أهلآ أختنا ( لينا ) ...
طبعا فندق التريدرز أمام البرجين مباشرة ... والمسافة بينهم أقل من 300متر
أما عن شارع العرب ... فأن التريدرز يبعد ( 10 دقايق مشي بالأقدام ) ...
يعني إذا لياقة ... تقدر تمشي لشارع العرب ... لأن المشي في كوالا ممتع جدآ
وبخصوص القرية الفرنسية فأنها تبعد عن جنتنغ ( 20 دقيقة ) ... وتسمى بوكيت تينجي (Bukit Tinggi )
والأفضل زيارتها من يوم ( جنتنغ ) ... وتكفيها ساعتين ونصف بالضبط ... وتعود بعدها لتكملة اليوم في جنتنغ
أما ( أفاموسا ) فهي تبعد عن كوالا ( ساعة وأربعين دقيقة ) ... ولابد تخصص لها يوم لوحدها
وأخيرآ :
كل فنادق كوالا يوفرون الخرائط للسياح ... أقرأها وراح تفيدك بأذن الله
أنا بصراحة لاأستغني أبدآ عن الخريطة في أي مكان بماليزيا ... وأستفيد منها جدآ

أختي الكريمة لينا
ماقصر غالينا وتاج راسنا الوافي
المسافة من تريدرز للبرجين قريبة و الفندق يوفر شتل كار للتوصيل من وإلى البرجين
هناك طريقة أخرى أفضل لكنها أطول قليلا وهو استخدام الممشى المكيف الرائع من مركز المؤتمرات الملاصق للتريدرز
يوصلك مباشرة إلى مول سوريا أسفل البرجين ، وهناك لوحات تشير إلى البافيليون وشارع العرب شوي لياقة بس
جنتنغ أعتقد أنها تفتح من الساعة العاشرة صباح إلى السادسة مساء هذا للألعاب الخارجية أم الداخلية فتمتد إلى الساعة الثانية عشرة ليلا .

حلو حلو ريحتوني
لكن عندي سؤال ثاني
الحين بالمطار
عندي ثلاث شناط
شنطة بتروح مع الشحن
وشنطة معانا بالطياره
والهاند باق شنطة يدي
طبعا شنطة يدي ما يصلح كريم كبير وعطر ماادري ايش
لكن الشنطه الي بسجبها معاي
راح احط فيها عصير مويه رضعه لبنتي
هل ممنوع ولالا ؟
يعني تتفتش نفس حركة المليات حقت الهاند باق ؟
لاني لارم تكون معاي اغراض بنتي من حليب وعصير وبامبرز ومناديل مبلله وكذا
خصوصا الرحله طويله وترانزيت بعد !!
ياليت احد يفيدني

أهلآ أختنا الكريمة ...
الوضع عادي جدآ في المطارات ... لاتشيلي هم
لكن النظام يمنع بدخول أي سوائل أكثر من ( 50 مل ) ... سواء عطر أو حليب أو غيره
في الطيارة إذا بغيتي ( ماء حار أو بارد ) ... أطلبي من المضيفين ... ويجيبوه لكم
بقية الأغراض والمناديل ... مافي أي مشكلة ... تقدري تأخذيها معك عادي
بس أهم شيء ... الشنطة داخل الطيارة لاتتجاوز ( 7 كيلو ) ... حسب نظامهم

اهاا يعني كل الشنطتين مااحط فيهم عطر ومويه من هالكلام
بخليها على الحليب في مقسم وملابس لبنتي وكذا
ولا المطاارات مرات تخاف تطيح بأحد عله ويكب اغراضك

الموضوع بسيط أختنا الكريمة ...
أهم شيء لاتأخذي عطر أكثر من ( 50 مل ) ... عشان مايصادروه في المطار
أحيان مايدققون أبدآ ... والأمور تمشي سهالات ... بأذن الله
طبعا ( الحليب المجفف ) ماهو ممنوع ... وفي الطيارة أطلبي ماء ساخن ... ويجيبوه لكِ

طيب اخر شي
معليش بتعبك معانا
ان شاء الله راح احجز باص نايس من كوالا الى بيننانق
طبعا انا بكون ساكنه من الصن وي لاقوون
لكن حاولت احجز من لانقور ورفض الموقع لان مافي رحله تطلع من المنطقه هذي !
طبعا مالي الا كوالا اطلع منها
لكن ايش افضل محطه
عندي
kl central
او
puduraya
او
بوترا
لاني مافهمت الموقع
حاط لي كم خيار وبين كل خيار ربع ساعه تقريبا
وانا اخترت وقت الرحله 11 وربع
على كذا تكون عندي الاولى 11 واللثانيه 11 وربع والمحطه الثالثه 11ونص الاخمس
ماادري هل يمرهم كلهم ولا اذا اخترت وحده اطلع منها باشره على بينانق !
والله يعافيك

أهلأ أختنا ( لين )
لاترجعين كوالا ولاشيء
عندكم باصات ( إيرولاين ) .. مكتبهم أمام بوابة ألعاب الصن واي لاقون مباشرة
المكتب بجوار فندق صن واي لاقون ... بينهم ( دقيقتين فقط ) ..
أحجزي على رحلة ( بينانغ ) أول ماتصلون للفندق .. يعني قبل الذهاب لبينانغ بيومين
وهذا التقرير عن ( إيرولاين ) وراح يفيدكم

ماادري بس زوجي يقول نايس افضل ومع انها اغلى سعر تقريبا بس هي الافضل على كلامه
لكن دام هذي ايرولاين تطلع من عند الصن وي اتوقع باخذها ان شاء الله
بشيك وارد لك خبر
ماقصرت الله يجزاك بالجنه