- بسم الله الرحمن الرحيم
بسم الله الرحمن الرحيم
وصلنا بحمد الله إلى مانيلا يوم الأربعاء الموافق 27 أبريل الساعة الحادية عشر وكان في استقبالنا معالي الكبيان جيك, بصراحة الرحلة مع طيران الأمارات غير ولا حسيت بالمشوار ممكن لأني متجه للوردة!!
خذانا معاليه وعلى مكاتي وبالتحديد على سمرست (بصراحة اللي يقدر وما يسكن فيه ماعنده سالفة).. خذينا شقة بغرفتين وصالة يحبها قلبكم بثمان الآف ويوم صحصحنا من بكرى فزعنا معالي الكبايانة ديبي والتي قامت بدورها بحشرهم وتهديدهم بنقلنا لمكان ثاني (مع اننا لو قالو بعشرة ماقلنا لا) ماقصرت الكبايانة وطلع علينا اليوم بستة الآف بيسو وما خلت السالفة من إنتقادات علينا (ليش ماكلمتوا قبل ومن هالسوالف.... خذينا في نفس اليوم فرة على تقيتاي و على لا قونا والملاهي وعودنا للفندق هلكانيين (تعب وجوع) إلا الشغالة أم جوي مزهبة العشاء وحاطته على جنب (التيس بثلاثة الآف بيسو)... ومن الغد إنطلقنا نشق طريقنا في وسط الزحام والإنتخابات إلى مابيني (وما حب الديار شغفن قلبي ولكن حب من سكن الديار) وعلى ذاك المكتب وشوي إلا صيدتنا محصلينها (مكانيكي ديزل) ودغري دغري يازلمة على الدايموند هوتل وخذ أحلا و ألذ حليب بقر ما راح تتذوق مثله حتى في لندن ومانشيستر وعندك يا كوب ويا كوبين إلين نسينا غثا فطورنا في ذاك المطعم العربي الله يعطيه الرئيس الجديد اللي يحسن وضعه وإلا (كروت حمر) إستمتعنا بمنظر الصينين وهم يصورون في الدايموند (تحت الطاولة وهم ماسكين الشاي وعند السفرجية المهم ماخلوا مكان في الفندق وفي اللوبي خاصة ماخذوا فيه صورة)... طلعنا على الساعة 2 من الفندق وكبدي تفرك فرك على الإقامة فيه بس الخوي رافض (في راسه التويس اللي بالثلاجة) المهم وعندك عنك ومن بين المنتخبين و الشغلات اللي صفر وحمر وخضر الين وصلنا لسمر ست.. ونحصل ذاك الغداء اللي يا شيخ لو تجمع 10 (شيفات) ما ضبطن مثله .. إلا على فكرة ليش نشري مطابخ على ثلاثين ألف وعلى الباب ستمية ستكر مطعم؟؟؟
سحبنا النومة ولا صحينا إلا الساعة سبع باليل وعلى الجرين بلت و أحلى ستار بوكس ومنه على مطعم البتراء وخذ عندك كاسين شاي مغربي ..
على فكرة ميزانيتنا (إثنين نفر)
4الف لمدة عشرة أيام
من غير التذاكر الي كلفت من الرياض 2300 ريال
فاصل,,
هلو سير جودإيفننج؟
بنفخة شوي: هلو جوود آيفننج..
هاو كان آي هلب يو سير؟
عاد بنفختين هالمرة: نو نو ثانكيو ... وبنفس الوقت... : ديو هاف منوو بليص..
منيو سير؟
إيه نو يس منيو بليز...
(أقول يازين وذافتهم و يا عفن تغطرسنا)
,,,,,,,,,,,,,,,,,,,,,,,,,,,,,
يومياتي مستمرة وفيها (هوشة دموية في مكاتي ونزيف رأيته لن يقف إلا بعملية جراحية وبتخدير كامل)
والشاطر يتوقع وين ؟؟
السمرسيت حلوه والاحلى السوالف عن الورده
بس ياليت يكون فيه صور عشان تكمل الجلسه
ومشكور