عزيزي الكريم
3 ليالي كاندي
برأيي ليلة ب huns falls ومهم انك تذهب له
وليلتين ب kandy amaya hills
3 ليالي نوراليا
من المهم المبيت ع الاقل ليلتين بالكوخ
اسمه unwatuna beach
يوجد صور بتقريري اذا احببت ان تطلع عليه
4 ليالي بنتوته
بنتوته ليس بها شي يذكر يعني اربع ايام كثيرة عليها
يعني ممكن ليلتين كافيه جدا
2 ليله كولمبو
فندق جالداري روعة
اقترح عليك ان تسحب يومين من بنتوته وتعوضها بالفلل والاكواخ تبعد عن كولمبو تقريبا ساعتين الى 3 ساعات
صح انها مكلفة نوعا ما لكن قد تستحق الزيارة
بالنسبة لي انا ما جربتها لكن كنت على تواصل مع بعض الاصدقاء روعة جداا
هي نضامها فلل واكواخ
الفلل تقريبا ب 2400 ريال
والاكواخ 1000 ريال تقريبا
http://www.serenepavilions.com/ocean_pavilions.html
تستحق التجربة برأيي بدل الجلوس ببنتوته
قد تكون السفرة مكلفة خصوصا الاكواخ والفلل
لكن صدقني ما راح تنساها
اذا تقدر تأجل السفرة شوي الى يبرد الجو يكون افضل
دمت بود

اخ ملحان جزاك الله كل خير،واقدر لك مرورك الكريم
للمره الثانيه اتمنى اذا كان في احد جرب شركة sunday holidays
انتظر احد يقول لي تجربته مع هالشركه عشان اتوكل على الله واكمل الموضوع
شاكر ومقدر لكم تجاوبكم مقدما

العرض يعتبر رخيص لكن كما قلت تبقى مصداقية الشركة وبالنسبة لي اول مرة اسمع عن هذي الشركة .
هل السعر فقط للفنادق الموجودة ام لا مانع من اضافة فنادق اخرى .
اختر العرض خمس نجوم وفنادقة حلوة الا في بنتوتة ايدن لم يعجبني ابد والافضل منه تاج ( جربت الثنين والفرق واضح )
مقترح :
ليلة نقمبوا ( ساحلية ) قريبة من المطار للراحة .
ليلتين امايا هلز في كاندي موقعة روعة 4 نجمات
ليلة هوناس فلز قريبة من كاندي
3 ليالي نوريليا فندق القراند
3 ليالي بنتوتة فندق تاج
1 ليلة كولمبوا (مافيها شي تضيق الصدر )فندق السنمون قراند او قلداري .
سفرة ماتعة,,,,,,

نصيحة مجرب دور الشركة المعروفه

السلام عليكم ,
اخوي الصراحه اهنيك على ذوقك واختيارك لسيريلانكا البلاد الخضراء الجميله هذا اول شيء
ثاني شيء والله انا ما جربت هالشركه بس انا قبل اسبوعين راد من هناك وياليتني طولت اكثر وما رديت من جمالها خ
وعن الفنادق اول شيء لازم تروح لهوناس فولز بكاندي وراح يكون خير بدايه لك ان شاء الله لشده روعه هذا الفندق الجبلي
واذا كنت تبي الفنادق الفاخره فروح لفندق كاندي امايا هيلز وهو بيكون بعد الهوناس فولز
بس انا ما رحتله واخذت فندق تيلانكا هوتيل فندق 3 نجوم بس الغرف فيه حلوه واطلالته على مدينه كاندي والبحيره روعه
بس احرص انهم ما يحطونك بالادوار العاليه لانه مافيه اصانصير بس من احلى الفنادق
وبنوراليا اذا كنت تبي الفخامه مثل ما قلت اخذ جراند هوتيل لانه فخم وراقي واذا كنت من محبي الاكواخ والحياه الريفيه اخذ شاليهات الجوفيرنورز تكون مطله على البحيره الي بنوراليا والمنظر خلاب صراحه
والحين بنتوته هم احسن فندقين هناك على حد علمي بنتوته بيتش وفندق ايدن بس سألت السايق عن الافضل قال ايدن احسن وارقى ( مع العلم انا ما سكنت ببنتوته سكنا بالمنطقه المجاوره لها اسمها كالوتارا )
والحين نجي ع الاهم وهو المكتب السياحي انا عن نفسي حجزت عن طريق مكتب عبدالعزيز السياحي
واحنا كنا 3 شباب وحجزلنا فنادق 3 نجوم على حسب طلبنا وكان في واحد من الفنادق 4 نجوم لمده 10 ايام واخذ مننا 1650 دولار لنا كلنا وكان حجزنا غرفه تريبل فيها ثلاث سراير مع وجبات الافطار فقط
والسايق معانا على طول وكلهم مسلمين ويتكلمون عربي وخلوقين صراحه وما شفنا منهم اي سلبيه والرحله كانت موفقه والحمدلله
فإذا كان بودك تحجز بنفس هالمكتب راسلني وبعطيك ارقامهم وايميلهم ورقم السايق بعد واذا تبي انا اراسلهم لك هم انا حاضر بس عطني خبر ع الخاص ،
وان شاء الله اكون افدتك ولو بالقليل وسامحني على القصور
واتمنى لك رحله موفقه وجميله ان شاء الله وترد بالسلامة

اضافه على تعليقي فقط :
فندق تاج يمدحونه حيل بعد ببنتوته *
وضروره ان حجزك يكون فطور وعشاء *
وملاحظه بسيطه اذا كنت اول مره تروح هناك لا تنسى تحسب حساب الاكراميات هناك .

درب يرد مايسد - ضراس - ابن فطفوطه
جزاكم الله كل خير يالاخوان ماقصرتوو
بعد قراءة نصايحكم والبحث بشكل اكبر بالمنتدى راسلت كم من شركه وحصلت هالعرض من شركة
سفاري لانكا - بمراسلة رياس
Riyas Ahamed
والعرض اللى وصلني منه كان
1day
Negombo
Club hotel dophin*
superior Room
One Night
2days
Kandy
Amaya hills 4*
superior Room
Two Nights
3days
Nuwara Eliya
Grand hotel 4* new golf wing
Three Nights
4days
Benthota
Eadn resorts and spa 5*
eadn rooms
Four Nights
2days
Colombo
Hotel Galadari 5*
standard Room
Two Nights
بسعر 2731 $ لشخصين مع فطور وعشاء
وش رايكم اتوكل على الله واجزم على هالعرض عند هالشركه؟!!
مره ثانيه مشكورين بالاخوان

لو تشيل ليلة من بنتوتة اربع كثيرة وتخليها في هوناس فلز والباقي تمام .
حاول تفاوضهم بالسعر وارسل نفس البكج هذا لمكتب ثاني وقارن بين الأسعار .
كولمبوا اذا مالكم حاجة تسوق تكفيها ليلة ؟؟؟؟؟

اخوي اذا تبي نصيحتي شيل يوم من بنتوته ويوم من كولومبو وخلهم يومين حق هوناس فولز بكاندي لا يطوفك هالفندق
واذا سويت نفس ما قلتلك ارسل الجدول حق المكاتب الموثوقه وقارن بينهم وتوكل على الله
وهذا ايميل ورقم مكتب عبدالعزيز الي تعاملت معاه وهو موثوق ومسلمين وناس محترمين
3وهذا رقم سايقنا هناك اسمه فارس ويعرف عربي اذا تحتاجه بشيء مثلا 0094777788723
راسل المكاتب كلها على نفس الجدول وشوف الافضل