وعليكم السلام ورحمة الله وبركاته
هلا وغلا الغالي
سلبيه وحده في ادجول رود من وجهة نظري البسيطه ..
خلهم ايشلون محلات الشيشه وانكون احنا بخير ..
الشباب ايشيشون الله ايهداهم ويتفرجون على الي رايح والي جاي ..لدرجة الواحد يستحي ايخلي اهله يمشون في ذاك الشارع ..
لوا ايفكونا من محلات الشيشه بنكون بخير ..

اضم صوتي للعمدة واقترح يحتذون بقهوة المونلايت ويحطون لشيشه ورا المحل
بخصوص هالشارع ترا تغيير ماعادهو بمثل الاول لانة كان مليء باخونا الاكراد الي كانو يسوون مشاكل ولكن فرقوهم ووزعو محلاتهم
بالعكس الشارع ولا روع منه احين وتحس انك قريب من ديرتك وفيه شقق راقية وحلوه تصلح للسكن
هذا واله اعلم

وين المون لايت هذى ياشايب قطر؟
عطنى وصف دقيق للوصول اليها وماهو افضل شى عندهم؟

بالعكس الشارع مره حلو الي محليه محلات الشيشة والناس الي جالسين يبه إذا على الواحد خايف على أهله أهلك الله يهداك محتشمين ومتسترين ماراح أحد يقوم يتعرض لهم خلهم يشوفون ويش يسير خل روحك رياضية
بعدين جو الشارع عربي في عربي حتى اللوحات حق المحلات بعضها بالعربي يعني تمشي تحصل لوحه مكتوب حلاق ولوحة مكتوب مطعم تحس إنك في دولة عربية
هاذي من أحلى إيجابياته وبالنسبة للسلبيات ذكروها الاخوان .

هلا شارع وايد حلو بس صراحه حق السكن العائلي ما يصلح لانه وايد ازعاج من سيارات الاسعاف فيه سكن حلو وامان ووست اند كاي في شارع praed street بجنب فندق هليتون ميترو بول وايد نظيف وامان .. بالتوفيق

موادع 2008
هلا موادع طويل العمر الوصف كالتالي خل الهايدبارك في اظهرك كانك متوجة للجهه الثانية في ادجوور روود صوب الجسر ابد بيجيك شارع السيسكس جاردن قبله فية السمرفيلد سوبرماركت كبير وجنبة صيدليه بووتس على يسارك هذولا مقابلهم ع الجهه الاخرى المونلايت
حتى لو جيت محلهم بتظن انه مسكر ويمن يكون مقفول دق عليهم الباب يفتحون لك قبل كان محل عادي تشيش في المحل ( زبون دائم منذاكثر من عشر سنوات) بس الحين الوضع تغيير حطو الشيشه ورا المحل مكان حلو وفية خدمة احسن من باقي الشيش كلها بس عيبه الوحييد ماتشوف الرايح والجاي والحلو فيه الي مايبي حد يشوفه وهو يعجبر امان خ وبخصوص شنو احسن شي العنب الفاخر زين النعناع ماهوب مضبوط اشوف العالم طايحين ع السلوم انا ما دانية التفاحتين بعد حلو ولك الاختيار
موفق وحياك انا الي قاعد بالزاوية

من وجهة نظري مااشوف انه يصلح للسكن وخاصة لعائله
ولا احبذ العوائل تروحله الا اذا الشباب بروحهم واذا الواحد حب يتقضى من هالشارع بعض الاغراض اللي ماتلقاها الا فيه
عن نفسي مااحبه

انا مادري ليش كل هالانتقادات عن هالشارع
يعني وين تبي تسكن .....اذا ما سكنت بشارع الاجول رود
شارع كله عرب واكلهم حلال وتحس انك بديرتك والناس ماتضرك الي تشيش
وذا الواحد وياه هله عل قوله بعض الناس بامكانه يمشيهم رصيف ثاني ويبعد عن القهاوي
يعني لاعاد تقولون المكان مو لهناك
وفوق هذا كله اتعين شقق فخمه وراقيه ودقيقتين ونت قريب محطه الاندر جراوند ( اجول رود ستيشن )
ون بغيتها كعابي دقايق الا ونت في الهايد بارك او شارع الاكسفورد
لا ومحلات الاجول ردو ادق عليهم تلفون يوصلون لك اغراض البيت .... يعني ما يحتاي

دائماً في سفراتي للبلاد الغير عربية
أذهب لأماكن بعيدة لا يوجد بها أبو عرب
لأنه بصراحة بعضهم يستهبلون ويعملون حركات الواحد يخجل منها
وعندما ينتقدونهم اهل البلد لا يستحون على وجيههم.
ذي الصراحة اللي يزعل منها البعض
قانوني في السفر للبلاد الغير عربية
لا تذهب لأي مكان فيه أبو عروب.