7500 بات بس في أبوظبي تقريبا 1200 درهم يعني فرق بالسعر
اجهرة الكترونيه و تقنية
1- بنتاب سنتر فيه العديد من اجهزة واكسسورات للحاسب الآلي واجهزة دي في دي للسيارات و اشرطة دي في دي وسي دي متنوعه
وهناك اشياء عديده ومتنوعه ولكن بعطي الاخوان مجال لذكرها

أكثر تسوقي كاان بالمجمع الي جريب مني اللي اهو بلاتنيوم ،، والشاارع المقاابل له مثل سووق الجملة
بالنسبة للشنط والساعات المقلدة مثل ماتفضل أخوي الحوسني ،، أخذتها من شاارع العرب ، وبعض الساعات اخذتها من China town بشنغماي ،
الثياب والاكسسواراات :: بلاتينيوم ، MBK، Big C و اللوتس LOTUS
الملابس والأحذية ،،تقريبا كلها من بلاتنيوم مع MBK قليل
الالكترونيات وملحقاتها : بانتيب بلازا في بانكوك وفي شنغماي
العود ودهن العود من شاارع العرب (منطقة نانا)
مكياج ماك وبوبي برااون وماركات متعددة ،، من بسطات شاارع العرب آخر شي ، ومن سوق الجملة اللي مجابل مجمع بلاتنيوم
وعلى كل هذا ،، ياريت ارجع مره ثانييه ،، احس واايد بااقية اشيا بخاطري وسهيت أخذها

يا عيني عليج يا حلم
خوش موضوع ومقارب لموضوعيبه بعد
واشياء وايد
ماصارلي وايد فاتحه الشنط وموزعه الاغراض ومرتبتهم
لي رجعه على هالموضوع يا قلبي
حبيبتي انا اخذ صابون وكريمات وشنط اموت على الشنط
وانتو بكرامه الاحذيه والصنادل الغريبه واللي فيها حركات غريبه والوان غري

الحوسني
اخوي الحوسني بما انك خبير قولنا على الاقل اكثر محل للساعات المقلده
تتعامل معاه
وبخصوص العدسات الديجتل لقيت محل في الطابق الارضي وكان اسعار
العدسات رخيصه بس ما اذكر شفت عدسات كانون كله سيقما او يمكن مانتبهت نورت الموضوع بمشاركتك يابو راشد وطل علينا لو عندك شي حاب تذكره

فرفورة بحرينية
منوره اختي فرفوره بحرينيه .. بس ماقلتي شو خذتي من بلاتينيوم ..في ساعات تسوى في حي العرب ؟ وموديلات جديده ولالا
وكيف الاسعار مع ذكر المحل اللي عجبج ا؟ ..مكيجهم زين ولا بعد مقلد تظنين مافينا على الامراض .. لو تقعدين شهرين في بانكوك ماتخلصين من كثر مولااتهم نورتي اختي واسعدني مشاركتج في الموضوع

ليمونة حزينة
هلا ليمونه منوره الموضوع الغاليه .. صح مقارب لكن بفكره ثانيه اعذريني الغاليه .. انتظر مشاركتج وبالاخص الشنط
لان الظاهر ماقصرتي فيهم

حلم طفلة انا خاطري بصراحه اقول من وين ماخذ الساعات بس المشكلة اخاف الناس تاخذ مني فكرة مب زينه وتقول بوراشد قاعد يسوي دعاية حق فلان وعلان انا بصراحه اكثر محل اتعامل وياه بشراء الساعات هو هذه اللي هي مشهورة في نانا اكيد عرفتي منو هي :x1: محد غيرها هي هي بصراحه ساعاتها تقليد درجة اولى لفيت وايد محلات مالقيت شرات اللي عندها :24( فريده علي )) محد شاف ام منوره بتخبرج باشياء وايده اكيد عندها خبره بالساعات ماشاء الله عليها ماخلت ساعة في بانكوك وماخذتها عيني عليها بارده
بخصوص عدسات التصوير انا شخصيا خذيت من وايد في مركز NBK تقريبا بالدور 4 اللي فيه ينباع التلفونات ماعرف شو اسمه بالضبط ولكن مكان معروف المهم بفكر شو نسيت وماخذيته في تايلاند وبتواصل وياكم

الحوسني
بخصوص عدسات التصوير انا شخصيا خذيت من وايد في مركز nbk تقريبا بالدور 4 اللي فيه ينباع التلفونات ماعرف شو اسمه بالضبط ولكن مكان معروف المهم بفكر شو نسيت وماخذيته في تايلاند وبتواصل وياكم
الكل يقول عادي مافيها شي ولا دعايه
فريده علي للاسف مارحت لها .. رحت لليلى وكانت اغلب الساعات عندها رجاليه والنسائيه ماعجبتنا بس في واحد قطري كان
طالب منه الساعه اللي جلد تمساح ناسيه اسمها بس كانت بتوصل بعد مانروح .. انتظر مشاركه ام منوره هي وليمونه لانهن خبره في الاسواق .. وبخصوص المحل في طوكيو سنتر ؟ بسجله عندي عشان الف عليه واشوف الاسعار بس عنده عدسات كانون ولالا
اعصر مخك وارجعلنا اخوي بو راشد

قولي شو ما خذت من تايلند واحس بعد ابغي اخذ اشياء اتندمت اني ما اخذتها انا تقريبا من اسبوع راجعه
اول شي رحت سوق الجمله في شنغراي ينباع فيه نفس الي ينباع في جمعية البيغ سي واللوتس بس بالجمله من معجون وصوابين وشامبو وملطفات و بدي سبريه وصابون الملابس البودره
ومن بانكوك بلاتينوم مااستغنى عنه اخذ من عنده الملابس والاكسسورات والشنط والاحذيه وادوات المدرسه
وجاينا تاون نفس الشي ادوات مدرسيه اكثر شي وسلبرات
وربنسون ملابس الاطفال
mbk ملابس الاطفال وشنط
ومن سنترال ورد و zen الملابس والاحذيه
وخذت من اوم سكارفات فندي ومن جاكي ساعتين ومن فريده علي ساعه
الى اذكره الحين كتبته
الصراحه عن نفسي خاطري اشتري اسواق تايلند كلها