تريتره
اسم الشارع Karntner Strabe وهو اشهر شوارع النمسا ,,, ويوجد فيه المهرجين و العروض و المطاعم و بعض الماركات العالمية الشهيره وتوجد به ساحة ستيفينز وكاتدرائية ستيفينز الشهيره التاريخيه وتتفرع منه شوارع كثيره و افضل طريقه تلفونه اما على القدمين او با الحنطور تاخذونه من عند الكنيسة
موفقين ان شاءالله

تسلم اخوي حدي مصر كلك ذوق والله ..........ماتتخيل قد ايش معلومتك راح تفيدنا ان شالله
طيب تنصح ننزل باوتيل فيه ... وشنهي الاوتيلات ان وجد
بعدين انا مستغربه 60 مشاهده ورد واحد

تريتره
وجهة نظري الشخصيه المتواضعه ما انصح احد يسكن على نفس الشارع لانه ازعاج وغثى ,,, بس تقدرون تسكنون با الفنادق القريبه مثل الميرديان و الماريوت و الراديسون ساس و الهيلتون شتاد بارك و غيرهم
موفقين ان شاءالله

السلام عليكم
تريتره.....صباحك عسل
انا حاليا في فيينا...ورحت لشارع المشاة يجن خيال
وبهالمناسبه...حبيت أشكر منتدى مكتوب العرب المسافرون وجميع الاعضاء بدون استثناء على مساعدتهم لنا بطرح مواضيعهم ورحلاتهم الله يجزاكم كل خير لانه بصراحه فادتني كثير هنال
الف شكر لكم
انا حاليا في فيينا وبعد كم ساعه طالعه على سالزبورج...دعواتكم لنا بالتوفيق وارجع لبنتي سالمه بأذن الله

ترجع بالسلامة ان شاء الله

تروحين وتردين بالسلامه يا ام مضاوي والله يوفقك في سفرتكم ان شاء الله
اهم شي لاتسنيون تروحون شلاشلات كرمل و تشكرون رب العالمين على الطبيعه الحلوه
تحياتي

@أم مضاوي@
اختي كيف الوضع عندكم انا طالع الجمعه مع زوجتي
ابي منك درجة الحرارة والخنازير وش اخبارها
وافضل الاماكن حاليا

احب اشكر كل من شارك في الموضوع واعطانا رايه ........اختي ام مضاوي الله يوصلك بالسلامه ويردك لبنتك
وانا ان شالله سالزبورغ فالمخطط اتمنى توصلين لنا انطباعك عنها

السلام عليكم ورحمة الله وبركاته
الاخ مشاري ناصر /حياك الله
بالنسبه لموضوع انفلونزا الخنازير سافر وانت مطمئن الوضع جدا آمن حتى الشعب هنا مو متخوفين منه....لانه إلا الان مافيه ولا حاله في النمسا غير وحده ومشتبهه فيها فقط
احنا كنا ماخذين احتياطنا بالكمامات لكن الحمد لله مااحتجناها
بالنسبه لدرجة الحراره... الطقس متقلب في فيينا كان الجو معتدل ويميل للحراره وفي سالسبورج اول يوم الجو جنان لكن ثاني وثالث يوم انقلب الجو فجأة امطار ورعود وبروق والكل قلب لبسه شتوي
الان انا في كلاكنفورت والجو بارد وامطار
يعني ضروري تاخذون احتياطم في اللبس
أختي تريتره
بالنسبه لسالسبورج.... جنان خيال يعني لاتفوتك
والصراحع النمسا كلها على بعضها جنة الله في أرضه
دعواتكم لنا بالتوفيق.... والله أني اشتقت لبنتي